¹ Nomba pachisila pa vinthu vii, Mwene wasozile yawuze amakumi yasano na yayili, nukuwatuma yayili yayili apakuti yamumukolelele ukumisumba yonsi numu ntchende zyosi muno umwenecho wafwile apitemwenemo. ² Wawanenyile ati ''Umusinjo ukulu, lelo awomvi aanono. Achino mulengini Mwene uwa musinjo ukuti atume aawomvi mumusinjo wakwe. ³ Yanji munzila yinu. Lolini, nkhuwatuma mwemwe ngati ayana ya ng'onzi mukasi mu mu mphumphi. ⁴ Mutati munyali ichola cha makopala, nanthi ichola chapa ulendo, nanthi indyato, mutalamuka nanthiwumwi mumusewo. ⁵ Yonsi ing'anda yino mukwinjilamo, ichanthandiko mwati, 'umutende wuye mung'anda yii!' ⁶ Ndi umunthu wa mutende apanali umutende winu wuliya pali weliwe, kweni ndi pasi, wumawelela kuli mwemwe. ⁷ Yikalini umu ng'anda yiyo kwene, ukulya nu kumwa vino yakuwapela, pano umuwomvi ayine ukusenda ivilipwa vyakwe. Mutati mwapitana ukufuma pa ng'anda yii na yii. ⁸ umumusumba wonsi wuno mukwinjila nu kuwapochelela, lyanji vino yawayichile. ⁹ Nukupozya ayalwale yano yali mwenemo. Muwanene, ''Uwene wa kwe Leza wati upalama kuno muli''. ¹⁰ Ndi mukwinjila umu musumba ndi yatawapochelile, muye umu musei yakwe muvwange muti, ¹¹ ''nulukungu kwene ukufuma mu musumba luno lulematile kumakando yitu tukuwakung'untila mwemwe! Lelo muchimanye chii, Uwene wakwe Leza wapalama.'' ¹² Nkhuwanena ukuti pa wanda ulya chilapepukako kuli sodoma ukulusya umusumba ulya. ¹³ Kalanda kuli wewe, kalazini! kalanda kuli wewe, Betsaida! ndi imilimo yikalamba yino yachiyike muli mwemwe ndi ayino yachitike umu Tiri na Sidoni, ngali yalapa kali, ukuzyala amasaka nu vikala mwitoyi. ¹⁴ Kwene chilapepukako kuli Tiri na Sidoni pa upinguzi ukulusya kuli mwemwe. ¹⁵ Nawe, kapelenaumu, uzye ukwelenganya ulutumfulwa ukwiwulu? Nakalya, yalikwisya pansi uku wi kalo wayafwe. ¹⁶ Wino akuwuvwila mwemwe akunguvwila nene, na wino akuwakana mwemwe akunkhana nene, na wino akunkhana nene akumukana wino wanthuma nene.'' ¹⁷ Yalya amakumi yasanu na yayili yawezile ni nsansa, nukulanda, ''Mwene, ni mipansi iyipe yatufukamilanga mwizina lyinu.'' ¹⁸ Yesu wawanenyile, ''Namuweni syetani akupona ukufuma ukwiyulu wa chimesya. ¹⁹ Lolini, nawepela mwemwe insambo ukulyata apa njoka na yakalizya, nu kuchinvya amaka ya mulwani, nupya kusi nanthi chimwi umunzila yonsi chino chilawachisa. ²⁰ Muli chino mutati mwasechelela muli chi, ukuti imipansi yikuwalukamila mwemwe, 'sechelini ukulusya ukuti amazina yinu yalembwa umwiyulu.'' ²¹ Apa kansita kalyakwene wasechile ukulusya mu mupansi utiswe nu kuvwanga, ''Nakuwanzya, Tata, wemwene wa kwiyulu ni nsi, umulandu wafisile ivintu vii ukufuma ku yamano na yano yakaviuvwichisya nu kuumbula kuli yano yatawasambilizya, ndi vino ana yanono. Umolimo Tata, apakuti chali vii muno chawasechezizye ku manso