¹ 1. एंवी ए मार बायह बोणहा तुमु बोगवानोन पुरया पारी बोण गोया कोरीन पोरबू यीशुमा खुशीमा रोयू मी योज तुमुह गोडी गोडी लेखतलु कोरीन मेंहे कोदी दुख नी लागतलु एने यो तुमरा हाजान कोरता से| ² 2.ज्या चामडो कातोरनेन रीति पावतला तीनुह ओतरुज बोगवान वाचाडहे एंहे ज्या हिकाडतला तीनु दोखा सोमाविन रोयू च्या कुतरान होस से एने च्या खोराब काम कोरनारा से| ³ 3.आपू माणहे बोणावला डिलोन रीतिपर बुरहु नी कोरतला पूण आपू चूखलों जीव आत्मा मोदत दोखा बोगवानोन बोकती कोरीन आपू यीशु मसीह आपणे करता काय कोरलु तेर बारमा ओतराज मोठाय कोरतला ते खोराखोर आपूज चामड़ों कातोरणेन रीत कोरला माणहे कोवाय| ⁴ 4. मी ते डिलोन मेहनुतोपर बी बुरहु कोर सकतोतु कायथापे कुण बी डिलोन मेहनुतोपर बुरहु कोरने विचार कोरे ते मी तीनु दोखू बी डिलोन मेहनुतोपर खूब बुरहु कोर सोकतलू | ⁵ 5.मार जोनम ओयिन आडवले दिहोमा चामडो कातोरनेन रीत कोरनेम आवली मी इस्राएल देशोन से ; एने बिन्यामीनन गोराणान से ; मी खोरु यहूदी से; मी इब्रानियान बी इब्रानी सेतूह ; नियमन वोगे दोखू ते मी फरीसि पोंथवान होस यहूदीन नेम पावतलु | ⁶ मी बोगवानोन मंडलीन माणहोह खोरवाड्य पोडिन खूब सोतावलु मी बोगवानोह खुश कोरावणे आखा यहूदीन नेमोह पावीन जुड़नारा दोरमोन इसाबे माणहोन निंगामा बिगुर गुणावालु ओतु | ⁷ 7.पूण मी यीशु मसीह जाणनेन ओवतु ज्यों चीज मी फायदान सोमझतोतु च्यों आखों एंवी यीशु मसीहन कोरता मी नुकसाण सोमझतलु | ⁸ 8. च्यों ओतरो नी पूण जर मी पोरबू यीशु मसीहोह उवोंखणेन कीमोत तुलिन बावतलू ते आखा चीजोह मी नुकशान सोमझतलु काहाके च्यों किमोत नी कोर सकतलू ओतरो मोंगो से तेर कोरता आखि चीजोह मी सूड देल्लु एने तीनुह मी कचरु समझतलु तिनामा मी मसीह हाते मिविन खुशिमा जीव सकतलू | ⁹ 9.एने मी तीनाहाते एखठु रोयणेमा जीवतलू बोगवान मेंहे तेर नजरोंमा यहूदीन नेम पावतलू कोरीन मेंहे दोरमी नी बोणावतलु काहाके बोगवान आपू यीशु मसीह पर बुरहु कोरतला कोरीन आपुह दोरमी बोणावतलु | ¹⁰ 10.बोगवान मेंहे दोरमी सोमज्यू मी खोराखोर यीशु मसीह एने ज्यी ताकोत तीनाह मोत दोखी जीवतु कोरली च्यों जाणिन तेर होस मी बी तेर दुख वेठणेन वाटामा मोरिन ¹¹ 11.मोत दोखा जीवता ओयणारान होस मी बी लायोक बोणने आसा कोरतल ¹² 12. एर मतलब यो निंबे के मेंहे यो आखों जुड़ गोयलो से एने यो बी नी मी पुरून पुरू पक्कु ओय गयु एंहे मी नी कोयतु पूण ज्यों काम कोरने यीशु मसीह मेंहे नीवाडलु से च्यों पुरो कोरनेन कोरता मी खूब मेहनुत कोरीन तीनाखेर दोवडतलु ¹³ |13.ए बायहा बोणहा मी बोगवानोन होस पुरून पुरू नी बोण्यु पूण मी एक काम कोरतलु ज्यी मार जीवायोन जूनली वात वीहरीन मी ओगोव काय कोरनु तिनापर मोन लागाडीन तीनाखेर दोवडीह ¹⁴ १४ . मी यीशु मसीहपर बुरहु कोरतलू कोरीन बोगवान मार वाटू सोरगोमा पेलेन मेक रोयूह इलाम ! जुड़नु जुवे कोरीन तीनाखेर मी मेहनुत कोरीन दोवडतु जातलू | ¹⁵ आपणामा ज्या बुरहामा पोक्का से तिंदरु बी तोहलू सोबाव जुवे पूण जर तुमरामा थुडाक माणहे बात बातीन विचार कोरे ते बोगवान तुमुह हाजीहुते सोमझाडहे | ¹⁶ 16 पूण जेंहे तुमु खोरी वात मानीन चालहोत तेंहे ओगोव बी खोरी वात मानीन होस कोरीन चालता रोयजु ¹⁷ 17.ए मार बायह बोणहा तुमु मार होस जीवाय जीवणे कुसीस कोरजू ज्यों काय मी हिकाडलु च्यों मानीन ज्या जीवतला तिंदरे होस तुमु बी जीवू | ¹⁸ 18.खूब माणहे यीशु मसीह ज्यू क्रूसोपर मोरलु तेर दुस्मोन बोण गोयला यो तुमुह पेलेन कोयाज एने एंवी फोसु मी योज रोड़ीन कोयतलु |

¹⁹ 19.ज्या नास ;ओयणेवाला से तिंदरा डिलोन इच्छा पूरी कोरनेन कोरता ओतराज जीवाय जीवतला च्या लाज आवे ओहली वातोपर मोठाय कोरतला एने इन चीजोन विचार कोरतला | ²⁰ 20. पूण आपणो खोरलो गोर ते सोरगोमा से एने आपणु वाचाडनारु पोरबू यीशु मसीह च्यांहरी दोखू आवहे कोरीन आपू वाट जुवणे बाज रोयतला |

²¹ 21. आखोज तेर सोतान काबामा लावणेन कोरता च्यु ताकोत वावू से तीन ताकोतन दोखू आपणो ज्यों नास ओयणारा डीलोह तेर मोहिमान डिलोन होस बोदलाव देंहे |