अध्यय १
1
देव आपु तारणारा आने ख्रिस्त येशु आपु आशा तिया आज्ञे की ख्रिस्त येशुअ प्रषीत पौल ईया पेने;
2
विश्वासा मेने माआ खेअेरो पोयरो, तीमथ्य इयाल आपु देव जीया बाहाका, आने आपु ख्रिस्त येशु आमाआ प्रभु तियापेने कृपा, दया आने शांती वेअ.
3
मासेदोनियाल जाहलो, ताहा माय तुल कालावालाकीइन, विनंती केअेली आथी, तेहकी आमीबी किहुयु की, तु इफिसाम राआ जोजे ऐहकी हमजीन की तु कोअताक माहान हारकी (आज्ञा दिईन) आखाे की, तियाय जुदी/बीहीरो शिक्षण नैय हिकवा जोजे.
4
आने जीई दैवी व्यवस्था (नियम आज्ञा) विश्वासावाय हाय, तिया उपयोग नैय केअनारा आने भांगगुड्या वाद मात्र ओत्याहा उबजुत्याहा केअनाऱ्या काहानी वेअले आने अनंत वंशावल्या वेअला मोन लाहावा नाहा. तोअज माय आमीबी आखुहु.
5
आने इया आज्ञा उद्देश प्रीती हाय, जीई शुध्द (हारी) अंतकरणामेने, हारा विवेक भावामेने आने निष्कपट विश्वासामेने राआ जोजे.
6
ऐअ गोठ्या सोडीन कोअताक जाआ वायबार गोगुलो वेअला फिरला हाय.
7
तियाहान नियमशास्त्रा शिक्षण हिकवुनारो बनलु आथो, पेन तेअ जियु गोठी बारेमे मोडा आत्माविश्वासकी ई आखतलो आने आखेहे तियाल तियाहान हमजुतो नाहा.
8
पेन आमाल ई मालुम हाय का, केअडाय नियम शास्त्राल खेरोखेरो हारी रिई ती उपयोग केअयो वेअरी तोज हारो हाय.
9
आने आपुहुन इ मालुम हाय का, नियमशास्त्र ई नितीमान माहाखातोर केअलो नाहा तर आज्ञाभंग केअनारा आने भांनगुडया, पापी, भक्ती नेय केअनारा, अधर्मी, अशुध्द, बाहाकान मारी ठाेकनारा आने याहकीन मारी ठाेकनारा, माहा घातक.
10
जारकर्मी, समलैंगीक, माहा धंदो (व्यापार) केअनारे, खोट्या गोठ्या केअनारा, खोटी शपथ लेअनारे इया खातोर हाय आने खेरो हिकवुनारो विरुध्द नाहा काही बिहीरो वेअरी ताहा तियाखातोर हाय.
11
गौरवी सुवार्ता (माहान ऐहडी हारी गोठ्या) जीई धन्यवादीत देवापेने आवेहे आने जीई माआपे होपली हाय, तियुल लागीन केअली हाय.
ख्रिस्ता कृपेबोद्दोल पौलाय देखावले उपकार
12
जियाय माल शक्ती देदली हाय, तिया ख्रिस्त येशुल आपु प्रभु माय उपकार मानुहु काहालका तियाय माल विश्वासु होमजीन सेवाम थोवलो हाय,
13
जर माय पेहेला देवानिंदा केअनारो, वोहखो केअनारो आने हिंसक आथो पेने माय तोओ नैय जानारो आने अविश्वासावाय केअेयो, जीयाहाल माआपे दया वेअयी
14
पेने विश्वास आने प्रीती जोई ख्रिस्त येशु मेने सापडेहे ती आपु प्रभु कृपा वाय खुबकाही केअयी.
15
ई गोठ विश्वास केरुलो आने पुर्ण मान्य केरलु योग्य हाय का, ख्रिस्त येशु पापी माहाने तारण द्दाआ खातोर जगाम आलो, आने तिया पापी माहामेने माय मुख्य पापी हाय.
16
पेन केवळ इयाज हेतुकी माआपे दया देखावाम आली की माआहोज अत्यंत खाराब पाप्यापे ख्रिस्त येशुय सहनशीलता देखावीली तिया दाखलापेने आगला टेमाम जे तियापे विश्वास थोवीई तियान सर्वकालीक जीवन मीअली.
17
आमी जोलमजुग्यो राजो जो अविनाशी आने अदृश्य हाय, ऐहकी एकाज देवाल मानपान आने गौरव हमेशा खातोर वेअे. आमेन.
18
तीमथ्या माआ पोयरा, माय तुल तोओ बारेमे पेलाज आखाम आल्लो संदेशा अनुसार ही आज्ञा होपली हाय, इयाखातोर की तु तियावाय हारी लढाई केअरा जोजो.
19
आने विश्वास आने हारा मोन तेअे, कोअताक याले फेकी द्देलो हाय इयाहीने तिया विश्वास रुपी उळ्यो डुबी गियो.
20
तियामेने हुमनाय आने आलेक्सांद्र हाय तियान मायुय सैतानाअ आथाम होपी देअदले हाय, इयाखातोर की, निंदा नैय केअरा हिअका जोअजे.