2 पुण च्या कोया , तीवारोन दीह तीनाहा दोरनु नी , नी ते माण होमा दोगु मात जाहे ! 3 यीसु बेतनीया गावमा सीमो नोन गोरमा आतु । च्यु सीमोन पेल कुड्याव बेमारी वावु अतु । जेतार यीसु खातोतु तेतार एक बायी खुब मोगलो आतोर दोगडान हीहामा लीन यीसु हाते आवी ! एने च्यी मोगलो पीवर आत्तोरोन हीहु फुडीन येसुहु मुंडोपोर रेचवी देव्या !
4 पुण पुडाक माणहे च्यांहरी बोठाला आता , च्या मोनमा खोता आत्तोरोह काहा वायबार कोर ! देनी!
5 उना आत्तोरोपर जर तु तीन होच दीनारोमा वेचीन च्या पोयहा गोरोबोह आप सोकतोती, ऐहे कोयीन च्या तिनीही जुलने बाज गया । 6 येशु कोयु, उनीही सुड देवु, उनीही काहा वीताडतला? यी त मार कोरता हाजो काम कोरली से !
7 गोरीब माणहे ते तुमु हाते जलमकाज रोयहे,तुमु जेतार जुवे तेतार तीनुहू मोदत कोर सोकतला, पुण मी ते तुमुहाते जलमकु नी रोयो !
8 ज्यो काय यी बायी कर सकी च्यो हाजोज करली से, एने यी बायी मार डीलोपर आत्तोर रेचवीन मी मोरनेन पेलुज मार दोडोह वोगे कोरनेन रीतोन तीयारी कोरली से !
9 मी तुमुहु खोराखोर कोयतलु, काहरी बी इन दुनीयामा माणहे भगवानोन हाजी खोबर परचार करतला, ज्याहरी च्या यी बायी मार करता काय करली एर कामोबेव नावलायहे, तीनामा माणहे ईनीही और करहोत ! 10 तेतार येहुदास उसका रीयोत ज्यु, येशुन बारा चेला मायलु एक चेलु अतु. च्यु येसुहु दोरावणे कोरीन डायला पुजारापाह गोयु
11 जेतार डायला पुजारानु चो होव्या ते खुब खुस ओया ओयु ओया, एने च्या नीनाह पोयहा आपणे वायदु कोरया ! कोरीन च्यु नीनाहा दोरीन होपने सन्दी हुदने गयु ! 12 फसह तीवारोमा येहुदी माणहे बीगुर जेवण आवला लुठोन रूटु खाणेन रीत आती. फसह तीवारोन पेल्ले दीही मेंडा बुक डान गोदलो मारीन बादा चोडावणेन रीत कोरतोत ते चेला येशु हाते आवीन फुसणे बाज गया “ आमु तार कोरता फसह तीवारोन खाणों काहरी तियार करजे!
13 येशु तेर दुय चेलानु चो कोयु, “ देखु सेहरोमा जाताज एक माणुह तुमुह डेगडो लीन जातलु मीवायहे, जीना घरमा च्यु जाये, तीना घरमा तेर फसोव तुमु जाजु!
14 एने तीना घरोन मालकोह फसजु. आमरू गुरू सोहो फुसतलु के, पावणाह खावाडणेन खुली काहरी से जीनामा मी मारे चेला होते फसह तीवारोन खाणों खावु ? 15 अवतु च्यु पेलेन तीयार कर रयली एक ओवालीन उपोरली खुलीमा तुमुहु लीजाहे च्या हरी तुम आपणे कोरता खाणो तीयार करजु “
16 कोरोन च्या दुय चेला नी कवीन सेहरोमा गया,तेतार येश जेहे कोयु त मेहेज बोठा देख्या, एने च्या च्या च्याहरी फसहन खाणों तीयार कोरला 17 हांजपरली वेवा येशु बारा चेला होते च्याहरी आव्यु !
