Pasal 22
Paulus klevo so kaiwasa Yehudi pasia pa
1
Aisinia pa miae, tutir maneta pa mia vura. Nari ikavo rera yau, maso mia vura. Ite metadiawa.
2
Setadiawa Paulus kievo nana kavo Iberani pa yanama setipeya. Avori yanama Paulus dinggavorae dioyo;
3
"Ya ma siniotu Yehudi ni yau, ive diadi nanapi Kota Tarsus, nana uta Kilikia, vape ibaba nanapi nine, na Yerusalem, e jeniawa atoran agama Musai diona so tatapumi pasia pasi, nanapi Guru Baba Gamaliel. Inanaripi to tetap vesiri maso Sien Allah, arii mia nine.
4
Kaiwasa verausara aniau vavoru nine sia ma, imu tatir sia veito semboru. Mua to vavi, itapu sia.
5
vatamoe jawi va. Aso sia setono surat usara ya so kaiwasa Yehudi venana Kota Damsik pasia pa. Ave amamo tutir surat yanie, diadi so jitapur kalwasa vesanemitiar aniau jasi nana Kota Damsik, e Jeriaun sia so Yerusalem, ave amamo sesamual hukum". vurae ikovara sia nana bui pai. Imam Baba mo pai matauni, tutir Agama pai nie ruir baba pal vura, senduin kavo nine, toapa.
Paulus tiopanusara pi veve diadi soi nana nie rara vera so Kota Damsik pai pa
6
Nanapi ine rara pai pa, ira ideriasi Kota Damsik, e raria rabua, avori sasaar pesi disamblara nana rorawa mesu, disanggapara yau.
7
Apa itau avav so kakopa wa, avori jediawa raopui pesi kievo so yaue dioyo; "Saulus! Saulus! Buotopi mun tatir Ya pa?"
8
Avori jutanie yoyo; "Avo ka tuanie, teini Au?" amana ruar so yaue dioyo: "Jesus, siniotu Nasaret, mun tatira pai, andi Yau"
9
Kaiwasa verausara Ya pasia, sesajo vesasaar yani, vape setadiawa raopui vekavo so ya pai va.
10
Apa yuta riwaneae yoyo; "Sie panau, apavo nari vitoni inanari?" Amana Sien ruare dioyo; "Supbataue, ruapui so Kota Damsik. Nari nana wana pino, suemuai ariri pi vitosi Sien Allah sanevesie nuenarisi pape".
11
Apa re nesi sitabuabua, aso visanggapara pal piot pa, avori ine maneta amanda pasia, sendut atitieta yaue, senggor ya a pul so Kota Damsik.
12
Nana yana vori, siniotu pesi sano pa Ananias. I ma siniotu vesanemitiare vekorusarae vera ariri Sien Allah nie prenta Musal tiopana so tata pesi nina. Kaiwasa Yehudi venana Damsik pasia vura setatuani vesiri.
13
Andi riama sieyo yau, avori diosa siwara yaue dioyo; "Manetai Saulus, isaue sivu remu pasie suejo riwanea. Apa nana diam yani veae, isasana renesie yanama isajori.
14
Avori kievo so yaue dioyo, "Tatapumi pa sene Sie pai, diri au to manau, ave amamo ruin ariri Sien nie sanevesie paie, ave amamo suejo Sien Jesus, Sien Allah nie amias vera ariri Sien Allah nie sanevesie pai.
15
Nari vue saksi, ave topanusara pi suejorae, buediawa pasi so kaiwasa vura.
16
Nine ma tituwae woroi ea va. Suobataue, suoiv kambu Sren pal. Suau so Sie pai, ave armamo tueisu vuresu nomu tatar pasi".
Sien Allah diemias Pauluse dieniau kaiwasa vevesiei Yehudi va pasia pa.
17
"Yanama isovera so Yerusalem, e aya ive nadi nana Anio Allah pai. Apa Wainunu Sren pai su so yau.
18
Apa isayo Sie pal; kievo so yaue dioyo, "Sairae vuevu vurusu Yerusalern, aso kaiwasa venana nesia, sa setadiawa au so ine kavo nei va.
19
Apa ikavore yoyo; "Sien, senduin ve vatamo, toapa isua nana anio ari pasi vurae itapur kalwasa vesanemitiar Au pasiae irora tatir sia.
20
Toapana kota nana rabua nomu saksi pai Stepanus, semuni to vioru pa, yaya kota inana yanae isanemi vesie so semuni pa. E, ya josa tutir siniotu vemuni pasia sene sasu pasi".
21
Amana Sien kievo so ya riwaneae dioyo; "rua vea, aso nari jemias aue rua so uta viaroi, rua so kalwasa Yehudiva pasia.'"
22
Kaiwasa pai andia diediawa usara Paulus kievo pa, vape ineri kavo kievorae vipula pa, setananar to baba vesirie setoyo; "Siniotu vetoapa yani ma tamuni. Vioru pa mesaril"
23
Setananare setita sene sasu vorira pasie, senggamu kakopa vesawor pasie setetapasi so vavo wa.
24
Apa komandan baba tentara Roma pai diemiase senggor Paulus aso veve baba nana tentara pasia uta senana pa, ave amamo setutanusarie sesasera ariri pi vitoni viediayarae kalwasa Yehudi pasia setananara Paulus veja pa
25
Vape ineri tentara pasia setavitie seto sendorai pa, Paulus kievo so veve baba nana tentara pa esi viosa tutiri pal, e dioyo; "Ya ma siniotu Roma ni yau, avori aya isamuai urusan varanie, meto mendora ya pa".
26
Veve baba na tentara pai diediawa Paulus kievo tonine pa, ria so komandan baba mo pale dioyo; "Tuani, avo nari buotoane?" Aso siniotu nei ma siniotu Roma nina.''
27
Apa komandan baba pai ria so Pauluse dutanie dioyo; "ite tuopana ariri so yau, toapa, siniotu Roma ni au ve vatamoe?" Apa Paulus ruare dioyo; "Maite, ya ma siniotu Roma ni yau".
28
Komandan baba pai kievo riwanea dioyo; "Ya ma isamual wasa siniotu Roma ne ma, ivori nana valt vetarial vesiri". Amana Paulus ruar sole dioyo; "Vape ya ma Roma tapu ni yau".
29
Apa nana diam yanie, tentara vio vesasera ariri kavo nana Paulus pasia, sesisul sia, e komandan baba pai mletai, aso Paulus ma siniotu Roma nina, avori diemiase setaviti pa.
Paulus kievo nana agama Yehudi pa sene ruir baba vekutu kavo pai pa
30
Komandan baba nanapi tentara Roma pai, dio siesera ve ruin ariri pi vitopi vedlayara e kalwasa Yehudi pasia setoyo Paulus siesara nana pa. Apa kausapa pa ma siau imam baba pasia tutir agama Yehudi pa sene ruir baba vekutu kavo paie, ave amamo senduir.Yanama setita wangga pasi vurusu Paulus vara pasie, senggoria diosa na ruir pai rabua pa.