2 मारु लाडकु पुरयु तीमुथी मी तोहो लेखतलु एने मी मारी पोरथना से के बाह बोगवान एने पोरबु यीसु मोसी खेर दोखी दोया ऐने कुरपा एने सुख सांती तोहो जुडती रोये । 3 मार डाया डाया जेहे कोरता आवला तेहे जीना बोगवानोन मी सुखला मोन दोखु सेवा कोरतलु तीनाहा मी दोन्यवाद कोयतलु होमेस्या रात ने दिही मार पोरोथना मा मी तोहो ओर कोरीन बोगवानोह दोन्यवाद कोयतलु , 4 जेतार मी तोहो सुडीन गोयलु ते तु खुब रोडयु च्यो मी ओर कोरतलु कोरीन तोहो मीवायणे मारी खुब इस्या से जेतार मी तोहो मोवायीह ते मी खुब खुश ओयीह
5 मी होमेस्या तारु खोरु बुरहु ओर करतलु के पेल ज्यी तारी डायली आयी लोयीस एने तारी आयी युनीके यीसु मोसी पोर खोरु बुरहु कोरतला ओता एने एवी मेहे बुरहु से के युज पोक्कु बुरहु तारामा बी से । 6 कोरिन मी तोहो ओर कोरावतलु के जेतार मी तोहो पोर मार आथ मेकिन तार कोरता पोरथना कोरलु ते बोगवान तोहो आपलु वोरदानोह तु हाजी हुते मा लावजी ।
7 काहाके बोगवान आपुह आपलु जीव आत्मा आपु बोणीन आत्मा नी पूण ताकोत एने मोंग एने सोतान जीवोह काबामा राखणेन आत्मा आपलु से । 8 कोरीन आपाणा पोरबु यीसु मोसीन पुरावना बारामा माणहोह कोयणे लाजवायतु जुण तु मोहे जाणतलु कोरीन बी जुण मी जेलोम लlजवायतुं से बोगवान तोहो मोदत कोरहे एने तारी मोदत दोखु आपणा पोरबु बोगवानोमा ताकोतोन इसाबे यीसु मोसीन हाजी खोबोरोन बारामा दीहराह कोयणे मारहाते दुख बेढजी
9 बोगवान पापोन डोंड दोखु वाचाडीन पोवित्र जीवाय जीवणेन कोरता आपहु निवाड रोरयहु हाजो काम कोरला कोरीन च्यु आपहु नी नीवाडयु पुण तेर बोजोट दोखा तेर कुरपा देखाडीन आपहु नीवाड रोयहु यीसु मोसी आपणे कोरता तेर सोतान जीव आपलु कोरीन बोगवान इनी कोवीह गोडायणेन पेलेन तेरे मोंग आपहु देखाडलु
10 एने आपणा वाचाडनारु यीसु मोसीहोह इन दुनियामा मुकलीन बोगवान तेरे कुरपा आपहु देखाडयु यीसु मोसी मोतोह आराव देल्लु एने तेरी हाजी खोबोर दोखु आपहु ओमर जीवाय जुडनेम वाट देखाडयु
11 कोरिन बोगवान तेरी हाजी खोबोरोन पोरचार कोरने मेहे नेवतो पुचाडणारु चेलु एने वातु हीकाडनारु बोणावलु से 12 तीनामा मी इन दुखोह जेलोमा वेठतलु ती बी मी काय नी लाज वाणयु काहाके जीनापोर मी बुरहु कोरलु तीनाह मी जाणतलु यीसु मोसी फोसु आवणेन दीही आवे ताहलोगोण मेहे पोक्कु बुरहु से के च्यु मार आथोमा होप रोयुह तीनी सेवान राखवावी कोरने ताकोतवायु से
13 यीसु मोसी पोर बुरहु कोरनेम बारामा एने दीहराह मोंग कोरनेम बारामा ज्यो काय तु मेहे दोखु होब्यु च्यो तु मानतु रोय
14 आपूपोर रोयतली पोवित्र जीव आत्मा ताकोत दोखी तोहो आपायली खोरी होकोह कीमती खोजनो सोमजीन चोतराये राखवावी कोर । 15 तु जाणतलु के आसीय जीला सेटा ओय गोयला युडाक वीस्वास्या माणहे मेहे दोखा सेटा ओय गोया तीनुमा फुगीलुस एने हीरमुगीनुस बी से ।
16 मी मारी पोरथना से के पोरबु बोगवान कीव उनेसीफुरन्सोन गोराणा पोर रोये काहके च्यु खुब वार जेलोम मेहे बावणे आवीन मोदत कोरीन मेहे हीम्मोत आपलु ओतु एने मी बांदाय रोयलु कोरीन च्यु कोदी नी लाजवायु
17 जेतार च्यु रोम देसोमा आव्यु तेतार खुब मेहनुत कोरीन आखी जागे दुतु हुदतु आवीन मेहे मीवायलु
18 यी मारी पोरथना से के पोरबु जेतार माणहोन नीयाव कोरे ते दिह पोरबु उनेसीफुरन्सो पोर तेरी दोया देखाडहे एंने जेतार मी इफीसी जीलामा बोगवान सेवा कोरलु ते च्यु मेहे कोतरु मोदत कोरतलु कोरीन तु हाजी हुते जाणतलु।