^{1 2 3} Amasiku sikisi bo pasaka atafikite , u Yeso akiza ku Betaniya, ko u Lazaro akaba, yo yu Yeso akamunyamusya kubakufwa. Po bakamupangila ichakulya chapabusiku kulanyene, sona u MAlita weyo akamupanga. Loli u Lazaro akaba weka mu bo bakinamila pachakulya pa tebulo nu Yeso. Po u Maliya akasenda ilita lya mafuta agha mununsi uwiza hee, akamukapazya muvinama vya Yeso nawo sona akamupuputa muvinama mula ni tsitsi lyache. Munyumba mukizula nukununkhila kwa mafuta. ^{4 5 6} Judasi Isikaliyoti, weka mubamanyili bache, yo akaba mulwani wache, akati. " Choni cho amafuta agho ghalaghuliziwa pamakopala fili handiledi ukuti babape abapina?". Po akanena vino, te chifukwa chakuti abatule abapina awe, loli chifukwa akaba mwivi. Akaba nichikwama cha ndalama sona nge akiba ukufumyamo ngezikaba mulanyene. ^{7 8} U Yeso akati, mwitikizye umwene asengule vyo alinavyo mupaka pisikjus lyo bakwiza pakusilila. Uwe amasiku ghosi inthi ubenge nabapina . Loli uwe te masiku uliba nune." ^{9 10 11} Pakabalilo aka abanthu abinji aba Yuda bakivwa ukuti u Yeso alikulanyene, sona po bakaya, batakayila kwa Yeso mwene awe, loli napakuti bamulinge u Lazaro, yo u Yeso akamunyamusya ukufuma kuba kufwa. Abasongo baba puti bakadumula poka ukuti bamughoghe u Lazaro. Pakuti chikaba chifukwa chache ukuti abinji aba Yuda bakamukonkha sona bakamusubalila u Yeso. ^{12 13} Kundabi yache abanthu abainji bakiza kulusekelo bo bivwa ukuti u Yeso akuya ku Yerusalemu . Bakanyamula insamba zya makomo sona bakabuka ukuti bakomane nawe sona bakakolanga hee, " Hosana! Musayiwa yo akwizila mwizina lya Mwene, u Mwene usongo uwa izilayeli. ^{14 15} U Yeso akayagha imphunda akakwela nukwikala papo, ngati movisimbiliwa. Utakaghope mwana unakazi uwa muzioni, linga umwene winu akwiza , ikalite pamwenda pamwanya pa mpunda." ¹⁶ Abamanyisi bache batakivwisya ivinthu ivi pabwandilo , bo u Yeso akweziwabakakumbuka ukuti ivinthu ivi vikasimbiwa kukwache ukuti ivinthu ivyo ivyo vili mubombeliwa kukwache. ^{17 18 19} Po ichibukatila chikasimikizya ukuti akaba nabo po akamwizya u Lazaro ukufuma mwipumpha sona nukumunyamuzya mumwanya ukufuma kuba kufwa.Chikaba sona ngati chifukwa cha chibukatila bakabukila ukuti bakomane nawe, chifukwa cha kwivwa ukuti abomba ichimanyisyo ichi. Polelo abafalisayi bakati pabene bene, "linga utangabomba nachimo, linga ichisu chonsi chaya kukwache." ^{20 21 22} Po aba giliki bamo bakaba nabo bobakubuka pakwiputa napa chakulya. Po bakaya kwa Filipu , we akafumanga ku Betisayida mu Galileya , po akamulalusya , bakati , bwana, twalonda ukuti tumulinge u Yeso. U Filipu akabuka nukumubuzya u Andeleya, u Andeleya akabuka poka nu Filipu, sona bakamubuzya u Yeso. ^{23 24} U Yeso akabamula nukuti , " akabalilo kafika akakuti umwana wa munthu achindikiwe. Naloliloli, nkhunena kwa umwe, pene papo ulumphumba ulwa mafilu lwaba pachisu sona iwafwa, lukuba palanyene palwene, loli nanthi lwafwa, lulinga lupape ivikomwa ivinji. ^{25 26} Yo aghanite umoyo wache inthi akabusumbe, loli yo aghubengite , umoyo wache