Pasal 1

Jesus Kristus nie wamus pai (Nanapi Lukas 3:23 38 pai kota)

1 Jesus Kristus, Dauti tapu pai, Abrahami tapu pai, nie wamus pai tioapa nine. 2 Abraharn diavi Isak, Isak diavi Jacob, Jacob diavi Yehudai, tutir netavava e neta katu pa sia. 3 Yehudai diavi Peres, tutir Serah (sesiniami pai sano pa Tamar), Peres diavi Hesron, Hesron diavi Ram, 4 Ram diavi Aminadap, Aminadap diavi Nahason, Nahason diavi Salmon, 5 Salmon diavi Boas, (siniani ni Rahab), Boas diavi Obet. (sinani ni Rut) Obet diavi Isai, 6 Isai diavi Raja Daud, Daud diavi Salomo (siniani ni Uriai vinie topara pai), 7 Salomo diavi Rahabiam, Rahabiam diavi Abia, Abia diavi Asa, 8 Asa diavi Josafat, Josafat diavi Joram, Joram diavi Usia, 9 Usia diavi Jotam, Jotam diavi Ahas, Ahas diavi Hiskia, 10 Hiskia diavi Manase, Manase diavi Amon, Amon diavi Josia, 11 Josia diavi Jekonya, tutir neta vava e neta katu sia, nana rabua sembe womi na uta Babel pa. 12 Sembe womi na Babel to manau pa, Jekonya diavi Sealtiel, Sealtiel diavi Serubabel, 13 Serubabel diavi Abihut, Abihut diavi Eljakim, Eljakim diavi Azor, 14 Azor diavi Sadok, Sadok diavi Akhim, Akhim diawi Elihut. Elihut diavi Elieser, Elieser diavi Matan, Matan diavi Jacob, 15 Elihut diavi Elieser, Elieser diavi Matan, Matan diavi Jacob, 16 Jacob diavi Yusup Mariai sawani, viavi Jesus sesauwa ve Kristus pai, 17 Apa nanapi Abrahami raama so Daut pa, vura e usapui sura e at. Nanapi Daut raama so kaiwasa Israel pai vie womi na uta Babel pa raama so Kristus vie diadi pa, usapui sura e at kota.

Jesus Kristus vie diadi pa. (Nanapi Luk: 2:1-7 pai kota)
18 Topanusara nanapi Jesus Kristus vie diadi pa, toapa nine. Siniani Maria vie sawa aru tutir Jusupi. Vape aja sundiriau varami. E Mariai sane vava to manau. Sane vava nanapi Wainunu Sren pai nie paya pai. 19 Jusupi, sawa viaru pai, i ma siniotu vene sanepaya viate nina. Apavo dio piowasa sandu manana, ave amamo Mariai miemaja na kaiwasa re vepau vape moja. 20 Jusupi andia sanepai usara kavo nine rami e, dienamiya. Nanapi nie anamiya pai pa, siejo Sien nie Malaikat pesi kievo soi e dioyo; "Jusup, Dauti tapu panau, muetai ruaut Mariai pa vape moja, aso atuma venana sane vediaima vieva nanapi Wainunu Sren pai nie paya pai. 21 Mariai nari diawi Atuma mua pesi, Atuma jani, buona e sano nana Jesus, asc andi nari riera nie kaiwasa pai vurusu sene tatar pasi." 22 Pijasi vura sive diadi toapa janave simasi ariri pi vitopi Sien tiopana nanap Nie Nabi pai pa, toapa, 23 ''Karavi pesi nari sanevava, e diavi atuma mua pesi. Atuma jani nari sesawi ve Immanuel", (Immanuel. I ma kavo Ibrani pina, amamo: Sien Allah andi tutir tata). 24 Jusupi diena to tiendor pa, nienari ariri Sien nie Malaikat pai kavo tiopana maso i pasi. Apa janama Jusupi riaut Mariai. 25 Vape nana rabua Mariai aja diawi atu pai varami pa, Jusupi ditetiai Mariai va. E atuma pai vie diadi to manau pa, Jusupi diono sano nana Jesus.