¹ O kwe kea i sisimata ni kosipeli ni lea jukujuku vina o Jisu Karisito na luve ni Kalou.

² Me kodaki na lea volaia na parofita o Aisea, “Tolavia ni qu vatalasia howa na lequi vadewadewa I vo mu mata, o kua ena qai lamai varautakinia na lemu calevu.

³ E kahi e domo e hila e coco koto ina vanua vikaikai. Vakarautakinia rewa na calevu ni viagwane. Vakadodonutakinia na kea Ca levu. ⁴ A lama o Joni, o kua a dau vi vavitaiso ina vanua Hegwaravu, a vunautakinia muni na Tabuluvuci ni Vivujuni ina kea vohosi nai valavala bura.

⁵ A ra la coko ma vua na mataniju taucoko o Jiuta, qei nira na ecola taucoko era no koto i Jerusalemi. Ara la coko ma me ra la mai Tabuluvuci ina ruwai levu na Joritani mera la mai va Juhanakinira ina ledrai valavala bura.

⁶ Nai hulu a huku o Joni na kote ni vulu ni Kameli qei nia nai kei vahuo ni Luvuka era vulu qei nia na lea kania vata na vodre qai nia muni na ta ni Oni ni vikaikai. ⁷ A kahi me vunautakinia, “E na qai lama e hila, o kua e kaikai cake hara, na lea wa gare ni vava, e tasi rewa ga re mequ yeve bale me qu hereka.

⁸ O au qi vavitaisotakiniko ina wai, Ia o kua e na vavitaisotakiniko ina Yalo Tabu. ⁹ A qai yaco ina veihiga ho ni, ni a lama o Jisu mai Nasereci ina vanua Va- Kaleli me qai lamai Tabuluvuci I vo Joni.

¹⁰ Na lea cabe mai ruwai o Jisu, a qai tolavia nia La bale ma na Yalotabu me kodaki na Ruve.

¹¹ A qai rogo ma e hila na domo mai Lomalagi ni kwaya, “O iko o Luvequ Seigwane, na Lequ kwa Lomani. Qi la mai ciqa va levu haraga me balesiko. ¹² A qai vujukia me ra meia na Yalotabu me la wa ina vanua vikaikai.

¹³ E vasagavulu na higa na lea no koto ina vanua vikaikai mai na lea Temasikia ko o Setani. A no qera ju na manumanu hegwa. qei nia na lea Qwaravi juvuara na Agilosi. ¹⁴ Hamokwe, a Osi na Lea Vehu o Joni, a qai lama o Jisu i Kaleli me qai la mai Co takinia na Kosipeli ni Kalou.

¹⁵ A qai kwaya, na kea gauna me cadra ho mai ke qei nia na lea voleka ho ma na mataniju ni Kalou. Vivujuni, Vabausia na Kosipeli. ¹⁶ Ina lea taubale ju ina baravi i na wai o Kaleli, a daniru hara o Saimoni qei nia o Adriu, na lea vitacini o Saimoni na ledru vivitakinia koto na ledru lawa ni hiwa i ruwai, ni o kuru eru dau hiwa (Gonedau).

¹⁷ A qai kwaya vua ni o Jisu, Muru lama, muru sekuci au mai, ni qu na va vunia mo muru dau hiwa vira na ecola.

¹⁸ Aru biusia vahauri hara na ledru Lawa ni hiwa me ni sekucia. ¹⁹ Ina lea taubale vahewa wa i mata o Jisu, a tolaviru hara o Jemesa, o Luvea o Sevete qai nia o Joni, o kuru na vitacini, ni ru a herekia koto na Lawa ni hiwa.

²⁰ Ina ledru Lei Co, a ru biusia hara na ledru Nahuna, o Sevete, ina waqa qei ni ra na ecola haumi, me ru lamai sekucia. ²¹ A ni cadra mai I Kapenaumi, I naika Viju ni Higa A Hitavia hara na Were ni Loju. O Jisu me la mai tara vuli.

²² A qai lamai karaciru ju na Lea Va-vuvuli, ni Vavuvuli ju o kua me kodaki e hila e taukeni sia ju na Lewaia, a tabu kodakie hila vu wara na kena Dau, inai Volatbu. ²³ Me kodaki ke, a tadra koto i were ni Loju e hila na e cola, a hitavijuina yalo e tasi havahava.

