¹ Naloliloli nkhunena kukwinu, wensi we atakwinjila ukwendela pamulyango wa chibagha cha mbelele, loli akukwela pambali, umunthu yula mwivi sona wakukoma. ² We akwinjilila pamulyango we mudimu wa mbelele. ³ Uwakulindilila pamulyango akuwmighulila. Imbelele yikwivwa amazyu ghache, sona akuyitizya imbelele yache izina nukuyifumya. ⁴ Pala afumya izyache zyonsi akuzitanjilila, sona nimbelele zikumukonkha , pakuti zimenye amazyu ghache ⁵ Teszikoche umulendo loli mumalo mwache zikumusamala pakuti zitamenye amazyu aghabalendo. ⁶ U Yeso akanena ichili ichi kukwache, loli batakivwisya ukuti ivi vyovyoni vyo akanena kukwabo ⁷ Po u Yeso akanena sona kukwabo, naloliloli nkhunena kukwithu, nemulyango wa mbelele. ⁸ Wensi we akiza bo une nthizite mwiba sona wakukoma, loli imbelele zitakabivwa. ⁹ Ne mulyango. Pala yumo akwinjila mukasi ukwendela mumwane, alipokiwa, alinjila nukufuma sona alagha ivyakulya. ¹⁰ Umwiba atakwiza pa bwaka pakupatula pakwiba nukughogha sona nukunangania. Une niza ukuti babe nubumi sona babe nabo ubwinji. ¹¹ Une ne mudimi umwiza. Umudimi umwiza akufwilapo pambelele. ¹² Uwambombo uwakwazimya te mudimi, sona temwenecho wambelele. Akulinga imphumphi yikwiza po akuzileka imbelele sona akusamala. Po imphumphi yikuzikola nukuzisazya. ¹³ Akusamala chifukwa wambombo wakwazimya sona atapwelelepo izya mbelele. ¹⁴ Une ne mudimi umwiza, sona une nzimenye izyane, po nizyane zimenye une. ¹⁵ U tata amenye une, sona nune mumenye u Tata, po nkhufwilapo pambelele. ¹⁶ Une ndinimbelele izinji zyotezyamulyango ughu. Mbaghile nize nazyo zyope, sona zikwiza pakwivwa amazyu ghane ukuti pabe ichinyamana/ chitekwa choka po nu mudimi weka. ¹⁷ Ichi chocho chifukwa u Tata anganite une . Nkhufwilapo ukuti nyamuke sona. ¹⁸ Nayumo akusenda/ akumphoka, loli nkhufwilapo waka nene. Ndinamazaza ghakunyamuka. Napokela ululaghilo ulu ukufuma kwa Tata wane." ¹⁹ Ukugabinkhana kukaghiwa sona mu Bayuda chifukwa cha mazyu agha. ²¹ Abinji mwababo bakati, " alinichimphepo sona apenite. Ngachoni cho mukwivyisya kukwache.?" ²⁰ Abanji abakati , " agha temazyu ghamunthu we ali nichimphepo. Ka ichimphepo chingighula aminso gha mufwa manso? ²² Po pakaba kabalilo ka lusekelo ulwa kufinga kupya mu Yerusalemu. ²³ Mukaba mulupepo. Po u Yeso akanda akenda mu Tempeli munyumba ya Solomoni. ²⁴ Po aba Yuda bakamuzyungulila nukunena kuwkache ukuti, " kabalilo katali buli ko inthutukayikisye? pala we kilisitu tubuzye uswe pabwelu. ²⁵ U Yeso akabamula, une nkhababuzya, loli mutakasubila. Imbombo zyo nkhubomba mwizina lya Tata wane , izi zikusimikizya izya une. ²⁶ Loli mutakusubila chifukwa temwe mbelile zyane. ²⁷ Imbelele zyane zikwivwa amazyu ghane, une nzimenye, sona zikunkhonkha une. ²⁸ Une nkhuzipa ubumi bwa bwile na bwile, zitalifwapo, sona nayumo akwiza pakuzifumya munyobe yane. ²⁹ U Tata wane , we amphile izyene kukwane, mukulu ukulusya bonsi, pa nayumo abaghile pakuzifumya munyobe ya Tata. ³⁰ Une nu Tata swe munthu weka." ³¹ Po aba Yuda bakasenda sona amabwe ukuti bamume nagho. ³² U Yeso akabamula, " abalangizya umwe imbombo izinji iziza izyakufuma kwa Tata . Mbombo buli zyo mukunumilapo namabwe? ³³ Abayuda bakamwamula, " Tutakukuma namabwe pambombo yimo iyiza, lole pakusita kukonkha indaghilo, papo uwe, we munthu, ukwibika wemwene ukuti we Chala". ³⁴ U Yeso akabamula, zitasimbiwe mululaghilo lwinu, nkhanena ukuti , " mweba Chala"? ³⁵ Pala akabitizya twa Chala, amazyu gha Chala ghakizila uwenu( sona namasimbo ghatangasuliwa). ³⁶ Mukunena kwaweyuyo we u Tata akamusala nukumutuma muchisu chapansi, " utakunkhonkha indaghilo, chifukwa nenite ukuti , une nemwana wa Chala"? ³⁷ Pala nthakubomba imbombo zya Tata wane, mutakansubile. ³⁸ Loli pala nthuzibomba, napapo mutangansubila une, munsubile mumbombo ukuti mumanye nukwivwisya ukuti u Tata ali mumwane sona nukuti une indi mwa Tata." ³⁹ Bayezya pakumukola sona, loli akafumamo munyobe zyabo. ⁴⁰ Akabuka sona ukupulikila u Yolodani ukubuka ko u Yohani akozya abanthu pabwandilo, po bakikala kulanyene. ⁴¹ Abanthu abainji bakiza kukwache nukunena ukuti naloli u Yohani atakabomba ivimanyisyo, loli vyonsi ivinthu vyo u Yohani akanena ivya munthu uyu vyanaloli." ⁴² Abanthu abinji kula bakasubila mumwache.