¹ Uwanda wonga vyachitike pano Yesu wapepanga kumalo yamwi. Lino wamalizya, wenga pawalondezi yakwe wayile kuli kuli weliwe, ''Mwene, tusambilizye ukupepa ngati vino ndi vino Yohani wasambilizizye ayalondezi yakwe.'' ² Yesu watili kuli woliwo, ''Tata izina linu lichindikwe ndi vino ilitiswe. uwufumu winu wize. ³ Mutupe ichakulya cha manda wonsi uwanda wonsi. ⁴ Mututetele amaluyembu yitu, ndi vino tukawatetela yano yakatononela. Mutatukolelela mumezyo.''' ⁵ Yesu watile kuli woliwo, ''Aweni muli mwemwe amaya nu mukundwe, nukuti amaya kuli weliwe na pakasi pa wusiku, nukuti kuli weliwe, 'Mukundwe, ngazimyako imikate yitatu, ⁶ pakuti umukundwe wane wiza likwene ukufuma kunzila, intakweti nantichimwi chino ningamupela'? ⁷ Apano wumwi mukasi wino wamwaswike ukuti, 'Utantamya. Umulyango uwuyale kali, nayanane, ponga nanene, tuli pa chitala. Ntanga nkwanisye ukukatuka nukukupa mukate.' ⁸ Nkhuvwanga kuli wewe, napano atakatwike nukumpha umukate pamulandu wakuti we mukundwe wako, kweni pamulandu uwakupitilila ukwambula insonyi, amakatuka nukukupa imikate iyinji muno angalondela. ⁹ Nani nkhuti ukwako, vimapelwa kuli wewe; londa, umavizana; kong'onsya, vimayulichila kuli wewe. ¹⁰ Pakuti wensi umunthu wino akulenga akapochelela; nu munthu wino akulonda akavizana; numunthu wino akukong'onsya, yamamuyulila. ¹¹ Atatachi pakasi pinu, wino ndi umwana akulenga inswi, angamupela inzoka muwuyo wanswi? Atatachi pakasi pinu, wino ndi umwana umukate angamupela iwe? Pamwi inswi, akumupela inzoka? ¹² Pamwi ndi angalenga ilyenza, angamupa ikalayila? ¹³ Apano nomba, nga mwemwe mweyayipe mwamanya ukupela ivyawupi ivizima kuyaninu, vingaya ivivule wuli vino tata winu ukufuma kupela angapela umupasi uwutiswe kuli yano kuli yano yamulenga weliwe?'' ¹⁴ Nomba Yesu pano wafumyanga ivimipasi vino vitavwanganga. Ndichimupasi ichiyipe chafuma, umunthu wino atavwanganga watalikanga ukuvwanga, niwumba lyazungwike. ¹⁵ Kweni ayanthu yamwi yatili, ''Akuwonvya Belezebulu, wino walamulanga ivimipasi iviyipe, awino akufumya ivimipasi iviyipe.'' ¹⁶ Yawuze yamwezizye nukulonda ichakumanyila ichakufuma kupela. ¹⁷ Kweni Yesu wanyile amelengwi yawo ngati kuli woliwo, ''uwumwene wuli wonsi uwakupawululana nukulwa wonga wukasila, ni ng'anda iyakupawululwa yikapona. ¹⁸ Ndi chiwa nawe anganika wenga, nga uwumwene wakwe wungimilila wuli? Pakuti mukuti nkhafumya ivimapi iviyipe ukuwonvya Belizebulu. ¹⁹ Ndi nkhafumya ivimipasi iviyipe pakuwonvya Belizebulu, ayalondezi yinu yakayifumizya muli weni? Pamulandu wakwe chii, yaliya ayakapingula yinu. ²⁰ Kwene ngankhafumya ivimipasi pakuwonvya ikasa lyakwe Leza, ali kuti uwumwene wakwe Leza wiza kuli mwemwe. ²¹ Ngumonsi uwamaka wino ali nivyakuyichinjilizya vyonsi akulola ing'anda yakwe, iviya vyakwe vikaya ningo, ²² kweni ngumonsi uwakumuchila amaka wamuchinvya, umonsi wamaka akasenda ivyanzo vyonsi vino uwawula amaka wavisuwile nukusenda iviya vyakwe. ²³ Wumwi wino asinani akwiminkhana na nener akunsalanganya. ²⁴ Pano ichimupasi ichiyipe chafuma mu munthu, chikapita munchende izyawula amanzi nukulonda apakupuzila. zisizana chimwi, vikalanda ati, 'nimawelela kung'anda yane kuno nafumile.' ²⁵ Ngachawelela, chikazana ukuti ing'anda iyipyele yikazile ningo. ²⁶ Kupya vikaya nukuwasenda ivimipasi vyuze visano na vili (7) iviyipe sana ukuchila cholicho na vyonsi vikayiza nu kwikala mulyakwene. Apano uwumalilo wa munthu wiyo wukaya ukuchila na muno wayelile panthandiko.'' ²⁷ Vyachitike ukuti, lino wavwanga ivinthu vii, umwanachi wumwi wapunzile namazwi ayapapela ukuchila iwumba watili kuli weliwe, ''Iyipepwe indilwa yino yakupafile wewe na mayele yano wonsile wewe.'' ²⁸ Kweni weni watile, ''kwene ayapepwe yano yakutezya izwi lyakwe