18 एने च्या बोठीन खाणे बाज रोयला, तेतार येशु कोयु, “ मी तुमुहु खोराखर कोयोह, तुमरामा एक जण मारहाते खाणों खाणे बाज रयुहु च्यु मेहे दोकु दीन दोरावहे! “
19 चेला खुब नाराज अय गया एने तिनाहा एक एक फुसणे बाजगया,” मी से के च्यु!. “ 20 च्यु तिनुहु कोयु, “ . बारामायलु एक जण ज्यु मारे हाते वाटकामा रटु बुडाडीन एंवी खाणे बाज रयुहू! “
21 काहाके जेंहे तेर बारामा पवीत्र पुस्तकमा पेलेन लेखायल से तेहे माणहोन पुरयाह ( यीसुहु ) मोरनुज पोडहे, पुण तीन माणहोन हाल कोतरी बेक्कार ओयहे ज्यु माण होन पुरयाहा दोकु दीन दोरावहे । जर च्यु पोयदा नी अयनू तीबी हाजो रयतो ! 22 एने च्या खातोता, तेतार येशु रूटू लीन भगवानोह दन्यवाद करयु, अवतु च्यु मुडीन चेलाहा आपीन कोयु, “ यो तुमु ल लेवु, एने खावु यो मारो डील से !
23 एने अवतु येशु पीयालो लीन पियालान करता भगवानोह धन्य वादु कोरयु, एने तीनुहु आप्यु, एने च्या बोठा तीनामा दोखा पीदया !
24 एने येशु तीनुहु कोय, “ यो मारो नवलो वायदान लुच से, यज भी आखा माणहीन कोरता वोयावण्यु से!
25 एने येशु तीनुहु कोय, “ यो मारो नवलो वायदान लुच से, यज भी आखा माणहोन कोरता वोयावण्यु से| 26 च्या बोजन गावीन ओवता, जेयतुन बोयडा पर जाणें बान गया।
27 तेतार येशु तीनुहु कोयु, “ तुमु आखा आज राती मेहे सुडीन नाह जाहोत, काहाके भगवानोन पुस्तकमा यो लेखायलो से, मी मेंडा बुकडान गुवाऱ्याह मसिह, एने मेंडा बुकडान गोवारु वेरासेर ओय जाहे!” 28 पुण मी जीवतु ओयीन ओवतु तुमु दोखु पेल मी गोलील जीलामा जायीह ! “
29 पतरस पीनाहा कोयु, जर आरवा तोहों सुड देहे ती बी तोहों कोदी नी सुडो ! “ 30 येशु तिमाह कोयु मी तोहों खोरोखर कोयोह के, आज राती तू कुकडु दुय वार वाहणेन पेल तीन वार तु मारूउ नीकार कोरीन कोयहे के मी येसुहु नि उवरवतलु! “
31 काय मी पतरस उंजु जुर दीन कोयु, जर मेहे तार हाते मोरनु पोडहे ती बी मी तारू इनीकार नि करो, आखा चेलानु तीनाह एहेज कोयणे बाज गया। “ 32 अवता च्या गोत समनी नावोन एक जागे गोया, एने येशु तेर चेलानुहु कोयु, जाहलोगण मी पोरथना कोरीन आवोह, ताहा लोगण योंहरीन तुमु बोठ रयजु!”
33 एने च्यु पतरस याकुब, युहन्ना तेर हाते ली गयु, एने खु दुखी ओयीन गाबरायणे बाज गयु!
34 च्यु तीनुहु कोयु, “ मारू जीव दुखोमा खुब नाराज से जेहे मारू जीव नीकवतलुज लागेह, याहरीज तुमु याहरी थांब रोयजु, एने जागता रोयजु! “ 35 एने च्यु थुडुक ओगु गयु, धोरती पर ओग मुये पोडीन पोरथना कोरयु, “ जर ओय सोके ते यु टेम मारहाते दोखु सेदु ओयणे हे!
36 एने कोयु, “ ए ओब्बा ! ए बाबा ‘ आखोज तु कोर सोकतलु, चो दुखोन पीयालो मेहे दोखु सेदु कोर देजी, मारी मोरजी मी, पुण तारीज मोरजी पुरी ओयणे दे ! 37 ओवतु यीशु तेर चेला हाते आव्यु, ते तेर चेला हुवतला देखाया, च्यु पतरसह कोयु, “ ए सीमोन “ तु हुवतल के ? काय तोंहो मार कोरता एक ताव बी नी जागाये के !”
