¹ A osi ho e bogi vica a qai la tale i Kapenaumi o Jisu. ² Ara lewe levu era hota vata wa era viohooho a lai hukai muni ke na tani were aqei vunau takinia kona Juraga o Jisu na voha niu kalou. ³ Ara qei la muni ma e va na juraga ara mea koto ma hila na juraga lokiloki. ⁴ Ni tabu rewa ni toro voleka vua (Jisu) balesia na kea hoohoo. Aru qei cake i hataga ni were bahukia na kava me donua o Jisu aru qei vahitania ma ke na lea i darodaro na juraga lokiloki ⁵ La tolavia na ledra vabausia na juraga o Jisu a qei kwaya vua na juraga lokiloki o Jisu luvequ qi vohosia ho na lemu i valavala bura. ⁶ Ara tadra muni juke e yavalu na vunivola ara qei vinumioyakinia e yalodra ara qei kwaya. ⁷ E rewa vaca me hila na sigwane me voha kodaki ju okwe na kalou ga e rewa ni bokocia nai valavala ca. ⁸ E vahauri o Jisu e vakilasia e yalo na Yalotabu a qei vecugira na ca miji vanumia ke na kwa e kodaki okwe i muju yalo?. ⁹ Na ca e rewarewewa mequ kwaya vua na juraga lokiloki? E bokoci ho na nlemui valavala ca he me kwaya na juraga o Jisu vua na juraga lokiloki "Mo jucake, qulu na lemui mocemoce mo yato" ¹⁰ Okwe meju qei kilasia na luve ni Kalou, e no vua na qwaqwa ina vuravura me bokocia nai valavala ca. A kwaya o Jisu vua na juraga lokiloki. ¹¹ A qei kwaya o Jisu vua na juraga varalase, mo jucake, qulu na lemu yo, mo la hara i lemu were. A jucake vahauri, a qulu la yo, la hara i la were. ¹² Era mata na yacola, a karacira ara varokorokotaki nia na juraga. A ra kwaya ni ra tamu hi dania vahila e hila na kwa kodaki okwe. ¹³ A la tale o kua ina tore ara qei la muni waike na ecola wara. A qei vavulicira. ¹⁴ A yato vuka wa a qei tolavia hara o Livai e luvea o Alifo a nokoto i were ni holi vacavacava. A kwaya hara vua mo sekuci yau ma? a qei jucake o kua a qei sekucia. ¹⁵ Ia nokoto ho kua ina lea were o Livai me kana, era levu na dau kumunisia nai vacavacava qei nira na ecola i valavala bura. Era kana qea koto, qei nira la Jisaipeli, era lewe levu era sekucia. ¹⁶ Ni ra tolavia o kuru na "VUNIVOLA" qei nira na "VARISI" qei nira na kumunisia nai vacavacava qei nira nai valavala bura ni ra kana qea koto. ¹⁷ Ni rogo o Jisu na kwa okwe, a qai kwaya vuara, "Na ecola qwaqwa vayago ena tamu vinasia na vuniwai, o kura ga na baca era na vinasia na vuniwai. Ia o yau qi tamu lama me balesira nai valavala dodonu. Qi lama me balesira nai valavala bura" ¹⁸ Ara dau lolo la Jisaipeli, o Joni qei nira na ledra Jisaipeli na Farisi. Ara lama vua ara qei kwaya vua, "balesia na ca era dau lolo ke o kura la Jisaipeli o Joni qei nira la Jisaipeli na Farisi? Ia na lemu Jisaipeli era tamu dau lolo?". ¹⁹ A qei kwaya vuara o Jisu, e bara rewa vuara na lama ina vamau mera lolo ni ra hi noqea koto na juraga a qei vamautaki rewa. A kwaya o Jisu na ka balavu na lea noqera koto na juraga a qei vamautaki era na tamu rewa ni lolo. ²⁰ Ia ena qai no ma na higa ena qei vagwalaal ke o kua a vamautaki. Ia honi na gauna ni lolo. ²¹ E hukai hila na ecola me na culasia vata na siki ni hulu vou vua na siki ni hulu makawa balesia ena rewa ni cidrehu. ²² Ena kodaki muni ke ni tamu rewa vua e hila na ecola me talocia na waini vou ina tavaya kuli ni manumanu makawa balesia e rewa ni kwacabose na tavaya makawa ena vuku ni wainivou. Osi oho ena qei bura na tavaya makawa a qei tadova na waini. Meju biusia ga na waini vou ina tavaya vou. ²³ Na juraga o Jisu e a taubale ena loga ni ba ni hila; ia na lea Jisaipeli era vasikivu me ra kwahia na hila ena Higa Tabu . E ra kwaya ni cala. ²⁴ A ra kwaya na Farisi vua Jisu, "Tolavia na ca era tara ho ina higa ni vacegu, ina kwa e tabu. ²⁵ A kwaya na Juraga (Jisu) vuara " Muju tabu wilikia na kwa a tara o Tevita na gauna a mata kana ke qei nira na juraga era no vata koto?". ²⁶ Na lea rewa ni la O Tevita ina were ni kalou . Ena gauna a Bete levu koto ke o Epaiaca: A kania kena madrai ma ina i herau ni kalou: na madrai era kania ga na Bete. A holia muni vuaru na lea i lala. A lavata qeya wa. ²⁷ A qei kwaya o Jisu a buli na higa ni vacecegu me balesia na ecola e tabu buli na ecola me balesi na higa ni vacecegu. ²⁸ Ia na luve ni kalou esa kalou, ena higa tabu muni.