Leza nukulisunga.'' ²⁹ Lino iwumba likukula , Yesu watandike ukuvwanga , '' inkhwatwa yino inkhwatwa yaluwembu. Yikulonda ichimanyilo, napano wuli ichimanyilo chuze chitalapelwa nkhandi chakwe Yona . ³⁰ Ngati amuno Yona wali ichimanyilo ku ayina Ninive , Ichilichimwi numwana wamunthu aliya ichimanyilo kunkhwatwa yii. ³¹ Namwene uwakufuma kwi sika alinyamuka pansita ya wupinguzi na yanthu pankhwato yii nukuwakana, pakuti wizile ukufuma kuwumalilo yansi ukwizawuvwa amano yakwe Solomon , nukulola , wumwi umukalamba uwakulusya Solomoni ali pakwene. ³² Awonsi yaku Ninive yalimilila pawupinguzi uwayanthu ayankhwatwa yino nukuti yalachikanapakuti yalafile pansita yino watandanga izwi, nukulola , wumwi umukalamba ukulusya Yona ali pakwene . ³³ Pasi nawenga , wino ngawakozga ulukozgo, akayika apamasyo afisame pamwi pansi pa chitundu, kwene lukaya pakakwimila kakwe, alilyakuti wensi wino anginjila angalola ukuswepa . ³⁴ Ilinso lyako ulukozyo lwamwili . Ndi ilinso lyako ilisuma umwili wonsi wukazula nuluswepo . Kwene ndi ilinso lyako iliyipe, umwili wako wukazula nifwinzi. ³⁵ Apano , chenjelini ukuti uluswepo ulwamwili winu lutaya ifinzi. ³⁶ Nganomba nanthi umwili winu wonsi wazula nu luswepo, nanthi imbali yimwi ukuya mufinzi, papo nomba umwili wonsi wuliya ngati ulukozgo lukukozga uluswepo lwakwe pali mwemwe.'' ³⁷ Lino weni wamalizga ukuvwanga , umu Falisayi wamulenzile ukuti akalye nawe mung'anda yakwe , apano Yesu wayile nukwinjila nukwikala . ³⁸ Umu Falisayi wazungwike ukuti Yesu watalike ukulya ichakulya ukwawula ukufulala. ³⁹ Kwene Mwene watili kuli weliwe , ''Nomba lyeni, mwe ya Falisayi swefyini kunzi kwa chikombe na Namalweso, kwene mukasi mwinu muzuzule uwonzo nu wuyipe. ⁴⁰ Mweyanthu mwe yapuwa! uzye asawino wawapanzile kunzi nupya nukupanga ivyamukasi? ⁴¹ Twalini kuyaoina chino chili mukasi mwinu, nga apano ivinthu vyonsi viliwaswepela . ⁴² ''Kweni umukosi kuli mweya Falisayi, pamulandu mukuyika ichikumi nutumbezu utwakununchila, nu tumbezu utwakunonesya ichakulya natonsi utumilembo twamuchalo, kwene mukusula ichumi nu lukundo lwakwe Leza . Chii ichakulonda ukuchita umwakuyana nukutemwa Lezaukwambula ukupotwa ukuwomba ivinthu vwuze . ⁴³ Kweni umukosi kuli mweya Falisayi, munoi mwakunda ukwikala kunkholelo umung''anda yamapepo nukuchindikwa nukulamukwa mumuchinzi mu misangano. ⁴⁴ Umukosi kuli mwemwe, pakuti muli ngati inkhungwe yino yitazenjelelwa yino nayanthu yakapita papela ukwambula ukuyimanya .'' ⁴⁵ Wenga muli yakamanya yisunde watili kuli weliwe , '' musambilizi, chino ukuvwanga chikutusosya .'' ⁴⁶ Yesu watile , '' umukosi kuli mwemwe mweyakasambilizga yisunde! pakuti mukuwatwika ayanthu ichiviya ichinyome pakunyamula , kweni musilema ichiviya nakamunwe kinu konga . ⁴⁷ Umukosi kuli mwemwe , umulandu mukuzenga amalindi yakwe yakasowela , nukuti yasokulu ayano yawakomile. ⁴⁸ Nga mwe yakamboni nukuti mukuzumilizga imilimo yakwe yasokulu, pakuti nadikwe yakomile nukuzenga amalindi yawo . ⁴⁹ Pamulandu wukwene kapya , amano yakwe Leza yatile, 'ndiwatumila woliwo yakasowela na Positoli, nukuti yalawalonga nukukoma ayamwi .' ⁵⁰ Inkhulo yii, nomba , ayino yililolechesya pawazi wonsi wakwe yakasowela wuno wafumile ukufuma pano insi yatalikanga , ⁵¹ ukufuma pawazi wakwe Abel mpaka ku wazi wakwe Zakaliya , wino wakomilwe pakasi pa Nsaka na pamalo atiswe. Umolimo , nkhuvwanga kuli mwemwe, inkhulo yii yilakwanfyika. ⁵² Umukosi kuli mwe yakamanya yisunde, pamulandu uwakuti mwasenda ichakuyulila ichamano; musiyinjila umukasi mwakwe mwemwe, nukukanizya yano yakwinjila .'' ⁵³ Lino Yesu wafuma papa , yakawalika naya Falisayi yamususizye nukukanzinkhana nawe ukulingana nivinthu ivivule, ⁵⁴ yezyanga ukumuteya umumazwi yakwe .