38 तुमु फारकोमा नी पोडनु जुवे कोरीन, जागता एने प्रार्थना करता रोयू , खोराखर आत्मा ते तीयार से , पूण डील कोमजुर से |
39 एने यीसु फोसु गोयु, एने पेल जोहली पोरथना कोरयु तोहली पोरथाना कोरयु! “ 40 एने फोसु आव्यु ते, तीनुहु हुवतलाज सापडाव्यु, काहाके नींदरा डुवा नदवायला ओता, एने च्या तीनाहा काय जपाप आपजे कोरिन नी जाणतोता !
41 फोसु तीसरी वार यीसु आवीन तिनुहु कोयु, “ तुमु एवी लोगण हुवतला एने आराम करतला के? बोस ठेम आव लागलु से! देखु माणहोन पुरयु पापी मांगहोन आथोमा एंवी दोरावणेम आवहे!
42 उठु आपु जाता, मेहे दोकु दीन दोरावणारु हाते आवणे बाज रोयुह! 43 यीसु तेर चेलानुह यो कोयतोतु तेतारूज बारा चेला मायलु येहुदास च्याहरी आव्यु, एने तेर हाते वारूज माणहोन गोरदी, तोलवारे एने डेगांरा लीन आव्या, जीनुहु डायला पुजारा एने नेम हीकानारा एने यहुदीन डायला पुडारया मुकोल्ला ओता!
44 यीसुह दोरावणारव येहुदास तीनुह नीस्याणी कोरीन पेलेन कोयलु ओतु के “ मी जीनाहा गुवु दीह च्युज यीसु से । तिनाह दोर लेजु! “
45 एने लगेज येहुदास यीसु हाते आव्यु कोयु, “ए रब्बी !” एने तीनाहा गुवु देव्यु!
46 तेतार च्या यीसुह चोपरीन दोर लेदया ! 47 पुण ज्या यीसु हाते उबरोया ओता,तिनामा एक चेलू , तेर तोलवार काडीन एक मुखी पुजारान पावरोन कान तुड देल्लू !
48 यीसु तीनुहु कोयु, तुमु मेहे चुटु माणुह सोमजीन तोलवारे एने डेंगारा लीन दोरने काहा आव रोयाह!
49 भी ते दाडीन मांदीरोमा तुमु हाते रोयीन वातु हीकाडतोजु, तेतार तुमु मेहे काहा नी दोरया ? पुण पवीत्र पुस्तकोमा बविस्य कोयणारा लेख रोयाह च्यों पुरो ओयणेन कोरता चो आखो ओयलो से!
50 ओवता यीसुन आखा चेला तीनहा सुडीन नाह गोया ! 51 एने एक जुवान माणुह एक लेफडयो चादरो सुडीन नांगरलु नाह गोयु !
52 पूण च्यु चादरो छुडिन नांगरलु नाह गोयु | 53 उंजु च्या यीशुह डायला पूजारान च्या ली गया ; एने आखा डायला पुजारा एने डायडाया एने शास्तुर हिकाडनारा गुरु तेर जागे एखटा ओय गया |
54 पतरस सेट दोखु यीसुन फोसोव फोसोव आवीन मुखी पुजारान खोवीमा लोगोण गोयु, एने च्यु राखवावी कोरनारा माणहो हाते ब्रोठीन आगठो तापायने बाज गोयु! 55 एने मुखी पुजारा एने बोठा येहुदीन मोठला पुजारी एने आखा येहुदी माणहे पोचुमा, यीसुह मार नाखणे, कोरीन तेर वीरूदमा पुरावु हुततोता , पुण कायीज पुरावु नी जुडयु
56 काहाके खुब तेर बारामा ठोग पुरावु आपतोता, पुण नींदरू पुरावु खोरू नी उतरयु! 57 ओवता थुडाक माणहे उठीन तेर वीरूद ठोग्रोन पुरावु आप्या
58 आमु यु यो कोयतलु होबोवला के, “ मी माणहोन आथों कोरीन बोनावला मोंदीरोह वेसडी दीह एने तीन दीहोमा माणहोन आथी कोरीन नी बोणाव सोके तोहलु दीहरु मोंदीर बोणाव दीह!
