Pasal 21
Paulus ria so Yerusalem pa
1
Amatopa sasara so veve baba nana Jemaat Epesus pasia to manau pa, yanama ama suvi. Avori amatapai vesiri a so nu vesanomi na Kos, e kausapa pa ama sirieu nana nu vesanomi na Rodos. Nana yana pa, amatapai vesiri a so sawararo Patara
2
Na Patara pa, amasamuai kapal vio viepaia so Fenisia pesi.
3
Apa amasa na kapal pale amatapai to amasayo nu Siprus tara rawa sara; vape amatapai vesiri tatera uta Siria. Apa amasirieu nana Kota Tirus, aso kapal amasa nana pai, dio viar pi kior pasi nana pana
4
Nana uta yana pa, amandae amasayo ariri kaiwasa vesanernitiar Jesus pasia, apa amamasol tutir sia ari siri. Wainunu Sren pai tiopanariri so sia pavo, seto kavo sanepaya so Paulus, ave ria so Yerusalem vape moya.
5
Vape amamasoi na jana to raria pa sikai pavo, ama bata ama vurusu sia e amanda ea ariri amane rara pai. Murit-murit pasia vura tutir sembiniemie tutir sene atumae sendausara ama veito amasuvi vurusu kota pai. Amandarau so sasi dere pa, apa ama vura amatisa amane aebu pasie amambe nadi.
6
Manaupa amambe tabe vavera so amae, yanama amasa na kapal paie, setombavu so sene anio pasi.
7
Amatapal nana Kota Tirus pa, amasirieu nana. Kota Ptolemais. Apa amanda so maneta vesanemitiar venana wasia, e amatopa tabe so siae, amatinana wana tutir sia raria siri.
8
Kausapa pa ma, ama suvi riwaneae amanda so Kaisarea. Na yana pa amanda so Penginjil vesanomi na Pilipus, e amanana nie anio pal. Pilipus ma siniotu rimemuandu viri nana Yerusalem pasia esi nina.
9
Atu vavi pa sembe at, Sien Allah diono paya so sia to manau, ave amamo setopana Sien Allah nie kavo pai
10
Ama nana wana pa, Nabi pesi sano pa Agabus, ria nana uta Yudea ma.
11
Riama so ama, avori kior Paulus nie kavavirai pai. Kavavirai yanie, dinggasie matauni ae pasi tutir vara pasi, avori kievore dioyo; "Wainunu Sren pai kievo toapa nine; "Vene kavavirai nei, nari Yehudi wasia, setaviti na Yerusalem toapa nine, e sesiwiaso siniotu vevesiei Yehudi va pasia."'
12
Amatadiawa kavo nine pa, ama tutir maneta venana Kaisarea pasia vura, amasau so Paulus, ave amamo ria so Yerusalem vape moja.
13
Amana Paulus kievare dioyo; "Avo metosale metonae sanene kariria tonine ve? Ikutu na saneraro ne to manau, ave amamo setapu ya na wana vea va, vape ave amamo ivoru kota na Jerusalem, so Sien Jesus sano pa".
14
Paulus kembaral diediawa ama pa, ama manau amatoi suari pa. Apa amanggavore amatoyo: "Anri Sien pai nie mayar pai vea".
15
Ama nana yana raria pa esandu to mannau pa, amasayo ariri amane pi pasie, yanama amanda so Yerusalem.
16
Maneta pa esla kota nana Kaisarea senda tutir ama, e senggor ama so Manason nie anio pai, aso nie anio paini nari ama nana pana. Manason ma siniotu Siprus nina, e vie Kristen to worol ato.
Paulus ria so Yakobus pa
17
Amanda so Yerusalem pa, maneta venana wasia sembe tirima ama tutir sane vesie vesirt.
18
Kausapa pa Paulus riausara amae amanda so Yakobus, veve baba nana Jemaat pa saya senana yana
19
Paulus rut varakat tutir sia to manau pa, yanama tiopanusara Sien Allah tutir I nanapi nanaripi pale riae nienaripi so kaiwasa Yehudi va pasia pa.
20
Setadiawa Paulus kievo pa to manau pa, sia vura sesanandika Sien Allah. Yanama senggavo s Paulus, e setoyo; "Mambeneta pa Paulus, ruina toapa, kaiwasa Yehudi ne sembe siaran to sesanemitiar Jesus to manau. Sia vura ma sendutawana Sien Allah nie prenta Musai tiopana pasi t karakuai vesiri.
21
E rabua nine ma setadiawa toapa, bueniau kaiwasa Yehudi vemasoi tetiovara kaiwasa venana ut vevesiei pasia, ave amamo setavina Sien Allah nie prenta Musai tiopana pasi. E bueniau sia sembe sunat sene atuma pasia, ariri Yehudi pa sene buzi tawawari pasi vape moja.
22
Nie ma kaiwasa Yehudi veve Kristen to manau pasia, nari setadiawa nuana nine pa to manau apavo nari toane?
