Pasal 1
RASUL PASIA SENE NANARIPI PAI
1
Teopilus, nana ine buku retena pai pa, itopana ariri to manau nanapi Jesus pi nienarie, dieniau nanae, nana rabua ria nie nanaripi pai retena pa.
2
Veito raria sia so rora pa. Aya sia so rora wa warami pa, dioisara ariri pi nana Wainunu Sren pai nie paya pai, maso nie Rasul diria pasia pa,
3
Jesus vioru to manau pa, raria siniotu muandua pasi ma dioisari to veruana vesiri maso Rasul pasia toapa; vatamoe tienam. Sesayorie kievavo tutir sia nanapi, Sien Allah tutir Nie Kerajaan pai.
4
E nana raria ruir tutir sia pai pa, tiopa so siae dioyo; "Sa membavu vurusu Kota Jerusalem va. Metanota nana jana, veito Yai diono pi dierera pai. Pi itopana papo so mia to manau pal.
5
Aso Johanes ma sioiv mia nanapi kambu, vape rariapau va, amamo nari mesoiv Wainunu Sren pai".
Jesus sia so rora pa
6
Rasul pasia senduir sia tutir Jesus pa, setutanie setoyo, "Sie panau, apavo janama buo vuaun riwana Pemerintah israel pai pana pe ?"
7
Amana Jesus ruar so siae dioyo; "Ima Yai matauni, andi kutu ariri raria pai. Apavo mia ma sa menduin va. Aso ima Yal matauni, nanapi dione paya pai.
8
Vape mia ma, Wainunu Sren pai viar mesu so mia to manau mamo, nari mesamual paya. Amamo nari membe saksi so Yau, nana Jerusalem, nana Yudea vetutira, nana Samaria, ra so dunia nei sope wa".
9
Jesus kievo toapa yana to manau mana, tiesiasa so rora wae Rasul pa sia sesayousari. Amana arepa pai ria tievun vediori. Apa setisayori ea va.
10
Asiaya setosae sesayo sasana so rorawa, so Jesus sia pa, amana worabuavae siniotu pa sumbe muandu, susasun sandu nana sasu vemamarae surosa siwara Rasul pasia.
11
Avori sunggavore suroyo; "Avo siniotu Galilea ne mia, aso vitopi metosa veivea nana yanae mesayo sasana rora wa pa? Jesus mesayorae vesa so rora wai, nari sioverai ea ma, ariri erine mesayo sia so rora wa pa".
Setiri siniotu veriwa Yudasi pa
12
Janama Rasul pasia sesovera nana suovavo Saitun e senda so Jerusalem. Suovavo Saitun vekasau nana Jerusalem pa, vare kilo meter siri.
13
Sesovera so Jerusalem pa, sesayai so anio senana pai, andiraro venana vavo pai. Rasul pasia; "Petrusi tutir Johanesie, Jacobus tutir Andariasie, Pilipus tutir Tomasie, Bartolomeus tutir Matiusle, Jacobus-Alpius atu paie, Simon Patriot tutir Judas, Jacobus atu pai".
14
Sia vura sesanemi sirie sembe nadi tawana. Sembe nadi tutir vavi pasia, e tutir Maria Jesus siniani, tutir Jesus neta katu pasia
15
Raria pesi pa senduir ea, apa sepau pa vare sembe utin sirie siniotu siri. Avori Petrusi biataie klevo. Kievore dioyo;
16
"Maneta pa mia | Pi vitosi sivui nana surat repo pai pa, nari simasi ariria. Papo Dauti pa, Wainunu siniotu vepapon riae vetapur Jesus pai. Sren pai tiopa veruana Judasi,
17
Judasi ma tata esi nina, I ma diri to manau kota, ave amamo nienaripi tutir tata".
18
Judas nini ma siemual kakopa kubir to manau, nanapi nie vait so kariria nienari pai. Apa tlawae vioru, e sane pai miesabu to sane wai pasi sisuvi vura.
19
Kaiwasa venana Jerusalem pasia vura, senduin kavo nine. Apa joma sesau kakopa yana nana sene kavo mamo setoyo; "Akeldama". Tandiwa nana tene kavo mamo, "Kakopa veria'.
20
Aso nanapi buku Mazmur pai pa vevui toapa nine, "Ave amamo uta nienaripi nana pa vatae seya, siniotu pesi niana vape moja". E, 'ave amamo nie nanaripi pai diono so siniotu vevesiei pasi".
21
Apavo siniotu pesi tutir tata ea, ave amamo vie saksi toapa Jesus tienam rivanea nana voru pai. Siniotu yanima, siniotu veruir tutir tata tawana pesi, nana rabua tanda usara.
22
Jesus na nie rara pai pa, nana retena Johanes diono kambu Sren pa, veito raria Jesus sia so rorawa vurusu tata pa".
23
Apa kalwasa veruir pa sia, setap siniotu pa sumbe muandu, Jusuf sesauwa ve Barabas pai sesawi ve Yustus kota, tutir Matiasi.
24
Apa janama sembe nadi e setoyo; "Sie panau, Au ma ruin siniotu pasi sisanemi raro pasi, Judasi tiawa vurusu nie nanaripi Rasul pai, e vioru to manau.
25
Apavo vueruana so ama, nanapi siniatu muandua ne sandu, nari teini Sien biri, ave amamo ria nanaripi pai, riwana Judasi.
26
Janama sendut onde so sandu. Apa onde pal tiera Matiasi. Apa setindu sasanie vie Rasul, ave amamo kiota Rasul suraesiri esi pasia.