59 इनापर बी इदरू गवाहीन पुरावु एक हारकु खोरू नी उतरयु! 60 तेतार मुखी पुजाइ दरे अगोव उबरोयीन यीसुह फुस्यु “ या माणहे तार वीरूद काय पुरावु आपतला, तीनाहा तु काय नी जोपाप आपतु के?!
61 पुण यीसु ठावकु रोयु, एने काय बी जोपाप नी आव्यु, तेतार मुखी पुजारू फोसु फुस्यु, “ काय तु आखा दोखु जास्ती वोदणेन लायकोन भोगवानोन पुरयु मोसी से के ?!
62 यीसु कोयु, “ होव मीस से, च्यु एने मीज माणहोन पुरय से, एने तुमु मेहे, आखा दोखा ताकोतवावा भोगवानोन, जेवडीखेर बोठ रोयलु, एने सोरगोम दोखु वादवापोर आवतलु देखहोत ! 63 तेतार मुखी पुजारू सोतान डोगलो फाड़ीन कोयु,” आपुह उजु कायीज पुरावु नी जुवे! “
64 यु माणुह भगवानोन नावबोदी कोरतलु से एंवी आमुह उंजु पुराणु हुदनेन जोरावत नीबंले । तुमु आखा इंताव यु भगवानोन नावबोदी कोरतलुन होंबावला से ने ? तेतार च्यु माणहोह फुस्यु “ इनाहा ना काय कोरने तुमसे आखान विचार से ?” च्या जोपाप आव्या, “ यु मोतोन डोंड जुडनेन लायक सें !”
65 ओवता थुडाक माणहे तनापोर थुपणे बाज गया, एने तर मुय डाकणे बाज गोया, एने तीनाह दुमा दीन तिनाह फुसणे बाज गोया के जोर तु बोवीस्य कोयणारू से ते “ तोहो कुण देल्लु च्यो देखाड “ राखवावी कोरनारा बी तीताह बी तीनाह दोरीन थापडाय्या ! 66 एने तीन टेमे, पतरस नेचु खोवीमा ओतु, च्यांहरी मुखी पुजारा पाह काम कोरनारी एक सुरी आती, च्यी आवी, !
67 एने च्यी पतरसह आगठो तापायालु देखीन, तीनाह एकहारकी बावीन कोयी, “ तु बी ते तीना नाजरी यीसु हाते ओतु “ !
68 पुण च्यु तिनीह, वात रावीन कोयु, “ काय नी ‘ तु काय कोयनली च्यो मेहे नी सोमजतो ! “ ओवतु च्यु जुपान बारथे जाताज कुकडु वाह देव्यु! 69 च्यी काम कोरनारी सुरी च्यु च्यांहरी उबरोयतलु देखीन, फोसी दीहराह कोयणे बाज गोयी,’ यु बी तीनुमायलु एक से!
70 च्यु फोसु तीनाह मी नी जाणतलु कोयणे बाज गोयु, एने फोसु थुडाक ठेमोमा, तीना हाते उबरोयला ओता, च्या पतरसोह कोया, खरीज तु तीनुमायल एक से, काहाके तार बुली दोखा आमु सोमजी गोया के ते गोलीकवावु से! 71 पुण पतरस फोसु मी तीनाह जानतलु बी नी कोयीन सोप्पन खायीन कोयणे बाज गोयु के जर मी ठोगीह ते मेहेपर सोराप लागहे, “ तुमु वातु कोरतला इन माणहोन बारामा मी नी जाणतलु!
72 लोगेज दुसरीवार कुकडु वाह देव्यु, तेतार पतरसह ज्यी वात यीसु कोयल आतु च्यी वात ओर आवी “ कुकड वाहणेन पेल तु मेहे नीकार कोरहे “ तीनी वातोह ओर कोरीन खुब रोडने बाज गयु!