¹ Nâyx zanyf yaz lănv tauv congx phunz miuc hanyh nyăngz nhlync hopđ, pănh songđ pâyz Tuz, Pănh muif lanh munh naih bănh-sangz, Naih bănh sangz six ayx guic, zanyb-lub, Stăngz munh nyăngz jau, nzăngđ hayh lanh bongc lanh.” ² Six coong nyâuh Yâuf-pez naih laiv tauh nyâyh taih laic stăngz six nănh pâyz, Six nyâuh Yâuf-pez max zengx pâyz tuz caux đêh.” ³ Six laiv tauh Stăngz Zâu Tênb-Hungh, Nănh songđ pâyz woax tauh.” ⁴ Six lănv tauv congx phunz miuc hanyh nyăngz nhlync hopb, Pănh pâyz tuz miuc hanyh max goib yangh laiv hungđ seenz gâyf nyăngz tax hungđ, Pănh pâyz tuz cungb naih ah tauh Zâu Tênb-Hungh cungv.” ⁵ Max cun yămz gungh mah six yămz nib naih munh hipđ ayx dlănh, Yâuc songđ seenz naih dlănh zuy đungx.” ⁶ Pây cloon pănh têx Cungb naih ah tauh Zâu Tênb-Hungh cungv, Six nzangc Pha, six zâyx muif hungđ woax tauh, Pănh săngh mungc nănh yămz, Yâuc cungb naih ah tauh Zâu Tênb-Hungh, Six Njâuv-Zâu Yê-su. muif hungđ six nănh zâyx taih, Pănh săngh six pangc nănh yămz. ⁷ Six max zâyf muif lanh pyac nyâuđ, Naih đomc munh lôx noib nănh stiz Nhlync congx phunz miuc hanyh nyăngz tax hungđ quyênx, Laiv zanyf nhlync A nănh stiz yâuc săngx tauv congx phunz Miuc hanyh nyăngz tax hungđ yâuc numđ naih wâyx, wâyc zuc nănh stiz nyăngz nyâuđ lanz nzongf.” ⁸ Nhlync hopb nyăngz tax hungđ max hayh ayx phunz Tênb-Hungh numđ nyađ, hănđ max nhlync yâuc max săngh laix, hănđ nhlync yâuc max tuz lungđ lôif đêh.” ⁹ Six nyâuh Yâuf pez six zuc stêu Stymz buôngh, Max nongc bây pănh dluyh stymz nhlync laiv hungđ ayx bây seenz stymz jeenz nyăngz munh pamf Stoif.” ¹⁰ Six coong năngđ naih tix lanh seenz Stymz jeenz nyăngz Munh phătc nyâuh naih bănh sangz nyăngz Munh yămz woa miuc pyau nhlync congx phunz Miuc hanyh nyăngz tax hungđ, Max zâyf hox nănh cloon nhlync mah? Nănh nyâyh ayx năngđ nâyx six pamf Stoif.” ¹¹ Njâuv-Zâu tayc wâyc nâyx tauh zeen max yongb nyăngz Yâuf pez, Six woax tauh Yâuf-pez wâyc nyâuh Yâuf-pez naih bănh sangz nyăngz Munh yâuc zuc mêtc.” ¹² Nyâuh ayx năngđ naz nyâuh songđ ayx longđ nyâuh nyăngz Yâuf-pez, wâyc zuc nănh tam jeenz, nyâuh hoiđ nănh ayx six longđ Njâuv-Zâu. ¹³ Six coong năngđ nhlync A bix bây Yâuf-pez pamf Stoif têx, Yaz songđ stâyv quâyx max Nhlync A, Bây nănh stiz max zuc pamf Stoif six năngx gngx têx.”