Pasal 1
Sien Nie Kavo viona tenam pai
1
Nanapi retena mo dunia nei aja nienari varami pa, Sien Nie kavo pai ma andia to manau. Sien nie kavo nei andia tutir Sien Allah, e Sien nie kavo nei, miesi vaveri tutir Sien Allah.
2
Nanapi retena mo pae andia tutir Sien Allah.
3
Pi vura sinanari pa esa itarir-l va. Nanapi I vea, esa tarir-l va nanapi pisaseraine vura. Piesa ina tarir I va.
4
Sien Nie kavo pai ma, tenam pai umaja pai na, e tenam pai viediajara sasaar pai maso siniotu pasi.
5
Sasaar pai disambiar nana vekumuar pai raro pa e vekumuar pai sa miejoi va.
6
Sien Allah Nie amias pai riama, sano pa Yohanes.
7
Riama ve tiopa veruana sasaar pai, ave amano kaiwasa vura sanetiar.
8
Matauni ma vesasaar pai na va, I ma tiopa veruana sasaar pai vea.
9
Sasaar vatamo, visambiara siniotu vura pai, riama so dunia nei to manau.
10
Sien Nie kavo pai andi nia dunia nei, andi nienari dunia nei, vape dunia nei siejo riruin va.
11
Riama so matauni nie aniose pa, vape nie kaiwasa pai tiawa irari.
12
Toa saridioi e, esia kota sembe tirimai e sesanemitiari, e diono hak so sia ave sembe atuma Sie pa,
13
e sembava na aviviavi siniotu va, aso tenam vevavoru pai ma vieva nanapa Sien Allah.
14
Sien nie kavo pai vie siniotu to manau, e miesoi sesiorana tutir tata, e tasajor nie vava verawai pai. Vava verawai jani ma vie tirimai ariri atuma mua retena nanapi Tamani. Nana I pa tasajo Sien Allah, e Nie sanepaya pai maso tata pa.
15
Yohanes riama ariri saksi so I, e ditopanie diojo andi nine, andi itopani e jojo; 'nari riama vepuija usara ya pa, vape bieba rawai nanapi yau, aso aja jaja varami mamo, ima andiya papo to manau.'''
16
I ma Nie sanepaya pai riewai, e mienau vie berkat tata pa va.
17
Sien Nie hukum pasi tasamuaisi nanapi Musai, vape Sien Allah Nie sanepaya veriwa vaveri moja va pai, vieruana nanapi Jesus Kristus.
18
Esi disajo Sien Allah va, atu siria pai miesari andi miesi tutir Tamani e kierakuai vesiri tutir Tamani, andi vieruana Tamani so tata pa.
Yohanes tiopa riwana matauni pa (Mat. 3:1-12; Mrk. 1:2-8; Luk. 3:15-17)
19
Yehudi pa sene veve baba venana Yerusalem pa sia, setamiasa Imam pa sia tutir siniotu Lewi pa sia, ave senda setutan Yohanes aso ima teinina mo?
20
Apa Yohanes tiopa sasara e diojo; Ya ma Raja vekor slamat pai ni ya va.
21
Apa setutanie setojo; tojana pavo, teini au? Elia ni au we? Yohanes diojo; piva, apa setutani ea e setojo, tojana pavo au ma nabi vio verama pai andi au we? Amana Yohanes diojo: Piva.
22
Tojana pavo tuopa so ama, teini au? Ave ama topa sasaar so siniotu viamias ama wa sia. Apavo tuopa riwana matau au toane?
23
Apa Yohanes ruar so sia e diojo; "Ya ma siniotu nabi Yesayai tiopana pa jana; "Siniotu viumi nana mapar rubua pa jana, toapa; 'Mendiar ria pasi so Sien!''''
24
Parisi pa sene amias pa sia setutanea e setojo;
25
Raja vekor slamat pai andi au va, Elia ni au va, e Nabi vio verama pai ni au va, aso vitopi suoiv siniotu pa?"
26
Yohanes ruar so sia e diojo; 'Ja ma isoiv siniotu nana kambu, vape nana rabua mia, nari siniotu pesi,
27
sa mesajo riruinl va, I-ma ria vepuiya nana yau, vape ja ma sa ipaya so ireku nie wai sapatu pasiva.
28
Pijasi vura sive diadi na aniose Betania, maria Jordan rawa vetara mura uta Yohanes sioiv siniotu nana pa.
