¹ Nai vola okwe e volai va tabaki hila vuara na hoqohoqo loju mai Efeso, na wahe ni vola, e volai koto vua e qulu koto na kalokalo e viju, e lima i matau, qeinia o kua e yato koto e maliwa na viju nai juju ni hina koula. ² Aqi kilasia koto ho na kwa muju tara ho qeinia na lemuju cakacaka valevu qeinia na lemuju cakacaka valevu qeinia na lemuju vocosia koto ma. Aqi kilasia, ni muju tabu vinasia na ledra vivatovolei na ecola valaavala bura. Aqi kilasia ni muju vatovolira o kura era kwaya ni ra avositolo muni, ia o qei kilasia taku ni ra tabu avositolo kwa djina. ³ Aqi kilasia nio dau yalo vina, qeinia na lemu vocosia koto ma me balesia na lequ yaca, o qai tabu va ocaocataki nia e levu na kwa. ⁴ Ia, e yavalu ga na kwa me balesiko o, a biusia dei ma, na lemu matai ni loloma. ⁵ Mo numia koto, na vanua o luju dei maike, ia mo veivujuni na kwa o tara ma ina matai ni gauna. Mo veivujuni, a qina qai lawa vuako, a qina qai kou dei ma nai juju ni hina mai na vanua honi kodaki i tabu veivujuni ⁶ E nokoto o vuako: i tabu dau vinasia na ledra i valavala nai tokani mai Nikola, oqo muni aqi tabu vinasia. ⁷ O kua me va bebe me rogo hara koto, me rogo muni na kwa e kwaya na Yalo Tabu e kwaya koto i vuara na hoqohoqo loju. Ivo kua e gugumahuna o yau qina qai holia vua na dodonu ke kana ma ina vunikai ni cola, o kua e nokoto ma ina yaloga ni ba ni Kalou (Parataisi). ⁸ Nai vola okwe, e volai vatabaki hila vuara na hoqohoqo loju mai Simurina, na lea voha o kua e nai matai ka osiosi, o kua e mase juho qeinia o kua e cola tale homa. ⁹ Qi kilasia koto ho na lemu cola dravudravua qeinia na lemu dau vararawataki, ia i tabu vujuniyau. Qi kilasia koto na ledra dau voha va burabura o kura era kwaya ni ra Jiu, ia e tabu nira, era vavakoho i Setani. ¹⁰ Mo kua ni mataku, ina kwa i varau ni hotaqea, tolavia, o Setani ena varau biusi kemutou i were ni vevehu, ina vanua miji na vatovolei ke, miji na vararawataki me bogi jini. Mo yalojina koto me yacovia na mase, qina qai holia vuako, nai sala ni cola. ¹¹ O kua e va bebe me rogo hara na kwa e kwaya na Yalo Tabu i vua na hoqohoqo loju. O kua e gugumahuna ena tabu majila inaia karua ni mase. ¹² Nai vola okwe, e volai koto i vuara na hoqohoqo loju mai Perikamo. Na lea voha o kua e qulu koto nai hele i wau, o kua e gata ruarua e basi. ¹³ Aqi kilasia na vanua i nokoto ke na lemu vanua ni cakacaka muni, qeinia na vanua e nokoto ke o Setani, ia e hila na kwa na lemu qulu vakaikai ju na qu yaca. Ia, hila na kwa na lemu tabu cakitakinia na lemu vabausia vuau, me kodaki na higa, a vajujugha ke o Anitipasa, o kua a vamase ena kemuju maliwa e yaha ga a nokoto ke o Setani. ¹⁴ Ia, e yavalu ga na kwa e tabu vina ena vuku ni yavalu era vabausia nai vavuvuli i Pelami, o kua a vavulicira Pelaki, me ra biusia na vivacalai era mata na kwa hewa ni Isireli, mera kania muni na cawa e cabori vua na matakau, qeinia mera dau yalewa muni ga. ¹⁵ Me kodaki muni ga, era no muni koto e yavalu era qulu vakaikai na vavuvuli ni tokani i Nikola oqo qi tabu vinasia. ¹⁶ Mo vivujuni, kodaki e hukai, a qina la vawatoto ma vuako, qina vivala qei nira ena i hele i wau ni guhu. ¹⁷ O kua e va bebe, me rogo hara na kwa na Yalo Tabu i vua na hoqohoqo loju. A qina holia vua, o kua e gugumahuna, qina holia e yavalu na mana, qina holia muni vua e hila na vaju bucobuco, na vaju ga honi ena volai ke na yaca vou, na yaca ena hukai hila na kilasia, ia o kua ga na qulumia. ¹⁸ Nai vola okwe, e volai koto i vuara na hoqohoqo loju mai Caetaira-o, na lea voha na luve ni Kalou, i vua o kua e mata e kodaki na "yameyame" ni quto, qeinia e la e kodaki na varasa "makumakualiliva". ¹⁹ Aqi kilasia koto na kwa o tara ho, na lemu loloma, na lemu vabausia, na lemu dauniviqwavi, na lemu vaidjinasia. Aqi kilasia na kwa o iko qai tara boto e uahivi hara ina kwa o tara i mata. ²⁰ Ia, e vica boto na kwa i cala boto ke, o vocosia na lewa o Jesepeli, o kua a vatokania me hila muni na "Parofita" a vavulicira muni me ra dau yalewa, qeinia me ra kania na cawa e cabori i vua na ledra Kalou matakau. ²¹ Aqu a holia na gauna me veivujuni takinia na lea "dautagane", ia a tabu mata veivujunitakinia nai tovo honi ²² Tolavia, qina biusia ina darodaro qeinira o kura era "dauyalewa"vata iana vanua e vararawataki levun tahila kodaki era tabu vivujunitakinia na ledra i valavala bura. ²³ Aqi na vamasenira o kura o luveya ia mera na kilasia ke na vihoqohoqo loju taucoko, niqu dau djikevia na ivi, na uto ni ecola coko ga , ia qina holia ivo kemutou yahila me kodaki na lemuju i valavala. ²⁴ Ivo kemutou ma i Caetaira, ivo kura e ra tabu vabausia na vavuvuli honi o kura era tabu kilasia na kwa e nubu balesia o Setani me kodaki ga na kwa era kwaya, o yau qina tabu taucia ivo kemutou na kwa e bibita. ²⁵ Ia, na kwa e nokoto ivo kemutou, muju qulu qata vahewa muni, me yacovia na lequ lehu tale ma. ²⁶ Ia, o kua e gugumahuna, a vabausia na lequ cakacaka me yacovia nai vataosiosi ni gauna, o yau qina holia vua me lewenia na vimataniju tani. ²⁷ Ena lewaira o kura ena lea i toko "kaukamea" ena vurulaki nira vamata yahewa me kodaki na dau juli bilo (vibilo), io me kodaki ga na kwa qu rewasia ma ivo Nahuna. ²⁸ Me kodaki na lea holia ma na lequ Nahuna, o yau qina holia muni vua na kalokalo i vola higa. ²⁹ O kua, eva bebe, me rogo, me rogo hara na kwa e kwaya na Yalo Tabu vua na hoqohoqo loju.