¹ तर बादाज पेला माय ओ बोध किहयु की, प्रार्थना, विनंत्या आन आभार प्रदर्शन बादान माहा खातोर केरा जोअजे. ² आने विशेषत: राजा खातुर आने जे मोडे अधिकारी हाय तिया होगाज खातुर प्रार्थना केरा. ईयाखातुर की आपु पुर्ण सुभक्तीत आपु गंभीर पणाम शांतीमाय आने स्थिरपणावाय एहेकी जीवन जीवा जोजे. ³ काहाका ई आपु तारणारा देवाआ नजरीकी हारो उनाय लेवुला माननु योग्य हाय. ⁴ तीया इच्छा हाय की बादेज लोका तारण वेरा जोजे आने खरोपणावाय पुर्ण ज्ञानाम पोहचा जोजे. ⁵ काहाका एकुच देव हाय आने देव आने माहा वच्चमे ख्रिस्त ईसु ओ माहा एकुच वचमे हाय ⁶ तियाय होमान खोंड बेचाते ला खातुर स्वंताल दिई देदो इयाबाराम साक्षी योग्य वेळे देऊलो जरूरी हाय. ⁷ आने इया साक्षी प्रचार केराखातोर माल घोषणा केनारो आने प्रेरित माय खेराे आखुहू खोटो आखता नाहा, ऐहकी परदेशामेने माहांवाेचमे विश्वास आने सत्याआ शिक्षक म्हणुन थोवालो हाय. ⁸ तियाहाल माआ ऐहकी ईच्छा हाय की बांदा जागापे आदम्याये रोग व भांगड सोडीन पवित्र हात उच्चा किन प्रार्थना केरा. ⁹ तिया होच माआ ऐहडी इच्छा हाय कि बागुल स्वता:ल केस ओखलुलो होनो आने मोती आने मोगे पातडे इयाकी वाय नाहा ते होमोजदार पोतडावाय नोमीन सामालीन पिडामेने केरा जोजो. ¹⁰ तेहकी देवाखातुर होपाय गेहेले किन जीवन जीवनाऱ्या बायुही जेहकी शोभीही, तेहकी स्वताल हारा कामाकी सोबावा जोजे ¹¹ बायुही शांतपणे आने पुर्ण होपाजायने जोजे. ¹² आय बायुल हिकवुलो परवानगी देतोहो नाहा काहाका पुरूषाप अधिकार चालवा परवानगी देतोहो नाहा तिया ऐवजी तियुल शांत राआ जोजे. ¹³ काहालका पेला आदम बनवाम आलो तिया पासलानो हव्वा (पाछला हवा) ¹⁴ आने आदम ढोगाय गियो नाहा तर बायु ढोगाया गिई आने ती पापाम पोडी. ¹⁵ तथापी पोयरा जल्म देऊलो वेले तियु रक्षण वेरी ती विश्वास प्रिती व पवित्र रिईन इयाम सामालीन रेऊलोवाय ई वेरी.