Sien Allah Nie domba atu pai
29
Kausapa pa Yohanes siejo Jesus riama soi pa, apa Yohanes kievore diojo; "Mesajo, Allah Nie domba atu veki rurana dunia nei nie tatar pasi.
30
andi itopa nari ria vepuia ma na ya pa, vape I-ma bieba rawai nanapi yau, aso aja ive diadi vararni pa, I ma andia to manau.
31
Retena pa ma iruin mojari va. Arorae, irama isoiv siniotu na kambu Sren pai, ave amamo kaiwasa Israel pa sia sendun I.''
32
Yohanes kota vie saksi toapa nine; "Isajo Sien Allah Nie Wainunu pai viar na rorawa mesu, vieva ariri aja kapura e sier nana Jesus.
33
Diarm jani aja iruinl va, teini I. Vape Sien Allah viemias jau e jono kambu Sren pai kievo so ja to manau e diojo; "Suejo samuai Sien Allah Nie Wainunu pai viar e sier na siniotu pesi mamo, andi nari sioiv siniotu nanapi Sien Allah Nie Wainunu pai pa.
34
Yohanes kievo e diojo; 'Matau isajori to manau e ive saksi toapa, I ma Allah Atu paina."'
Jesus nie verausari retena pa sia
35
Kausapa pa ma Yohanes niana uta reu pa riwanea, tutir nie murit pa muandu.
36
Janama siejo Jesus ria pa, apa kievore diojo: 'Mesajo! Sien Allah Nie domba atu pai wana'.
37
Yohanes nie murit pa suradiawa Yohanes kievo tonine pa, sunda surinda usara Jesus.
38
Jesus mienawer tara karu pa mana siejo sunda usari pa, dutan sandu e diojo; "Vitoni musaserai pa?" amana sunduar e surojo; 'Rabi, nuana topina?' (Rabi nana kavo Jehudi, amamo; Guru).
39
apa Jesus kievore diojo: "Mundama ave matau musajo. Janama sunda usara Jesus e susajor uta topi Jesus niana pa. Diam jani ma diam at ravinena. Raria jani kota surinana jana tutir Jesus.
40
Siniotu muandu erine viadiawa Yohanes kievo pae, vera vinda usara Jesus pa sandu esi pai, andi Andarias, Simon Petrus neta katu paina.
41
apa sawawara vesirie Andarias siesera neta vava Simon e tiopa soi e diojo; 'Amasamuai Mesias pai to manau. (Mesias pa masi tutir Kristus, amamo Raja viono Slamat paina).
42
apa Andariassi kior Simoni aso Jesus. Jesus dieduata Simoni, avori kievo soi e diojo; 'Simon au, Yonai atu panau, nari sesau au ve Kefas, (Kefas ma masi tutir Petrus, amamo wi rovuki). Jesus siau Pilipus tutir Nataniel pa.
43
Kausapa pama Jesus kutu toapa nari ria so Galilea, apa ria samuai Pilipus, apa kievo soi e diojo; "Ruama ruausar Yau".
44
Pilipus ma vieva nana aniose Betsaida. Andarias tutir Petrus, sune aniose pana.
45
Apa Pilipus ria samuai Nataniel, e kievo soi e diojo; "Amasamuai siniotu Musai tiopana nana buku Torat pai tutir nabi pa sia setopa pa, andina Jesus, nana aniose Nazaret, Yusupi atu paina.''
46
Amana Nataniel kievo so Pilipus e diojo; "Diadi pi viate pesa rama nana Nasarete?" apa Pilipus dioja soie diojo; 'matau ruama suejo'.
47
Jesus siejo Nataniel riama so-l pa, kievo nanai, e diojo; "Ite mesajo, i-ma siniotu Israel tarai mo nina, varo vava vivu nana-i".
48
apa Nataniel dutan Jesus e diojo; apa buosajo riruin ya toane?" amana Jesus ruar so-l e diojo; "aja Pilipus siau au varamie, isajo au to manau nana ai ara vavar pai."
49
Apa Nataniel kievore diojo; "Guru, Au ma Allah atu pai ni Au, Au ma Raja Israel paini Au".
50
Jesus kievo e diojo; "Sanetiar vedia ma, aso Ikavo toapa, Isajor au to manau nana ai ara vavar pai pana. Vape pi vebaba rawai mo pa esasi, nari suejosi ea!"
51
Jesus kievo ea e diojo; "Vata mo e sanetiar, toapa nari suejo rora pai tiesieva pa, e Sien Nie malaikat pa sia, sesa-sembiar so siniotu atu ne Ya pa."