¹ Ena drio ni qwata ara qai hoqoni na bete yalevu vata qei nira na vunidjuqwaqwa, hoqohoqo ni Jiu, me ra vehukia o Jisu, ara meia dei ivo Pailato. ² A vecucu o Pailato "O iko djina na ledra viagwane na Jiu? he hukai?" Haumia lehu o Jisu "Na kwajina coko ho i kwaya homa oqo". ³ E levu tale ho na kwa ara beitaki nia ke o Jisu na bete yalevu. ⁴ A qai tarogia tale o Pailato, "E hukai tale ho na kwa i mata kwaya ni levu na kwa i lama i beitaki ho ⁵ ke?". A tamu haumia lehu lea vecucu o Vailato, vavunia ke me newa. ⁶ E na veigauna ni magisi, e dau lea i valavala o Pailato me dau herekia e hila na koi vehu era djigitaki nia na lewenivanua. ⁷ A hila a nokoto e yaca o Parapa ina kedru maliwa na koi vehu qei nira na daulaba qei nira na dau cariba dei. ⁸ A ra qai muomuo na leweni vanua me ra vamamahusia me vayaconia na veikwa a dau sei taratara juho ma. ⁹ A qai haumia lehu tale o Pailato me kwaya "Miji vinasia mequ herekia ivo kemutou na ledra Jui na Jiu?". ¹⁰ Ia a kidavia koto ho na vu ni ledra holia wa varewarewa o Jisu balesia era dau yalo burasia. ¹¹ A vauqesi nira na lewenivanua o kura na bete yalevu me hereki dei ma Parapa vuara. ¹² Voha lehu vuara o Pailato, me kwaya "Na ca re miji vinasia me tara vua na ledra Jui ni Jiu?". ¹³ Ia ara momo lehu "VAKOSIA!" ¹⁴ Qai haumia lehu tale vuara o Pailato "Na bura ca re a tara?". A qai toso cake gaho na ledra momo, "VAKOSIA!". ¹⁵ Kodaki lea vinasia me vacegunira na lewenivanua, a herekia Parapa me holia vuara me vakosi ina kauvelatai. ¹⁶ Ara meiya dei na sojia ina yaha ni were ni vilewai, me hoqonira vata ma na sojia taucoko. ¹⁷ A ra veihulunia Jisu ena hulu lokaloka, talia e hila nai wa horihori me nia lea uho. ¹⁸ A ra sekivu me ra karavaki nia "Lavesi, ledra viagwane na Jiu". ¹⁹ A ra ravusia e ulu ve hila na dolo ni kai levu, ara qai katahivisia, sikijuru mera varokorokosia. ²⁰ Na gauna aru varivarivacia ke, aru qai luvasia vua na hulu loakloka, ara qai veihulunia na ki hulu djina, ra qai meia wa me lai vako na kauvelatai. ²¹ E hila na yecola, O Saimoni, Na kwai Kirini. (Na ledru Nahuna o Alekisida qei nia o Rufo) a la koto e hila na vanua ra qai vararawania me colasia muni na kauvelatai. ²² Ara meia ina hila na yahana, o Kolikoca, kea i balebale na vanua ni taqwaciulu. ²³ Ara holia vua na waini e vihola qea na "MYRRH" me homia ia a tamu qai homia. ²⁴ Ni ra vakosia ho ina kauvelatai, ara qai viwaheyaki nia lea i hulu. ²⁵ I nai ka tolu ni yaua ledra vakosia ina kauvelatai. ²⁶ A qai volai ho i yata, na kwa a beitaki vua "NA LEDRA JUI NA JIU". ²⁷ 27 Ara qai vakosia vata ina kauvelatai, eru lewe rua na daudriva. E hila e lima i matau, e hila tale e mawi. ²⁸ Me kodaki lea vayaco ina i Vola Tabu, me ra wili qea na yecola i valavala bura. ²⁹ A ra bau voha burasia muni kura na takoho dju i calevu me ra karavaki nia "A ra kwaya "Oi! O iko magi bahukia na werenihokalou o qai tara ina tolu na higa?, ³⁰ vacolaniko re, o bale ma ina kauvelatai" ³¹ Kodaki muni ke kura na bete yalevu qei nira na vunivola na ledra vohaburaburasia me ra kwaya "O kua dau vacolanira na yecola hilayali; ia tamu rewa gare ni vacolania veinia". ³² Mo labale ma na kauvelatai na Karisito na ledra Jui na Isireli, me ra dania me rewa muni ke nira vabausia. Kodaki muni ke ledra varivarivaciru na vako qea ina kauvelatai. ³³ I nai ka ono ni yaua, macadra maike na driodrio ina vanua coko cadravia nai ka ciwa ni yaua. ³⁴ Ia ina ka ciwa ni yaua a qai coco o na Juraga e domo levu me qai kwaya "Ilai Ilai, lama sapakicani?" kea i balebale lequ Juraga, lequ Juraga o biusi ke yau ho ena vuku ni ca?". ³⁵ Aru lewe vica aru no voleka, aru rogo aru qai kwaya, tolavia, e covia ho o Laijia o kua. ³⁶ A qai druha e hila, me qai tonia na sivaji ina waini, qai vehukia ve hila na kai, qai holia vua me homia. A qai tolavia e hila na saigwane, ju tolavia re kodaki o Ilaijia ena meia bale ma. ³⁷ A qai tagi o Jisu, a qai mase. ³⁸ A qai wahekia rua nai lajilaji ni wereniloju mai yata me cadra i ra. ³⁹ Gauna a uju ke e hila na sojia a qai tolavia Jisu ni lamai mase ju kodaki okwe, a qai kwaya, "E kwajinataki ni luve ni Kalou jina okwe". ⁴⁰ Aru levica na lewa aru harahara vayawa koto ma, Meri na lewa ni Makitala, qeinia o Meri hugaya o Jemesa e tacia o Josese, vata qea o Saimoni. ⁴¹ O kuru na dau sekucia, na dau qwaravia la gauna ni no mai Kaleli qeiniras muni e levu hara na lewa ara lavata qeya i Jerusalemi, ⁴² Ia ni rausia ho na qenayavi a higa ho ni vavarau kea higa ni vavacegu na higa taravia. ⁴³ A lama o Josefa na koi Amaracea e matanivanua, me warakisia koto na mataniju ni Kalou, a doudou vo Vailato kerevia e yago o Jisu. ⁴⁴ A kidacala o Pailato ni mase ho o kua, a covia na juraga ni valu me tarogia a balavu ho lea mase? ⁴⁵ Na gauna a rogo hoke o Pailato me balesia e yago o Jisu a holia ho na lewaia vo Joseva me kou. ⁴⁶ A volia o kua e hila nai hulu luluju, meia bale ma olonia ke, vadaronia ina hila nai bulubulu vaju, me qai vaqiqinia e hila na vaju ina mataniwere ni bulubulu. ⁴⁷ O Meri na lewa ni Makitala qeinia o Meri hugaya o Josega aru tolavia na vanua a lai bulu ke o Jisu.