¹ देवा आत्मा खुल्लो आखेहै की, आवनारा दिहायामे कौताक लोक विश्वास सोडी ते भविष्य आखनारे आत्मे जोकेडो थोगनारे हाय तिया वेला ध्यान लागवीई ² जीया माहाआ हारी बुध्दी ते तिया डांग पडी घेहला होच हाय आने भुतडापेने आवनारो शिक्षणावेला आने ढोंगी माही गाेगनारा वेला ध्यान दिई. ³ ते माहाल वराड नै केरा देणारे आने जे बिहीरो विश्वास थोवणारा ही आने खेरापणाम जाआणाराही ही उपकारस्तुती किईन स्वीकार केरा जोजे तिहाल देवाय हुबूर आलो हाय तियाल केरुला नै आखीई वोजुला ⁴ तर देवाय हुबूर लालो हरऐक वस्तु हारी हाय आने उपकार स्तुती किईन लेदी तर कायभी हानी नाहा ⁵ काहालका दरएक समय तर देवा वचनावाय आने प्रार्थनेवाय पवित्र केली (रेहे) जाहे ⁶ जाहा तु ऐ गोठ्या ख्रिस्ती माहान हीकवोहो, ताहा तुमा जे सत्याम व विश्वासाम वादोहो आने हाऱ्या शिक्षणाल (ग्रहण) मान्य केहयो ताहा तु ख्रिस्त ईसुल हारो सेवक बनोहो ⁷ पेन डाऱ्या बायुन पाेटनाऱ्या एहेड्यो अमंगलपणा काहान्या मानोहमा, ताहा तु पेनिल देवा सुभक्ती बारेमे तियार केअ ⁸ काहालका शरीरा कामाल कमी महत्व हाय पेन, देवा सेवाल खुब महत्व हाय, काहालका तोओ आमी जो जीवन हाय तिया बारामे आमे आवनारो भविष्यामेने जीवना बारामे आशिर्वादा अभिवचन हाय ⁹ ई वचन विश्वास केरुलो योग्य हाय जो हमेशा मानलु योग्य हाय ¹⁰ इयाखातुर आपु श्रम व खटपट केअताहो काहालका जो होगाज माहा व विशेष किईन विश्वास थोवणारा तारणारा, तिया जीवींता देवाप आपुही आशा थोवली हाय. तीमथ्याल खाजगी जीवुक्रम आने शिक्षण ¹¹ ऐ जे गोठ्या हाय ते आज्ञारूपावाय आख आने हिकव ¹² केअडोवी तो जवानील कोमी मानानैय जोजे तर वोलण्यात वागुलोम प्रेमाम (आत्माम), विश्वासाम शुद्धपणाम, विश्वास थोवनारा आदर्श (नमुनो) वेअ (बन) ¹³ माय आवेतावहुद वाचुलोम शिक्षण देईल केरुलोम व हिकवुलोम, इयावेला ध्यान दे. ¹⁴ तोअप डायामाहाय (वडीलवर्ग) हात थोवुलो समयुप संदेशा आखनारा वाय देताम आललो ऐहकी जे कृपादान तोअम हाय, तिया वेलाने दुर्लक्ष वेरा मा द्योहो ¹⁵ इया होगीज गोठी वेला ध्यान दे, तियाम मानमे पुरो मन लागवीन रेअे, इयाखातुर की तोओ उन्नती (प्रगती) बादाज माहाम देखाय आवे ¹⁶ आपु वेला आने आपु हिकवुलो वेला ध्यान दे तियामाजमे टिकीन रेअे काहालका ऐहकी केरुलो कारण से तु (स्वत:) पोतेला व ते तोओ उनामेहे, तिया खोटी रिते हिकवुलो से बचाव कोह्यो.