¹ Bokwacha kwacha bwaka, abaputi abasongo baba yuda, nabamanyandaghilo sona nabanji bonsi bobakabanga mubulongo bwaba yuda bakaba nulukomano. bakamupinya u Yesu nukubuka nawe. Bakaya bamutwala kwa Pilato. ² U pilato akamulalusya sona, '' bati uwe we mwene waba yuda? akamwamula mwanena mwemwe.'' ³ Abaputi abasongo bakamupa u Yesu inongwa mu vyinji. ⁴ Po u Pilato akamulalusya sona, '' kokuti utakwamula nachimo? Lolela inongwa ubwinji zyo bakupile!'' ⁵ Loli u Yesu atakamwamula nachimo u Pilato, chicho chikamuswighisya nkihani. ⁶ Pakabalilo ka lusekero lwa mwaka wosi u Pilato akabelela ukusatula abakungwa, yo abanthu bamulenga ukuti abasatulile, ⁷ sona kukabako umunthu mubukayidi yuyo izina lyache akaba we Baraba yuyo akaba mupinyiwa poka nivigebenga vyovikakomanga abanthu mubwa chisanguka bwabo. ⁸ Ichilundilo cha banthu chikaya kwa Pilato nukumulenga ukuti, ababombele chicho bakabelela ukubombeliwa amasiku ghosi. ⁹ U Pilato akabamula akati, '' Koti mukulonda ukuti mbasatulile umwene wa ba yuad?'' ¹⁰ Pakuti akazyaghania ukuti abaputi abasongo bakamutwala u Yesu chifukwa cha kabini. ¹¹ Abaputi abasongo bakasongelezya ichilundilo cha banthu ukuti u pilato abasatulile u baraba. ¹² Upilato akabamula sona akati, '' Kambombe choni nu munthu yo mukuti we mwene waba yuda?'' ¹³ Bakamwamula sona, ukuti , '' Bamupamanthile!'' ¹⁴ Po u Pilato akanena ukuti kukwabo, '' Kanongwa buli yo akomanizye?'' loli abene bakapunda nkhani bakati; '' Apayikiwe pa mphinjika.'' ¹⁵ Po u Pilato pakulonda ukuhobosya ichilundilo, akabasatulila u Baraba. Sona bo amusyempha u Yesu, po akabapa abene ukuti baye bamupamanthile pa mphinjika. ¹⁶ Po abasilikali bakaya nu Yesu munyumba ya songo wa kaya, ( yo yonyumba ya bulongi) sona bakitizya poka ichilundilo chonsi icha basilikali. ¹⁷ Bakamuvwika u Yesu ilaya ichesamu nukumuvwika imphumphu ya minga. ¹⁸ Po bakanda nukumulamuka ukuti, '' mwaona mwene waba yuda!'' ¹⁹ Bakamuma pa mutu nu lukomo nukumuswilila amati, bakamufugamilila nukumubungulukila. ²⁰ Bakati bamobezya, bakamuvula ilaya ilichesamu nukumuvwika sona ivizwalo vyache. Po bakamusenda nukubuka nawe pakuya ukumupamanthila. ²¹ Po umunthu yumo, uwa kukukuleni, izina lyache Simon ( uTata wa Alekizandala nu Rufu) akendanga munzila ukufuma ku muwunda po abasilikali bakamufyenyelekezya ukuti anyamule imphinjika ya Yesu. ²² Po abasilikali bakiza nawe u Yesu pa buyo bo bakuti Gologota ( ghoghakung'anamula ukuti, ifupa lya kumutu.'') ²³ Bakamupa ubala uwakongania nu mulembo wa mila, loli atakang'wa. ²⁴ bakamupamanthila pamphinjika nukugabana imyenda yache pakupanga amayele ukuti balinge cho umusilikali wensi inthi asende. ²⁵ Chamuma nayini okoloko pandabi popo bakamupamanthilanga. ²⁶ Pachikwangwani bakasimba ichifukwa cho bakamupamanthilila bakati, '' U MWENE WA BA YUDA'' ²⁷ bakamupamanthila poka na biba babili, weka ku ndyelo kwache umunyabo kumongo. ²⁸ Amazyu ghakakwanilisiwa aghakuti, 'Akabelengiwa poka nababo batamenye indaghilo. ^{29 30} Bobakendanga palanyene bakamutuka, bakapukunia imitu yabo nukunena, '' Aha! uwe we ukanenanga ukuti ungabongola i Tempeli pisiku lyoka nukuzenga pamasiku ghatatu. IPOKA WEMWENE NUKWISIKA PA MPHINJIKA!'' ³¹ Munzila yilanyene yo abaputi abasongo bakamobezezyanga poka nabasimbi nukuti, '' akapoka abanji, loli atakwipoka mwene. ³² Mulekani u Kilisitu, umwene wa Izilayeli, isike lonsulu pamphinjika, ukuti tulinge, nukwitikizya.'' Bope bo akapamanthiliwa nabo bakamobezya. ³³ Pakasi pamusanya, ichisu chikawa pachisu chosi mpaka fili okoloko pa chamabwila. ³⁴ Muma fili okoloko u Yesu akalila nukupunda, '' ELOYI, ELOYI LAMA SABAKATANI?'' KOKUTI '' CHALA WANE, CHALA WANE CHONI CHO WANDEKA NEMWENE?'' ³⁵ Bamo bobakimilila palanyene bakivwa amazyu ghache bakati, 'linga, akumwitizya u Eliya.'' ³⁶ umunthu weka akasamala nukuyidwibika i sipanji mu vinyo uwakusapa, akayisomeka kukatete nukumupa ukuti ang'we. po umunthu yula akati, '' Leke tulinge nanthi u Eliya inthi amwisye.'' ³⁷ Po u Yesu akalila nukukolomoka po akafwa. ³⁸ Umwenda wa mu Tempeli wukazepuka pakasi ukwanda pamwanya mpaka pansi. ³⁹ Bo usongo wa basilikali abankhondo yo akimilila palanyene alinga mo u Yesu akafwaila, akati, '' Naloliloli umunthu uyu akaba mwana wachala.'' ⁴⁰ Bakabapo nabanakazi bo bakalingililanga pabutali. Yumo mumwabo akaba we Malia magadalena, Maliya ( umama wa yakobe umuzuna nu wa Yoses). Umunthu yo akitiwanga Yoses ilelo pano akwitiziwa Yosefe mwa maliko 6:3. Izina lya Yosefe likwimilila mo bakanenelanga mu chihebele, sona izina lya Yosesi likwimilila mo izina lyache bakanenelanga mu chigiriki nu salome. ⁴¹ Po akaba mu Galileya bakamukonkha nukumubombela. Abanakazi abinji bope bakiza nawe mu yerusalemu. ⁴² Pisiku ilya chibelusi ichamabwila chikati chafika, likaba lisiku lyakwisengania. ⁴³ U Yosefe uwa Alimateyo akiza kulanyene. Akaba wakuchindikiwa uwakulonga inongwa, akalindililanga ubufumu bwa chala. Akabuka nichikanga kwa pilato nukulenga umubili uwa Yesu. ⁴⁴ U Pilato akaswigha ukuti u Yesu akaba ukuti afwile; akamwitikizya usongo uwabasilikali abasongo nukumulalusya pala u Yesu afwile. ⁴⁵ Bo u Pilato ivwa vyo umusilikali anena ukuti u Yesu afwile akamupa u yosefe umubili. ⁴⁶ U yosefe akawula isanda, akamusenda ukufuma pamphinjika, akamuzinga numwenda nukumuwoneka mwipumpha lyo likakumbiwa bwaka kwibwe. po akabikapo ibwe pipumpha. ⁴⁷ U maliya wa magadalena nu maliya umama wa Yesu bakalilanga amalo gho bakamusila u yesu.