²⁴ A kwaya ma, “na ca e no vo kematou, me maju tara vuako I Jisu, na Koi Nasereci. I La homa mo La mai Vaburani kematou? A qi kilasia o cei o iko? O iko tahila ga na havahava ni Kalou.

²⁵ A qai ocasia o Jisu na Niju, a qai kwaya. “Mo no Lo, Ladei ma vua.”

²⁶ A qai viritakinia bale ma na YaloDjuka honi me juba deima vua na tagi a qai mu O valevu hara. ²⁷ E hila na kwa e ledra Qoroqoro na ecola, a ra qai vitarogitakinia me ra kwaya. “Na ca okwe? E hila na vavuvuli vou, E La qea ma na kea lewaia. E ra rosira ga re na yalodjuka, era qai talairewarewa vua.

²⁸ A ra qai kilasia coko ma na Lea rogo, na kea vitalanoataki ina yahana coko va-Kaleli. ²⁹ A osi ga na ledru biusia homa na were ni Loju, Aru La qeru ma o Jemesa qei nia o Joni, a ru hita via na lea were o Saimoni qei nia o Adriu.

³⁰ Ia, a ru qai Varogotakinia vo Jisu na lea qai mai baca vabibita hara o hugaya, na Lea Vilewa o Saimoni.

³¹ A qai hita ma o kua me la mai qulumia e lima me vajunia cake. A biusia hara na baca bibita e no ju vua, a qai La mai va vunia hara ke me qwaravivu. ³² 3 Ina kea Qenayavi, ina gauna a La mai dromu ho ke na higa, a ra qai mea ma vua o kura coko a ra baca, era hitavi niju.

³³ A ra ohovia ma na mataniwere, o kura coko na lewe ni Rara Vajuraga.

³⁴ A qai La ma, me La mai vacola nira, e levu era baca, vei mataqwali baca cokoga, qei nia na ledra la me hereki o kora era hitavi niju. Ia o kua a qai tabu vataraia me ra tata na Niju balesiua ni ra kilasia vina. ³⁵ A mata va rewarewa ni hi driodrio ju. A biubiu me la vajuju ina hila na vuna vagwalala. Me Lei mahuke.

³⁶ A ra qai vadania ma, o Saimoni qei nira o kuru na qea ju.

³⁷ I na gauna a ru tolavia hoke, a ru qai kwaya hara I vua. “O kura coko na ecola era vadanikoju ³⁸ Ina gauna aru tolavia hoke, a ru qai kwaya hara I vua.“me ju La howa, meju hitavia howa na vi-tauni, era wavokisi ketatou ju, me rwa ni qu Lai muni ke. Oqo haraga e vu ni lequ La mai ke o kei.”

³⁹ A qai hitavia na vanua taucoko o kaleli, me lai vunau ina ledra wereniloju, me rovira dei na niju. ⁴⁰ A yatovia ma e hila na vukavuka me lamai I kerevia. Me yerebale me kwaya vua, “Kodaki I vinasia, I rewa ni vahavahavatakini au.”

⁴¹ E dereia e yalo o jisu na lea lomania, me dokia ma ke e lima me dereia, a qai kwaya “Aqi vinaisia mo havahava.”

⁴² Ina gauna vata honi, a biusia ke na vukavuka, me qai lamai havahava. ⁴³ A lamai varosia vakaikai hara o Jisu ni hibere ni Vatalasia me la.

⁴⁴ A kwaya vua “Mo qaraunia mo kua ni kwaya vua e hila, ia mo laga I varaitakiniko vua na Bete, qeinia muni na lemui horo ni vahavahavataki me kodaki na lea I varo o Mosese, mei vadjinadjina cola I vuwara. ⁴⁵ A qai la wa o kua me lawa I ceburakinia na kea I toko, meru killasia coko me balesia, nia qai lamai vavunia ke me tasi rewa na hitavia na vi-Tauni, ia okua a qai lai no tahila ju ina vanua vagwalala. Ia, okuru na ecola era la koto ga ma vua, mai na vei vanua coko ga.