Pasal 1
Paulus nie surat dienatu so jemaat venana Kota Kolose pai.
1
Maneta pa mia, Sien Allah nie jemaat venana Kota Kolose vesanemi tindia e veve siri tutir Kristus pa mia ! Nanapi yau, Paulus, Kristus nie Rasul Sien Allah rusasana ne yau; tutir tane maneta pa Timotius.
2
Amusaue amusanemitiar Allah Tatamami paiono vesie pai tutir saneraro vemari pai maso mia.
Nadi vimbe trima kasi pai,
3
Amatadiawa to manau toapa, mesanemitiar Sien Yesus Kristus, e mesanemipal Sien Allah nie jemaat pai vura.
4
Apajoma nana rabua amambe nadi so mia mamo, amatopa trima kasih tawana so Sien Allah, tane Sie pai Yesus Kristus Tamani pa.
5
Mesanemitiar e metoisara sanepaya pai pa, aso mesanemitiara pi Sien Allah pir nana rora wae vata anota mia pai pana. Metadiawa kavo nine to manau, nanapi rabua Sien Allah nie kavo Vesie pai tiopana maso mia pa.
6
Sien Allah nie kavo pal, miesiepar usara dunia nei vura, e kior tenam vesie pai maso kaiwasa vura, ariri nanapi retena metadiawa Sien Allah nie sanepaya pai, e metenam nana vesie pai pa.
7
Sien Allah nie sanepaya nini, andi amane maneta amananaripi vurae, amasanemipaya pai - Epafrus, tiopana maso mia pa. Epafrus ma siniotu venanaripi usara Kristus to vesie maso tata nina
8
Andi tiopa so ama, toapa tutir paya nanapi Sien Allah nie Wainunu pal pa, mesanemipai vaveri mia pa.
9
Apajoma nanapi rabua amatadia:va mia pa mamo, amambe nadi tawana maso mia pa. Amasau so Sien Allah, ave amamo Nie Wainu pai diono saneveruina pai tutir sanepaya vetindia pai maso mia, ave amamo menduin ariri Sien Allah nie sanevesie pai to tindi mo pa.
10
Toapana pino metenam ariri Sien Allah nie sanevesie pale, metonae sane pa vesie tawana, ave amamo memberuana vesie pai nana pi vura. E menduin Sien Allah to vesie pa, imbe tamba rawal kota.
11
Isaue tutir paya nanapi Sien Allah vepaya rawai pal ave amamo mesamuai paya e, metosa sun kariria nari vetera mia pasi nana, saneraro vepaya e nana sane vesie,
12
e tutir vetopa trima kasi so Tatamami pal. Aso Tatamami yani, andi dionae diadi so mesamuai pi Sien Allah pir maso nie kaiwasa venanapi nie kerajaan vesasar pal.
13
Andi suvir tata vurusu paya vekumuar pale, tierir tatae dionae tasua nana Atu sanepaya pai nie Kerajaan pai pa.
14
Aso Atu pai pa joma tataisu pa; veruana toapa tane tatar pasi sive ampun to manau.
Kristus tutir nie nanaripi pai.
15
Kristus I ma Sien Allah nie vava veveruana va pal, vieruana nana paina; Kristus ma Atuma retena mo paina, andi riewal mo nana piborai veve diadi nel vura pa.
16
Aso nana I pa, Sien Allah nienari pi vura, nana rora wa, to dunia nei vavo ne, nana pi veveruana to veveruana va, veito wainunu vekariria saserai vesamual paya e veve prenta pasi kota. Uta nei vura nienari nanapi Kristus, e maso Kristus.
17
Pi saseral ne vura, asia varami pa, Kristus ma andia papo to manau. E aso joma I pa, pisaseral vura sina atitieri uta pa siri-siri pa
18
Andi vie ru maso tarai pai pa, andina jemaat pai, aso andi vie umaya nana jemaat pai nie tenam pai pa. I ma Atuma retena vetenam riwanea nanapi voru paina, ave amamo miesari vea, andi sieru rawal nanapi pivura.
19
Sien Allah matauni sanevesie toa, ave, amamo pi venana I pasi vura e, simasi ariria kota maso Atu pai.
20
E nanapi Atu yani pa, Sien Allah dionae pi saserai vurae sisamuai ria vesie pai riwana riwanea tutir I, nana pi venana dunia nel pasi vura, veito pi venana rora wasi. Sien Allah nienari pi ninesi nanapi Atu pai nie voru venana aitabat pai.
21
Papo pa ma membe kasau nanapi Sien Allah. Membe marova tutir I, aso mene vava pasi tutir mene sanepaya pasi sitatar pana.
22
Vape nine ma, Sien Allah dionae metate tutir I riwanea, nanapi Atu pai nie voru pai. Nana ria nini pa, mendama so Sien Allah aropo ne, nanapi vava veve Sren, vekikiai pi va, e vevaro rariai pa.
23
Vape amamo, ima mepaya nanapi korusara pale, metosa to karakuai nana mene sanetiar pasi. Aso metoto mendurebasa sanetiar mesamuai nanapi retena mesamuai Sien Allah nie Kavo Vesie pai pa pe. Kavo yani ma, tiopana to manau maso siniotu pasi, nana dunia vetutira. E apajoma ya kota, Paulus, ive womi pa.
Paulus nienaripi so Jemaat pai pa
24
Nine ma sanevesie imarior so mia pa. Aso imarior nanapi ine tarai nei pa, ira ariri pi vitopi Kristus mieriora so nie jemaat pai pa, andina nie tarai pai
25
Sien Allah diemias yaue ive womi so nie jemaat pai aso joma mia. Ave amamo itopana Sien Allah nie Kavo pai vura;
26
Kavo papo vesiri Sien Allah dieniwara so kaiwasa vura pai, vape rabua nine ma vieruani maso nie kaiwasa pai.
27
Maso nie kalwasa pai pa ma, aso Sien Allah dio tiopa veruana nie onaate pai, tutir nie kavo baba vianiauwa jani maso siniotu pasi vura pa. Kavo vaniwa yani, toapa: Kristus andia niana mene tarai raro pasi, toapa: nari mesamual Sien Allah nie vesie pai.
28
Kristus yani andi amatopani maso siniotu pasi pa. Amatono kavo sanepayae amataniau sia to karakual vesiri. Amatoyo ave amamo, siniotu pasi sikor tara Sien Allah, ariri siniotu vematu nana Kavo Sie, aso sembe siri tutir Kristus to manau pa.
29
Kavo nine a ona mamo, inanaripi to pota vesiri pa. Isun yau, nanapi paya Kristus diono maso yau, e venanaripi nana ine tarai raro nel tutir paya vionu pa.