¹ Mwe yanji, mutati mwasimphisya kwisuwilo muli mwene witu Yesu Kilisitu, Mwene wauchindame chitati chiye ichakuwavwa ichinso chawanthu yamwi. ² Ndichakuti wumwi winjila muno mukongine azwite inzwalaminwe nivizwalo ivisuma, nakupya winjila umunthu umusaluke muzizwalo ivifite. ³ Ndimwamulola umunthu wino azwite ivizwalo ivisuma nukuti,''ikala pa pamasyo aazima,'' kwene amuvwanga kumunthu umusaluke,''kimilile palwa pamwi ikala mmakulu yane,'' ⁴ uzye mutakuipingwila pali mwemwe mwenga? mutaya mweyakapingula namelenganyo ayayipe? ⁵ Wuvwini, yakundwe yanji, wuzye Leza atasozile ayapina ukuya ayakankhala mwisuwilo nukuya ayamphyanyi muumwene wuno walayizizye kuli yano yamukunda? ⁶ Kwene mwasula ayapina! Uzye sayakankhala yano yakawalyatilila? Wuzye sayano yakawatala kuvilimba vyawupinguzi? ⁷ Uzye sayano yakasamula izina ilisuma lino lino mwamilwemo? ⁸ Ndichakuti, napanouli, ndimukufisyaisunde lyakwe Mwene ukuyana namawaliko,'' Ulikunda umupalamani wako ndivino wemwenecho,'' uliwomba ningo. ⁹ Kwene ndimukukundila aynthu yamwi, mukuyembuka, namasunde yakutususya ngati ayanthu awononyi. ¹⁰ Panowino akasunga isunde lyonsi, ,muzumilizyini ukuti akupumika munzila yonga sile, waya numulandu wakonona isunde lyonsi ¹¹ Kuli wino wavwanzile, ''Utachita uwuzelele,'' nupya wavwanzile,''kwene ndichali ichakuti usichita uwuzele, kwene ukakoma ,wechononyi wifunde. ^{12 13} Nombabamwazwanja nukuwomba ngati ayano yakupingula munzila yisunde lya wunthungwa. ¹³ Amuno uwupinguzi wukaiza ukwawula uluse kuli yano yatalanjizizye uluse.uluse lwalusya uwupinguzi. ¹⁴ Wuzye mungazana chani, mweyanji, ndiwumwi akuvwanga ukuti ali nisuwilo, kwene atakweti imilimo? wuzye isuwilo lyakwe lingamupususya? ¹⁵ Ndichakuti kalume pamwi inkhazi azwite uwuyi nupya atkweti ichakulya chawanda. ¹⁶ Ndichakuti wenga muli mwemwe akuvwanga kuli woliwo,''Mupite umutende mwikale ningo nukuti mwikute.'' Ndimutakuwapa ivyakulondwa kumwili, wuzye mungazana chani? ¹⁷ Ichilichimwi nisuwilo palyonga, ukwaula intchito, ilifwe. ¹⁸ Napano wumwi angati, ''uli nisuwilo, nani indi nimilimo.'' Ndanjizya isuwilo lyako ilyaula milimo, nani nimakulanjizya isuwilo lyane mumilimo yane. ¹⁹ Wasuwila ukuti kwaya Leza wenga. Ulichita ningo.Nayokwene imipasi iyipe yikasuwila, nupya yikazakaza. ²⁰ Wuzye ukulonda ukumanya, wemunthu umupuwa, ukuti isuwilo ilyaula imilimo ilyasilesile? ²¹ Wuzye atali a Abulahamu tata witu wino walungamikwe ni milimo pano wapile umwakwe Isaki pachipembo? ²² Mumazana ukuti isuwilo lyawomvile nimilimo yakwe, nukuti mumilimo yakwe lyakuzile ukufikapo. ²³ Amawaliko yafisyike yano yakuti, ''Abulahamu wamusuwile Leza, nukuti chapitilile kuli weliwe ukuya umulungamane,'' nupya wamilwe ukuya ichiwuza chakwe Leza. ²⁴ Mumazana ukuti mumilimo amuno umunthu akaya umulungamane, nukuti nsa kwisuwilo litupu. ²⁵ Munzila yiyokwene, wuzye atali Alahabu malaya wuno walungamikwe ku milimo pano wapochelile ayatumwa nukuwatuma kunzila yuze? ²⁶ Pano umwili ukulekana numuzimu imfwa, ichilichimwi isuwilo ukulekana nimilimo ilifwe.