¹ ) पूण तुमु जाणनु जुवे के आखरी दीहोमा खुब कोठीन टेम आवहे

² काहाके तीना दीहोमा माणहे सोताह मोंग कोरनारा पोयहान लालच्या एने मोठाये कोरनारा डामराय एने बोगवानोन नाव बोदी कोरनारा तीदरा आय बाबान वातु नी माननारा उपकारोह ओर नी कोरनारा एने बोगवानोह नी पोटे ओहलो काम कोरनारा रोयहोत ।

³ कीव नी कोरनारा एने माफ नी कोरनारा एने चाडी चुगली कोरनारा एने सोतापोर काबु नी मेकणारा एने काठु माणुह एने हाजा कामोम वीरुद कोरनारा रोयहोत

⁴ च्या दोखु देणारा वीण लालच्यान होस काम कोरनारा एने खुब मोठाय कोरनारा एने खोराब काम कोरनेन कोरता च्या बोगवानोह मोंग नी कोरनारा ⁵ च्या खोरी बोक्ती वावान होस ते देखाडहोत पुण बोगवानोन खोरी ताकोतोह नी मानोत तीनु दोखु सेइ रोयजी

⁶ काहाके तीनु मायला थुडाक माणहे तींदरा गोरमा बोराय जातला एने दीहराह ढोगीन वीण ओकल्या बायराह बोनकाड देतला एने च्या बायरा खुब वार पाप कोरीन पापोन काबामा रोयतला च्या तीतरा मोनोमा खोराब इस्यामान आखो काम कोरतला

⁷ तोहला बायरा होमेस्या नोवलो हीकोह हीकला रोयतला पूण कोदी च्या खोरी वातोन मोतलब सोमज नी सोकतला ⁸ जेहे यन्नेस एने योम्बरेस नावोन डाकण बुडवा खुब सालोम पेल च्या मुसान वीरुद कोरला तेहेंज या बी खोरी वातोन वीरुद कोरतला से च्या ओहला माणहे से के तीदंरो गीन होमेस्या खोराब से एने आपु बुरहु कोरतला तीन वातोपोर च्या बुरहु कोरनेम डोंगडा कोरतला

⁹ पूण च्या वारुज दीह माणहोह काय नी पोटाड सोकतला काहाके खुब सलोन पेल जेहे माणहे यन्नेस एने योम्बरेसोहे वीण ओकल्या से कोरीन सोमजी गोयला तेहेज माणहोह इंदरा बारामा बी देखाय जाहे ¹⁰ पुण ए तीमुथी तु हाजी हुते जणतलु के मी काय हीकाडतलु मारु कोयलू वेवार से एने मार वीचार कोहलु से एने मी केहेंक बोगवानोपोर बुरहु कोरतलु कोरीन तु जाणतलु एने माणहो हाते दीर राख्यु एने मी आखा माणहोह मोंग कोरतलु तु यो बी जाणतलु के बोगवानोन सेवान कोरता मी कोरतु दुःख वेठलु

¹¹ तु यो जाणतलु के माणहे मेहे केहेंकाय सोताडतला एने ज्या आंताकीया सेहर इकुनीयुम सेहर एने लुस्तरा सेहरोन माणहे मेहे कोतरा वेला पाडया एने मी कोतरु दुःख वेठलु से पुण पोरबु मेहे आखाम दोख वाचाडयु

¹² खोराखोर ज्या कुण यीसु मोसी पोर बुरहु कोरता जायीन बोक्ती मा जीवाय जीवणे हुदणारा च्या आखा सोताडनेम आवहे

¹³ पुण खोराब माणहे ऐने ढोगरया माणहे दीहराह दोकु देता रोयहे एने दोखु देणारा ढोणायता जाहोत दोकु देणारा ऊंजू खोराब हीक हीकडीन होंटा माणहोह बोनकाडहोत ¹⁴ पुण तीमुथी तु इनी खोरी हीकापोर ज्यो तु हीक्यु एने सोमज्यु तीनाह मानतु रोयजी यी खोरी हीकोह तु हाजी हुते जाणतलु काहाके तोहो मालुम से के तु बुरहु कोरलु आवतलु यी खोरी हीकीह तोहो कुण हीकडतलु

¹⁵ एने आयतु दोखुज तु बोगवानोन पोवित्र पुस्तोकोमा लोखोमायला हीकोह तु जाणतलु ज्यी खोरी ही तोहो ओक्कोल आपतली के तु यीसु मोसी पोर बुरहु कोरनेमाज पापोन डोंड दोखु तु वाच सोकतलु ¹⁶ पोवित्र पुस्तोकोमा लेखायलो आखो बोगवानोन ओगवायी दोखुज तेरा लेखानारा माणहोह लागाडीन लेखलु से तीनामा दोखा माणहोह हीकाडनेन कोरता सोमजाडनेम कोरता एने हुदारनेम कोरता एने खोरला दोमोन रीते टेवाडनेन कोरता खुब फायदान से

¹⁷ तेतार ज्यु माणुह बोगवानोपोर बुरहु कोरतलु च्यु एकदोम हीकीन काल्ला बी हाजा कामे कोरणे तीयार ओय जातलु ।