23
Vesie pa rua ariri amane kavo sanepaya ne. Toapa, siniotu pa sembe at, asiaya na nine, sepir are maso Sie pai to manau.
24
Apavo ruausara siae menda ve menanari ariri atoran membe sren mene tarai pasi pa, e vuait vor sia, ave amamo sendumi pasi sikasa pe. Nuenari toapa yana pa, ave amamo veruana so kalwasa vura, toapa kavo nuenari e setadiawa pasi, sive vatava, aso auya rua arin Sien Allah nie prenta Musai tiopana pasi kota.
25
Mae kaiwasa vevesiei Yehudi va, vesanemitiar Jesus to manau pasia ma, amatanatu surat so sia to manau, aso amanggutu to manau toapa, sa seta pisia visom karuar va, sa seta veria va, sa seta binatan vevorue veria suvi va, e sa senanari kavo vavi sararidioi va.
Setapur Paulus nanapi Anio Allah pai pa
26
Kausapa pa Paulus ria tutir siniotu ata pasiae senda vura senanari ariri atoran sembe srer sene tarai pasi pa. Manau pa sesua na Anio Allah paie setopana ariri atoran sembe srer sene tarai pasi, nari sendai raria toi ea vori manau pa, ave amamo yanama sia siri-siri diona nie p som pasi pe.
27
Yanama raria rimemuandua pasi deriasi simanau pa, siniotu Yehudi vera nana Asia ma pa esia, sesajo Paulus nana Anio Allah pai raro pa. Apa senggavo amias kalwasa pale setapur Paulus, avori setananare setoyo;
28
"Wojo, kalwasa Israel ne mia, mendama! Siniotu pai nine, ria usara uta vurae dieniau kaiwasa vura nana pianiau viombesiei verawaina kaiwasa Israel nei. Riewaina Sien Allah nie prenta Musai tiuopana pasie, riewaina Anio Allah nei. Nine ma kior "Siniotu Yehudi va nesia ma so Anio Allah neie, seto rariai so uta veve sren nei".
29
senggavo towana pa ma, aso sesayo Tropinus, siniotu Epesus pai ria tutir Paulus nana Kota pal pana; apavo setoyo sa Paulus kioria so Anio Allah pai to manau.
30
Apa kaiwasa venana Kota pai kuya, e setapaia sesorum. Avori setapur Pauluse sepapari nana Anio Allah pai ari so vorira wa, e sawawara vesirie sesiori Anio Allah pai rature pasi.
31
Kaiwasa vetapur Paulus pasia setoyo ave semuni pana. Amana tentara Roma pa sene Komandan baba mo pai, diediawa mana kaiwasa venana Kota Yerusalem pasia vura, sesawau pa.
32
Apa kior tentara pa esia, tutir veve baba pa esia, e sawawarae senda so uta sawau pai niana pa. Kaiwasa pai sieyo Komandan baba pai tutir nie tentara pasia pa, semanau sendora Paulus pa.
33
Avori Komandan baba pai ria rut Paulus, e diemiase tentara pasia senggasie vara pasi na wangga. Yanama Komandan baba pai dutan ariri nanapi Paulus ma teinina pae, vitoni dioni pa.
34
Amana kaiwasa pa esía senggavo tonine e esia senggavo towana. Apavo setombeito Komandan baba pai ruin ariri kavo pa umaya pa va. Apa diemiase senggor Paulus aso veve baba nana tentara pasia, sene uta senana pa.
35
Tentara pasia senda tutir Paulus ra so te pai, amana kaiwasa pasia sesomamuna veja pa, tentara pa sesariowa sasana Paulus.
36
Mae kaiwasa vio vemun Paulus pasia, sepuie setananare setoyo; "Memuni ve viore vurusua".
Paulus siau veamamo kievo rerai pa.
37
Senda sederiasi veve baba na tentara pasia uta senana pa, avori Paulus kievo so Komandan baba paie dioyo; "Tuani, diadi ikavo katu tutir auwe?" Apa komandan baba pai dutanie dioyo; "Apavo au ma ruin kavo Yunani pae?"
38
"Tojana pavo siniotu Masir raria wani viono ru karakual so Pemerentae, vevau tutir siniotu sia-ran ata viomamu tutir pimamunae, vesuae vianiwa nana mapar veve rubua wal pal andi aue?"
39
Amana Paulus ruar so komandan baba paie dioyo; "Yama siniotu Yehudi ni yau, ya ma ivava nana Kota Tarsus, Kota veve sano nana uta Kilikia pai. Isau so aue muajar mamo, yo ikavo so kaiwasa nei.
40
Apa komandan baba pai miajar so Paulus kievo pa. Yanama Paulus siae diosa sasani na te pale, siasana vara pasie suara kalwasa paie pieja. Avori Paulus kievo so kaiwasa pai nana kavo iberanie diayo.