Wahe 14
1
A osi ho rua na higa ni hebere ni tara na kana vata ni yato hivisia qei nia kana madrai e tasi valeveni. Kuru na Bete levu qeiniru na dau ina volatabu era era vadania na calavu meru nabasia ko Jisu meru qai rewa ni vamasenia .
2
Aru kwaya me kua na gauna ni kana vata me kua ni vaburewenia hoqo ina kedra maliwa na ecola .
3
Ena gauna a nokoto ke o Jisu mai Pecani na lea were o Saimoni ( na vukavuka ) , ea tadra welewele koto wa ina teveli ,a qai lama hila na lewa a qulu koto ma a hila tavaya Alipasita kwe hau levu tahila hi hohoko na kea taucoko ju .A qwravia na tavaya a qai lumusia ke o Jisu.
4
Aru qai oca yavulu na yacola ara vitalanoa qenira ,naca kai balebale etabu hila ke yaga.
5
Na tavaya waiwai garu vina honi a ke volitaki me rewa ke , e hila na lavo levu , meju qai holi vuaru na dravudravua .Aru qai vaocasia na lewa honi.
6
A qai kwaya o Jisu , muju deinia koto naca miji vaharaurausia kto ke ? okua tara hila na kwa rairai vina vuau.
7
Na vakahama ni gavui (dravudravua) e dau no voketatou , miji tabu rewasia e hila na
kwa.
8
Na lewa okwe a tara ho hila na kwa a rewa ni tara . Okua a lumusia qu yago ena gauna ni vibulu.
9
E djina qu kwaya ivo kemutou me balesia na '' Kosipeli'' mevunautaki ina vuravura taucoko , na kwa e tara na lewa okwe e jina e tabu rewa ni vamacalatakinia ina leju vanuamia koto balesia .
10
Jiutasa Isikorioti , e hila ivo kuru na lewe jinakarua , a la vua e hila na Talatala Qase me rewa ni mahulakinia varosia ma ivua .
11
Na gauna a rogo ke Talatala me rewa ni mahu lakinia / varosia ma ivua .Na gauna a rogoke nai Talatala Qase a ciqa valevu qenia a yalatakinia me holia muni vua lea sede . A vitalayaki me tolavia ke e hila na calevu doladola vua.
12
Na matai ni higa ni madrai tabu va leveni , ena gauna era vamasenia na lami na tisaipela a kwaya vua.Ivei na vanua i vinasia me maju varau takinia ke na vanua me tara ke na ''kana ni lako siavia '' .
13
A vatalasiru eru rua na lea tisaipeli a qai kwaya vuaru , '' muju la ina rara va Juraga , e hila na yacola e dagia koto e hila na dare ni wai sikucia wa .
14
Ina hita ena hila na yaloga ni were sekucia wa , qai tarogia vua na tokei ni were , evei na vanua e tara ke na kana ni lakosivia na lequ Tisaipeli.
15
A varaitakinia homa e hila na rumu levu e nokoto i yata ,. e varautaki osi juho kea i yaya maru varautakinia muni na kwa maru koua.
16
Aru lahowa na lea Tisaipeli ina rara hewa honi , aru dania ho na kwa taucoko e noju ho , aru qai varaitakinia e hila na cawa ni kana .
17
A yavi koto homa , a laqeru ma na lewejinakarua.
18
Na gauna ra kana vata koto ke o Jisu kwaya , vajinatakinia ivo kemutou , e hila vo kemutou na kana qei au koto ena liumuritakiniau.
19
Aru rarawa valevu na Tisaipeli aru qai vecugia yahila ivo Jisu . Aru kwaya baraniau Juraga ?
20
Aqai haumia o Jisu a qai kwaya vuara,''e hila vo kemutou na lewejinikarua , okua haraga e tonia koto na madrai qeinikeau ina boulu.
21
Na luve ni yacola ena kwaya ga na kwa balesia na lea voha . Na yacola e ''liumuri '' (imata i taku ) e e bara vina cake me kua ni sucu ma .
22
Na gauna ra kana koto ke , o Jisu a qulu na madrai , a vohavakalougatatakinia , a ciqisia a qai kwaya , kania okwe , okwe haraga na hohomi ni lequ yago .
23
Qulu na bilo , a vavinavina a holia vuara , ara qai homu coko ma vena bila.
24
Kwaya vuaru , okwe na lequ dra ni veiyalayalasi na dra a tahova kto e vukui ketatou na yacola yahila .
25
E vajinajhinatakinia e kwaya ivo ketatou qina tamu homia tale hila na vua ni vaini me yacovia na higa mequ na humu ke nah mataniju ni Kalou.
26
Aru lagahere osi aru qai la ina uluni yataga ni Violive .
27
Jisu qai kwaya vuara kemutou coko miji na nabe coko ni volai koto , qina vamasenira na vatawa ni hivi , okuru na hivi ra na juba .
28
Na gauna qina jucake tale mai ke na mase qina semata ho i Kaleli.
29
O Pita a qai kwaya vua kodaki era na luju coko o kuru okwe, o yau ena hukai.
30
Jisu a kwaya ivo Pita, mequ kwaya vuako vadodonu, nikua - ioo, na bogi nikua, o iko ina hibere ni tagi na to ina hakitaki ni yau va tolu.
31
A kwaya vayalokatakata ivo Pita, kodaki qi na mase, mequ mase qei niko, o yau qina tabu hakitaki niko. A ru kwaya coko muni ma.
32
Ara nokoto ma i Kecisemania a qai kwaya o Jisu vuaru na lea Jisaipeli, muju tadra koto okei- a qai lai mahu.
33
Pita, Jemesa qeinia o Joni aru laqea o Jisu meru lai lomaleqwa qeinia na lomaleqwa hara vabibita.
