12
Po bo ulusekelo lwa pasaka lutafikite u Yeso akamanya ukuti i bala lyache lyifika ilya kufumila muchisu chapansi sona uku bukila kwa Tata ukuti abaghana awene abache ba bakaba mu chisu akabaghana abene mphaka pabumalilo. Po u Satana akaba ukuti ingile mumoyo wa Yudasi isikalioti umwana wa Simoni, ukuti amubike u Yesu kubalughu pa chakulya icha pachamabwila.
345
U Yeso yo akamanya ukuti u Tata wache akamupa vyosi munyobe zyache sona ukuti akafuma kwa Chala sona akubuka ukunyokela kwa Chala. Akanyamukapo po bakalyela sona akavula imyenda lya khunzi. Po akasenda itawulo sona akipinya ukuzingilizya umusana wache. Po akitila aminzi mucha koghela sona akanda pakozya muvinama ivya bamanyili sona akabapuputa nintawulo lyo akalizingilizya mumusana wache?"
6789
Akiza kwa Simoni Pitala, sona Pitala akati ku kwache , " Mwene , inthi unozye muvinama vyache?" U Yeso akamula sona akati kukwache, " cho une nkhubomba uwe utakwivwa ilelo , loli uwe uliza wivwe ivi panthazi." Pitala akati kukwache, " uwe ukanozye lumo muvinama vyane. " U Yeso akamwamula, nanthi une ntangakozya uwe, uwe uleke pakomana nune." Simoni Pitala akanena kukwache, " Mwene, utakanozye muvinama mwene, loli namunyobe zyane sona na ku mutu."
10
U Yeso akanena kukwache, yuyo yo aghite atalondiwa, pena papo ozya ivinama vyache, loli aswepite hee, uwe uswepite, loli nte mwebonsi."
11
( Chifukwa u Yeso akamumanya yo akamubinikanga umwene, chocho chifukwa akanena, " pomwebonsi ba umwe mwebaswepu)
12
Po u Yeso abozya muvinama vyabo sona akasenda amenda akavwala sona akikala pansi sona, akanena kukwabo, " ka umwe mukwivwa cho une nababombela umwe?
13
Umwe mukunitizya une ''manyisi''sona ''Mwene''sona umwe mukunena momumo , chifukwa indi ubonyene.
14
Nanthi une lelo, ne mwene sona ne manyisi nabo zya muvinama vya weka numunyabo.
15
Pakuti une nabapa ichalingilapo ukuti numwe mubombe ngati mo une mbombile kukwinu.
16
Naloliloli, nkhunena kwa umwe, uwa mbombo tewapamwanya ukulusya bwana wache, pamo umesenjala we songo kwayo akumutuma.
17
Nanthi muvimenye ivi, umwe mwebasayiwa nanthi umwe mukuvibomba.
18
Une nthakunena mwebonsi, une mbamenye bo nsalite loli vyo vili mumasimbo vikwanilisiwe: yo ukulya nawe weyo akwiza kuba mulwani wane.
19
Po nkhubabuzya umwe ivi ilelo povitabombiwe pakuti nanthi viza vyabombiwa. Umwe mukitikizye ukuti UNE NENE.
20
Naloliloli nkhunena kukwinu, wensi yo akupokela yo nkhumutuma , amphokelela une , sona wensi yo apokelele une apokelela yo akanthuma une.
21
Bo u Yeso anena ichi, akatamiwa mumuzimu. Akasimikizya pabwelu sona akati , " Naloli loli , une nkhunena kwa umwe ukuti weka mwa umwe akwiza ukung'anamukila une."
22
Abamanyili bakalingana weka numunyabo bakaswighanga wewenu yo akumunena.
23
Weka mubamanyili bache, we u Yeso akamughana nkhani, akikala patebulo kumbali ko u Yeso akaba.
24
Simoni Pitala akamusinizya umumanyili sona akati" Mulalusye umwene wewenu we akunena apa."
25
Po akasengelela kwisinda kupipi kumbali kwa Yeso sona akati ku kwache, " mwene ka wewenu?
26
U Yeso akamula, " weyo une inthi ndwivye ichibama ichimenyule sona inthi mupe yuyo." Bo adwibika ichibama , amupa u Judasi umwana Simoni Isikalioti.
27
Bo apokela ichibama, u satana akamwinjila mumwache, po u Yeso akanena kukwache, " chokulonda pakubomba, chibombe mwalubilo."
28
Ilelo nayumo yo akikala nawe pa tebulo akamanya choni akanena bunonyene ku kwache.
29
Bamo bakinong'ona pakuti, Judasi akaba ni chikwama cha ndalama.
30
UYeso anthi ku kwache " kaghule vyo vyikulondiwa ukuti tulye pamo ukuti abape vimo kuba pina. Bo u Judasi apokela ichibama, akafuma kunzi mwalubilo hee. Pakaba popa busiku.
31
Bo u Yudasi abuka , u Yeso akati, " ilelo u mwana wa munthu achindikiwa, sona u Chala achindikiwa mumwache.
32
Nanthi u Chala amuchindikilila mumwache, u Chala akwiza sona umuchindika u mwana mwa yuyo mwene , soan akwiza umuchindika umwene lyoka basi.
33
Mwe bana bannadi , une ndinumwe mukabalilo akanandi. Umwe inthi mwize mundinge une, sona ngati nkhanenela ku ba Yuda." ko une nkhuya, umwe mutangizako awe. Ilelo une nkhunena sona ivi kukwinu.
34
Une nkhubapa umwe ulupya ululaghilo, ukuti umwe mubaghile mughananenge weka numunyabo ngati monabaghanile umwe, po numwe mubaghile mughane weka numunyabo.
35
Ngati pachino wensi akwiza pakumanya ukuti umwe mwe bamanyili bane, nanthi umwe mwaghana weka numunyabo."
36
Simoni Pitala akati kukwache, " mwene , kwi ko uwe ukuya?" U Yeso akamwamula , " ko une nkhuya utangankhonkha akabalilo aka loli inthi ukankhonkhe panthanzi.
37
Pitala akati kukwache," Mwene choni cho une nthangakunkhoka bunonye? une inthi mbike pansi umoyo wane chifukwa cha uwe.
38
U Yeso akamula, " ka uwe inthi ubike umoyo wako pansi chifukwa cha une? Naloli loli nkhunena kukwako, bo umukolwe atalila bo utankhanite katatu."