¹ Pa-kiz yungh coib tauv nhlic woax nomz yeenx, Tênb-toongh stingđ njâuh cox ah phanx săngx huđ nâyx. ² Yaz yâuc phătc stâuđ Tênb-Hungh woa cah đangc woax đomc nhlic tauh Stynz-munh, nănh stiz yâuc tuz stipx lanh nomz blungh blex. ³ yâuc phătc naih pitc tauh stynz-munh taih stâuđ woa congx toongh, nănh yâuc tuz stipx ah nomz sămz hungb wăn, yâuc tuz stipx hungb đungx nzongf, Zoz cloon Tênb-Hungh nyăngz đăngb zengh munh clo Zâu woac pu tipb ănz woa hungb wăn tăpx ănz woa congx toongh. ⁴ Hungb tâuf sâuv cloon woax đomc đăngb zengh munh nyăngz clo Zâu woac, tăng stynz-munh nyăngz puf staox tauv Tênb-Hungh nyăngz cah đangc. ⁵ Stynz-munh zoz woa congx toongh nyăngz tâuf pu woax ploc hungb quanyf ănz nzac nib ninyh, naih bungh bitc tâuf nzăpc nzăpc têx, bah congz yâuc pletz clinyb-clinyb têx, nib yâuc tongf. ⁶ Woa nhlic tauh Stynz-munh nzauf woa nhlic nomz blungh blex zonz biz pyom. ⁷ Woa zeetx tauh Stynz-munh pyom nănh nyăngz blungh blex, naih bungc zanđ pyoc cloon tâuf, yâuc zanđ cloon samđ tăng gungh tuih nzac nib taih, pôz phănc ah phănc nib zuc tâuf pu, pôz phănc ah phănc maf mengz zuc caođ zuc tâuf sac nzuf. Pôz phănc njăngx ah phănc zuc tâuf pu. ⁸ Tah nyâyc tauh Stynz-munh pyom nănh nyăngz blungh blex, naih tax hungđ cayx năngđ tâuf sac zoongz zâyc lub nâyx tuih bomf nzac coiđ womz ninyh, pôz phănc coiđ womz ah phănc wav pênx samđ. ⁹ Yămz coiđ nyăngz tax hungđ, pôz phănc ah phănc tayc, coiđ nyăngz Đangđ lub, cloon bayh pôz phănc ah phănc zuc mêtc nzuf. ¹⁰ Tah stamz tauh Stynz-munh pyom nănh nyăngz blungh blex, cayx năngđ naih tâuf pa nâyx pu stingz tau lub tăng Gungh tuih nzac nib taih, pôz phănc ah phănc tuih nzac coiđ womz cloon womz sting. ¹¹ Woax nomz stingz tau bux hipđ ayx ( Yangh-mêuz.) pôz phănc womz ah phănc wav pênx imz. Ah po munh tayc wâyc hopb woax đomc womz imz. ¹² Tah stâyx tauh Stynz-munh pyom nănh nyăngz blungh blex, pôz phănc bah noib lav cloon stingz tau nyăngz gwăngz, bah noib zax cloon bah nzămc, pôz phănc mâtx ninyh ah phănc. ¹³ Yaz mangc yâuc phătc naih ah saz noc pungb wăngh đayv yâuh woa đamx gungh haoh, yaz numđ nănh haoh Coong, “zuc zâuđ! Zuc zâuđ! Zuc zâuđ! Yămz bamh canz nyăngz nyeenh mănh zuc tanyđ zâuđ, wâyc zuc năngx naih woa pôz nomz blungh blex nănh stiz cayx pyom tymb!.