34
A kwaya hara vuara , e rarawa hara qu yalo, kodaki qi mase muju nokoto ga okei, muju mahu koto.
35
Yato ga vahewa i mata, a luju o Jisu ira, a qei mahu;E dodonu ho na auwa e lahoma vua.
36
A kwaya o Jisu, Apa Nahuna, na kwa taucoko ena rewa ju vavina vuako. Mo kodei na bilo okwe ma vuau. Ena hukai na lequ kaikai, ia na lemu tahila ga.
37
A lehu tale ma a qai danira, nira moce ju, a qai kwaya vio Pita, Saimoni o iko i moce koto?
38
E tabu rewa ni vatawa koto me tahila boto na yaua. Mo vatawa koto, mahu koto balesia mo kua ni temaki. Na yalo ga e rewa ju vavina ia na yago ga e malumalumu haraga.
39
A lehu tale a qai mahu, a vaga takinia ga na voha honi.
40
42
Ena gauna a lehu tale maike a danira ni ra moce coko ju. Balesia era mata a bibita ga homa me ra moce.
41
Ka tolu na lea lawa, a kwaya vuara "Miji hi moce koto ga me rausia ho". Na yaua e la homa. Tolavia!Na luveni ecola e a liumuritaki mai vuara na ecola valavala ca. Muju jucake, me ju la- tolavia o kua e liumuritaki niyau e no volekasiyau.
43
Na gauna ahi voha koto, o Jutasa , o kua e hila vuara na jinikarua, a lahoma, a hila nai korokoro ecola ara qulu heleiwau, mai vuara na bete levu, o kura na vunivola qei nira na Qahe ni loju.
44
O kua a liumuri takinia aru holia koto na sikinala, o kua ga qi yabosia honi o kua hara gaho. Muju tobokia muju meia wa.
45
Na gauna a yaco waike o Jutasa a la hara ivo Jisu a qai kwaya vavuvuli,a qai yabosia.
46
Aru tobokia aru qai meia ho.
47
A hila a ju koto kiho - a qulumia ga e hila nai hele a qai takavia e bebe.
48
Kwaya o Jisu vuara, muju lama meju wilikiau me hila na dau driva me muju vagatakinia ke nai hele qeinia nai wau - me muju lama i mei au ke?.
49
yau qu a noqei kemutou juga ena veihiga ina werenivacaboihoro- muju qai tabu tobokia au . E taro honi me rewa me vamanataki taucoko na voha ni Kalou .
50
O kuru taucoko a noqea o Jisu ara juku juba .
51
A hila na sigwane , a huku koto nai hulu lineni a watavivi wavoki koto e luvuka , a sekucia koto o JIsu . Na gauna ara tobokia ke.
52
A no dei mju nai hulu lineni honi a qai juba luvaiwale ju.
53
Aru meia o Jisu vua na bete levu. Ara hoqoni vata koto o kura na Qase ni loju, Talatala Qahe.
54
O Pita a sekucia koto ma o Jisu me yacovia na lea were na bete levu a tadra qeru hara o kura na ovisa - sojia, volekasia na quto katakata me vakatakata nira koto.
55
O kuru na bete levu, qeiniru na matavilewai ara vadania koto e hila me beitaki ke o Jisu me rewa ni vamase ke ia ara tabu dania rewa e hila.
56
Ara levu ara kou cake ma e levu "veibeitaki vakailasu" ara tabu lavata qea na kea i vola jukujuku.
57
Yavalu era ju mera beitakinia vagirigiri.
58
Ara kwaya na ecola ni ra rogo ni kwaya, Aqi na rewa ni vaburania na were qu lima ga kwa tara, e tolu na higa qina rewa ni tara tale ke hila tale na were me tara muni.
59
A tabu tautauvata na ledru jukuniyalo qenia na ledru i jukujuku.
60
Na bete levu a jucake ena kedru maliwa a qai tarogia o Jisu- a kwaya a hukai hila na kwa mo kwaya ma?
61
Na ca aru bilitaki ni ko ke. A tabu tata vahila o kua- a hukai ga na kwa me kwaya. Na bete levu a tarogia vua o iko na Karisito, o luveya o kua e lea na varokoroko, he hukai?
62
Haumia lehu o Jisu "Yau djina oqo ina dania na luve ni yecola me tadra ina lima i matau me qai labale ma ina yo"
63
Qai drehulakinia lai hulu na Bete levu a qai kwaya no tale yavalu na vajinajina?
64
Muju rogo ho na vitavoi naca lemuju vajulewa niru kwaya ho ni dodonu ga me vamasei.
65
Eri valu na yacola aru katahivisia , taluboisia e mata aru qai qoulakinia .Aru tarogia '' ocei oiko?"
66
Na gauna a nokoto ke o Vita hila na yaloga ni rara a hila na lewa cakacaka vua na bete levu a lawa vua.
67
Gauna a dania hoke o Vita a qai vecia o iko haraga okwe o dau yatoqea koto na koi Nasareci honi.
68
A qai kila hehesia o Vita ni tasi kilasia na ca e kwaya koto wa.
69
Ia na gauna a dania tale ke o Vita na dauniviqwaravi a qai veciru kuru na no coko koto "Hila vuaru okwe".
70
A baci vahesia tale o Vita. Osi ga aru baci kwaya tale vua "Hila vuaru o iko" na koi Kaleli.
71
Sikivu me yalayala o Pita ni tasi kilasia haraga na yacola eri kwaya koto ma vua .
72
Osi lea tagi varua na to a qai vakahamatakinia lehu tale o Pita na lea tata na Kalou vua ni hebere ni tagi varua na to ina hesikeau eru mata na yacola vatolu . A qai sekijuru qai tagi.