¹ Wanyinane, mutalema kwisuwilo lya Mfumu yitu Yesu Kilisitu, Imfumu yawuchindami, nukutemwela ku wantu wamwi. ² Ndi pamwi wumwi akwinjila mwiwungano lyinu azwite ivingolwa vye golide nivizwalo iviyembe, nga swinya ayinjile umuntu umusaluke ni vizwalo ivifite. ³ Ndi mwalola pamuntu wino azwite ivizwalo iviyembe amuwati, " Mwemwe yikalani paa pamasyo ayazima, " kweni amuwati ku musaluke, " wewe yimilila koko" pamwi"yikala pamatamba yane," ⁴ wuzye mutakuyipanzya mwakwe mwemwe mwenga? wuzye mutawa awipanzyo awamelenganio ayawipe? ⁵ Teyelezyani, wakundwe wamunyina wane, wuzye Leza atasozile awasaluke awansi yapansi ukuwa awawotoke mwisuwilo nukuwa awampyani wawufumu wuno walayizizye kwewawo wano wawakunda? ⁶ Kweni mutati muchindika awasaluke! wuzye sawawotoke wano wakutonsya mwemwe? wuzye asawoliwo wano wakawanyuntila kwi pembo? ⁷ wuzye wasisewania izina izima mwakwe lino mwemwe mwitwa? ⁸ Ndi, chingatenga, mukufichilisya isundo ukulingana niwaliko, " ukunde umuwuyo ndivino wayikunda wemwenecho," Ukuwomba ichete. ⁹ Kweni ndi ukutemwela awantu wamwi, ukuwembuka, nga swinya wemunyepwe nisundo vino awakonona isundo. ¹⁰ Amuno kwe wensi wino akutontela isundo lyonsi, ukufumya ukuti akupunula munzilavye yonga, wawa awakononela isundo lyonsi. ¹¹ Amuno wino akuti, mutawomba uwuzelele," swinya akuti," Utakoma." Ndi utakuwomba uwuzelele, kweni ndi ukukoma, wawa awakonona isundo. ¹² Achino uvwange nukuwomba vino wawo wano walipanzwa ni sundo lyawusapulwe. ¹³ Amuno ipanzyo likwiza ilyawula uluse kwakwe wawo wano watalolezizye uluse. Uluse lukachivnya ipanzyo. ¹⁴ Nga awuzimachi, wanyinane, ndiwumwi akuti ndi ali nisuwilo, kweni asi nimilimo? Wuzye isuwilo lingamupususya? ¹⁵ ngandi emunyina pamwi ekazi ndi azwite uwuwi nukusowelwa ichakulya chawanda. ¹⁶ Ngandi ndi wumwi uwe mwemwe ati kwe woliwo, " Pita mumutende, utengane ufichilikwe." Ndi utakuwapa ivintu vino vikulondwa ku muwili, nga awuzimachi wowo? ¹⁷ Munzila iyiliyonga isuwilo pakwe lyonga, ndi lisi ni mimilimo, alifwe. ¹⁸ Lelo wumwi angati, " uli nisuwilo, nga ndi nimilimo." ndanjizya isuwilo lyako ukwawula imilimo, nga nandi kulanjizye isuwilo lyane nimilimo. ¹⁹ Mukusuwila kuno kuli Eleza wenga; mukuwomba ichete. kweni nimpeponye imbipe zikasuwila wonye, nga zikazakaza. ²⁰ Wuzye ukuvwamba umanye, wekalezawe, kuno isuwilo ukwawula imilimo alyavye? ²¹ Wuzye Abrahamu Etata witu atalungamisilwe nimilimo pano wapile ayizeki umwanw wakwe pakavuwa? ²² mukulola kuno isuwilo nimilimo yakwe, nukuti imilimo yakuzile nisuwilo lyakwe umwakukwana. ²³ Iwaliko lyafichilisizwe lino likuti, " Abrahamu wasuwizile Leza, nga chasenzilwe kwakwe weliwe ukuwa amulungamane," nga wisilwe we chiwuza we Leza. ²⁴ Mukulola kuno amilimo yino umuntu akalungamikwa, lelo asa kwisuwilovye. ²⁵ Swinya munzila iyiliyonga, wuzye Rahab umuzeleluke atalungamisilwe nimilimo pano wapochelezile awantumi nukuwatuma inzila ²⁶ iyiwuye? ²⁶ Amuno umuwili ndiwapawulwa kumuzimu awakufwa, achilichino isuwilo ilipawulwe kumilimo alifwe.