yinu. ²² ''Vyonsi ivinthu vwapelwa kuli nene ukufuma kuli Tata wane, nukuti pansi na wenga wino wamanya aweni umwana suka isi, nupya pansi nawenga wino wamanya aweni Tata suka umwana na yano Umwana wasola ukuti amuwumbule.'' ²³ Alino asenuchila uku yalondezi nu kulanda kuno yali yonga, ''Alongo ayalya yano yakulola ivintu vino namwe mukulola. ²⁴ Nkuwanena mwemwe, ayinji yakasowela na ya mwene yakumbwamga ukulola ivinthu vino mukulola, kwene yataviweni, nu ukuvwa ivintu vino mukawuvwa lelo yatavyuvwile.'' ²⁵ Papo kwene, kamanya wi sundu wakatwike ukuti angamuyezya, amunena, ''Kasambilizya, ichani chino mungawomba apa kulola uwumi wa kuntasila?'' ²⁶ Yesu wamunenyile, ''ichani chino chawalikwa mwenemo umwisunde? Ukawazya uli?'' ²⁷ Waswike nu kulanda, ''umutemwe umwene Leza wako nu mwenzo wako wonsi, nu mupasi wako wonsi, na maka yako yonsi, na mano yako yonsi, nu mupalamani ndi vino wemwenecho.'' ²⁸ Yesu amunena, ''Wasuka ningo. Chita vii, apano umaya ni wumi.'' ²⁹ Kwene wene, walondanga ukuizifizya wenga umwenecho, alanda kuli Yesu, ''uzye umupalamani wane aweni?'' ³⁰ Yesu amwasuka nukulanda, ''Umuntu wumwi watantamuchilanga ukufuma uku Yelusalemu ukuya uku Yeliko. Wabonile umumiliwe ya vipondo, yano yamubosile vino wali navyo nu kumuma, nu kumuleka papipi nukufwa. ³¹ Umu longo umwi simapepo watanthamuchilanga inzila yilya kwene, lino wamulola, wapambite nukupita mumbali. ³² Munzila yiyokwene, mwina Levi nawe,lyo wafika apawuyo nukumulola, wapambite kumbali yuze. ³³ Kwene wumwi umwina samalia, lino ali paulendo, wafisile pano wali. Lyo wamulola, uluse lyamulemile. ³⁴ Wapalamile ukwake nu kumunyepa ivilond vyakwe, nukwitilila amafuta nu wengwa papela. Amukwezya apa chiteliwachakwe, amutwala uku ng'anda ya yenji, nu kumusunjilil. ³⁵ Kuwanda wa mutondo wafumizye impiya zili, amupela umwene ng'anda, nukumunena, ''Umusunge ningo, na pali vino umasumba ndi vwapuzya penepo, ndi nawela nemwenecho ndikuwezezya.'' ³⁶ Aweni pali yaa yatatu ukwelenganya walinji umapalamani kuli wiyo wino waponyile umuminwe ya vipondo?'' ³⁷ Watili, ''wino wamulanjizizye uluse.'' Yesu amunena, ''Pitanga nu kuyawomba vivyokwene.'' ³⁸ Nomba lyo yakupita,winjile umu muzi wumwi, na wumwi umwanachi izina lwakwe Marita wamupochelile umu ng'anda yakwe. ³⁹ Wali nu muzuna izina lyakwe Maria, wino wikazile mumatamba yakwe Mwene nu kukutika ukumazwi yakwe. ⁴⁰ Lelo manta wasukine nu kupekanya ukupela ivya kulya . Wayile kuli Yesu nukumunena, ''Mwene, uzye chitakusakamike ukuti umuzuna wane ansile nkuwomba nenga? Fwandi mumunene ukuti angavwe. ⁴¹ Lelo mwene amwasuka nu kulanda, ''Marita,Marita, wati usakamala nu kuchula mu vinthu ivinji, ⁴² lelo sile ichintu chonga chikulondekwa. Maria awino watasola chino ichisuma sana chino yatamupoka.