muchisu ichi alighusunga mpaka manyi manyi. Nanthi yumo akwiputa , une muleke umwene ankhonkhe une,sona po une indi , naba po une indi , naba mbombo bane bali palanye. Nanthi anganiputa une, u Tata ali muchindika umwene. ^{27 28 29} Po umuzimu wane watamiwa, sona ka une ninganenachi? Tata, nsunga une ukufuma pa awala ili? Loli pa chifukwa ichi une nkiza ku awala ili.Tata kwezya izina lyako, " po izwi likiza ukufuma ku mulyango ukuti , nalikwezya kale po inthikwezya sona."Po ichilundilo chochikimilila palanyene sona nukwivwa chikati kamesya. Bamo bakati "umungelo anena nawe" ^{30 31} U Yeso akamula nukuti, " amazwi agha ghatiza kukwane, loli kukwinu. Po kulongiwa kwa chisu cha pansi ichi po umulamulilo wachisu, chapansi ichi inthilayiwe. ^{32 33} Pala niza nafumapo, pachisu, ndisenda wensu ukwiza kukwane .Akanena bunonyene ukulangizya infwa yondifwa. ^{34 35 36} Ichibukatila chikamwamula , " twivwile ukufuma mundaghilo ukuti u Kilisiti akwiza ukwikala muyaya. Munganena buli buli , " Umwana wa munthu abaghile asendiwe? wewenu yo we mwana wa munthu?" U Yeso po akati kukwabo, " ubwelu buchili buli numwe mukabalilo akanandi. Enda pokuchili kuli ubwelu, pakuti ichisi chitakabaghe umwe. Yo akwenda muchisi atamanyanga ko akuya. Po muli mubwelu , subalila mubwelu pakuti umwe mube mwebana ba mubwelu. U Yeso akanena ivinthu ivi sona akafumapo sona akabavwama abene. ^{37 38} Napo u Yeso akababombela ivinji ivi manyisyo kukwabo , pope batakamusabalila umwene. Pakuti isimbo lya Yesaya yo akaba mughonela likwanilisiwe, mo akati " mwene, yo amusabilile munene, sona kwa wenu yo ali ninyobe ya mwene yikamusetukila?" ^{39 40} Pa chifukwa ichi batakasubalila, pakuti u Yesaya wepe akanena. "Abighalile amaso ghabo sona akubazunguzya mumoyo yabo, lumo abene ngebalinga namaso ghabo sona bivwe mumoyo yabo sona nukung'anamuka sona une nge nabivwa. ^{41 42 43} Yesaya akanena ivinthu ivi chifukwa akalinga ubwiza bwa Yeso sona akanena nawe. Nangabuli abinji aba lamulila bakasubalila mwa Yeso, loli chifukwa cha ba Falisayi, batakitikizya ivi pakuti batabalesye nukubafumya mu sinagogi. Bakaghana ukuchindikiwa ukwa kufuma ku banthu nkhani ukulusya umuchizi uwa kufuma kwa Chala. ^{44 45} U Yeso akakola sona akati, " wensi yo akusubalila mwa une, atakusubalila mwa une nemwene loli nayo akanthuma une. Sona yo alinga une alinga umwene yo akanthuma une. ^{46 47} Une niza ngati ne bwelu pa chisu cha pansi, pakuti wensi yo akusubalila mwa une atakize asyale mu chisi. Nanthi yumo ivwa amazwi ghane loli atakughasunga, nthakumulonga pakuti nthizite pakulonga ichisu chapansi lole pakupona. ^{48 49 50} Yo ankhana une sona yo atapokela amazwi ghane , aliko yumo yumo yo akumulonga. Izwi iyo iyonanena lilimulonga pi siku lyabumalilo. Pakuti ntanena ivi pa nemwene, loli we Tata yo akanthuma une , yo akampha une ulughalilo ulwakuti pavyo nanena sona pavyo inthi nkhanenenge. Nzimenye ukuti indaghilo zyache gho moyo uwa manyi manyi, pakuti cho une nanena chili ngati we Tata akunena ku kwane , po nkhunena.