¹ A osi na Higa Tabu aru lacake ho ina i bulubulu o Meri na lewa ni Makitala vata o Meri hugaya o Jemesa qei nia o Salomi, aru kou vuka e valu na kwa garu vina meru lai walilakinia ke e lala o Jisu. ² Ina drio ni qwata ina matai ni higa ni macawa honi aru la inai bulubulu donumakinia na gauna e cadra mai ke na matanihiga. ³ Aru qai vivecucutakinia "O cei ena bilia vuara na vaju ina mata ni bulubulu". ⁴ Na gauna aru tolacake ke, aru dania na vaju ni qiqi dei ho a qai vaju levu. ⁵ Na gauna aru hita waike ina i bulubulu aru dania ni hila na ecola e vaihulu bucobuco e tadra koto ho ma aru qai mataku. ⁶ A qai veciru "Muju kua ni mataku, miji vadania ma o Jisu na Koi Nasareci a jucake tale ho ma ina mase e vele ho ina vanua muju vadaronia ke". ⁷ Muju la muju la i veciru na Jisaipeli qeinia o Pita ni simatatakinikemutou ho i Kalili o Jisu me kodaki a vecira osi ho. ⁸ Aru juba dei ma ina bulubulu, aru haqanini, aru tabu tata haraga vua e hila na levu ni ledru mataku. ⁹ Qwata hewahewa ni hila tale na macawa, osi leya jucake tale ma ina mase o Jisu matai ni ecola cadra o Meri na lewa ni Makitala. ¹⁰ A qai la o Meri na lewa ni Makitala vuara na tagi koto me lai veciru. ¹¹ Na gauna aru rogo ke ni jucake tale ho ma ina mase o Jisu aru tasi vabausia. ¹² Ni osi lea cere vuaru na rua aru yato koto ina yaloga ni tauni. ¹³ Aru qai lai veciru na vo ni Jisaipeli ia aru tamu vabausia. ¹⁴ Qai lai cere muni vuaru na lewe jinikarua aru kana koto me lai veciru na ca eri tasi vabausia koto ke ni jucaske tale homa ina mase, na ca eri oca koto ke. ¹⁵ Tata o Jisu vuaru qai kwaya "Muju la ina veivanua ina veiyaha ni vuravura muju vunautakinia ke na lequ tata". ¹⁶ O kuwa e vabausia me vavitaiso me cola ia o kua e tasi vabausia ena lai ocasi. ¹⁷ Eri na tata takinia na djui tata, eri na roviru dei na niju, honi nai vatakilakila. ¹⁸ Eri na qulu na gwata varu lima, eri na homia na waigaag ena tamu vacalakwa vuaru, eri na dereiru na baca eri na cola. ¹⁹ Ni osi leya tata vuaru na Kalou, a lai mei cake ho i lomalagi va lai tadradratadra varautaki. ²⁰ A holia vuaru na Kalou nai vatakilakila vuaru na leya Jisaipeli gauna aru la ho ke meru lai vunautakinia na lea tata.