¹ Yaz numđ naih woac lănv lunc pong Stâyx-zâuv coong yămz nyâuh Yâuf-pez woa naih pongz lauh nyăngz jau, Six max zeen Zâu Tênb-Hungh nyăngz Munh lenf lôx max naih nâyx đomc dlayc, wâyc zuc naih ah lanh munh hayh cloon nănh nyăngz nzif phâyx. ² Năngđ naz nyâuh Yâuf-pez năngx hayh zanyb coong ayx laix? nyâuh six zuc numđ stauh, Pamf nâyx hungđ Stoif-nyăngz munh, nyâuh zuc luiđ nănh seetb nyâuh Yâuf-pez Mungh tongx six năngx gongx têx! ³ Max cunv yaz nyăngz mynb max cloon nyâuh Yâuf-pez yămz, Six yaz nyăngz stymz nyâuđ cloon nyâuh Yâuf-pez yămz, Yaz songđ stămđ ayx nâyx hungđ Stoif nyăngz Munh, Yâuc năngđ yaz naih mynb yămz woa.” ⁴ Wâyc zuc nyâuh Yâuf-pez tingz Zâu Yê-su nyăngz bux căpx dlonf nyăngz săngx huđ, Yaz nyăngz nyâuđ yâuc cloon nyâuh Yâuf-pez yămz, Yâuc năngx naih Zâu Yê-su nyăngz quyênh cloon nyâuh Yâuf-pez Yămz. ⁵ Nyâuh yâuf pez six zuc jaoz woax tauh munh nyăngz stynb phunz Sax-tanx mêtc, Tauv Zâu năngx taih woax noib phunz nănh nyăngz mengc hoonh max tuz Njâuv. ⁶ Nyâuh Yâuf-pez nzeetx blangc six max gongx đêh! nyâuh max pâyz tuz ah tix nzu piny ayx săngh coongh Văn bix phutx nzuf mah? ⁷ Nyâuh six zuc zoz lôx nzu piny ayx quengx, Phunz nyâuh Yâuf-pez pênx săngb nzu văn đăngb max naih nzu piny, wâyc zuc pănh nyăngz ( pyeenv Mengc stêtz ) nyăngz Pa-jiz yungh jeenz six Njâuv-Zâu zuc tayc nongc ayx congx nyăngz stanyb lanyh. ⁸ Pănh tinyh đoih six zuc quaix pyeenv Mengc stêtz gôh! Nongc max ănz lôx nzu piny nyăngz Stêtz, wâyc zuc lôx nzu piny six pây okx njangh nyăngz Stoif, six zuc nongc max ănz nzu piny nyăngz nzu, Six pây nyâuđ zanyx, Yâuc pây seenz gâyf.” ⁹ Yaz ja nây jeenx cah njaf lănv bux nyâuh quaix đangc, Max nongc cloon nâyx đomc ayx pongz lauh nyăngz munh ayx toic.” ¹⁰ Yaz nyăngz âyz gâyf six max zâyf coong nâyx nomz bamh-canz nyăngz munh, six ayx pongz lauh nyăngz dlayc, Mauh tax hungđ, ayx stac, Paix Miuc hanyh woax đomc munh lêc đêh, Six coong yaz năngđ coong nâyx đomc têx, nyâuh Yâuf-pez six zuc seetb gâyh nâyx nomz Bamh-canz.” ¹¹ Yaz ja jeenx bux nyâuh six wâyc naih munh đamz manyh ayx zeen Njâuv-Zâu nyăngz Munh, nyâuh yâuf-pez max nên cloon nâyx hungđ ayx pongz lauh nyăngz munh ayx toic, Mauh tax hungđ, Paix miuc hanyh, Puv maoh mađ Munh, Max nên cloon nâyx hungđ munh ayx toic, Yâuc max săngh cloon nănh stiz nhlync yămz.” ¹² Yaz yâuc max Zâuđ Stămđ tauv Nâyx hungđ max zeen nyăngz Munh, blătc nzuf huyđ-toongh nyăngz Munh, Tênb-Hungh cănh stămđ nănh stiz, Six nyâuh Yâuf-pez six zuc stămđ yămz nyâuh Huyđ-toongh cah njaf nyăngz Munh, ¹³ Năngđ Canyx-Stâub ja coong nâyx, “Naih munh huđ yămz nyâuh mungh tongx, “six zuc luiđ seetb ninyh gâyh nyâuh.**