¹ Mwe ba Galatiya abapunganu! wewenu yo abalogha? Mukabuziwa akiza nkhani nizya bufwe bwa Yesu kilisitu pamphinjika ngati po mukalinga na maso ghinu. ² Ichi chocho chimo ichinthu cho nkhulonda manye ukufuma kukwinu: Ka ukapokela umzimu pambombo zya ndaghilo pamo ukwivwa ivya lwitiko? ³ Fwandi mwebapunganu nkhani? mukanda mu mzimu umu swepu, po ilelo mukumalila pakubomvya umubili? ⁴ Ka vyonsi vyo mukakomana navyo vikaba vya bwaka--naloli vitakaba vya bwaka.'' ⁵ Ka umwene akabapa u mzimu nukubomba nukubomba iviswigho mumwinu pachifukwa chakuti mukukonkha indaghilo pamo mukwivwa nukusubalila? ⁶ Ngati na mo u Abulahamu ''akamusubalila uchala sona zikasimikizika kukwache ukuba muwolosu,'' ⁷ Mu nzila yoka, mwivwisye ukuti abanthu bobakusubila bana ba Abulahamu. ⁸ Amasimbo ghakalingila nzila ukuti uchala akwiza pakubanena abanthu bo te bayuda pakuba bawolosu panthazi papache ukwendela mu lwitiko nukulumbilila amazyu amiza kwa Abulahamu, ukuti. '' abanthu abaluko lonsi bakwiza pakusayiwa ukwendela mumwako.? ⁹ Po abanthu bobakusubila basayiwa poka nu Abulahamu, yo munthu wa lusubio. ¹⁰ Abanthu bonsi bo bakusubila indaghilo bawuniwe; pakuti amasimbo, '' wakuwuniwa umunthu wensi yo atakukonkha vyonsi vyo visimbiwe mwibuku ilyandaghilo, sona nukuzibomba.'' ¹¹ chili pabwelu bwaka ukuti nayumo umunthu yo u chala akunena pakuba muwolosu panthanzi papache pakukonkha indaghilo, sona nukuzibomba.'' ¹² Loli indaghilo zitimilile palusubilo, pakuti, '' umunthu wensi yo akubomba zyo indaghilo zikulonda akwiza pakuba nu bumi.'' ¹³ U kilisitu akatutabula uswe ku nguno izya ndaghilo pakuba nguno mubuyo bwitu--pakuti amasimbo ghakuti, '' muwuniwa umunthu wensi yo apayikiwe pikomo'' -- ¹⁴ Ukuti ulusayo lo lukapewa kwa Abuhamu lungiza pa banthu aba kunzi mwa kilistu yesu, umwakuti ukwendela mu lusubilo tungapokela u mzimu wo akalayizya. ¹⁵ Bakamu bane, leke nene muchifwanikizyo. Nanthi abanthu babili bivwana ichinthu choka nukufinga mu ndaghilo, nayumo anganangania pamo ukongelezyapo chimo. ¹⁶ Amalaghizyo ghakaneniwanga kwa Abulahamu na baluko lwache. Ghatakunena ukuti, '' kubaluko,'' chochikung'anamula abanthu abinji, awe, loli ku munthu weka, '' nakubaluko lwako, '' yo we kilisitu. ¹⁷ Cho nkhunena chakuti: indaghilo zyozikiza pisinda pa myaka folo handiledi--sate, zitanganangania ulufingo lwa chala, ilayizyo lileke ukunangika. ¹⁸ Pakuti imphyana yimilile pa ndaghilo, koti chitakwimilila sona pilayizyo. Loli uchala akamupacho u Abulahamu ukwendela mwilayizyo. ¹⁹ Po, lelo, imbombo ya ndaghilo ya choni? Indaghilo zikongeleziwako ukutulangizya namo ukunanga mpaka uwa luko lwa Abulahamu yula ize ukuyana namo batulayizyila. Indaghilo zila zikapeghiwa na banthumi ukwendela munyobe zya mufusya. ²⁰ Nanthi tukuti umufusya koti abinji ukulusya umunthu weka, loli uchala ali weka bwaka. ²¹ Ka indaghilo zikususania namalayizyo gha chala? awe, napopanandi! pakuti nanthi indaghilo zikapeghiwa zyozingabapa ubumi, nge baneniwa pakuba bawolosu. ²² Loli amasimbo ghakuti chonsi chili pansi pa maka gha mbibi.Umwakuti cho uchala akalaghizya ukwendela mu lusubilo mwa Yesu kilisitu chingapeghiwa kubo bali nulwitiko. ²³ Loli bo ulusubilo ulu luchili pakwiza, tukaba ngati twe bakayidi ba ndaghilo, sona zikatwighalila mpaka po ulusubilo ulu lukuvumbukwa. ²⁴ Po lelo indaghilo zikaba ngati basungilili mpaka po u kilisitu akizila, umwakuti tunganeniwa pakuba bawolosu. ²⁵ Pakuti akabalilo aka lusubilo kakwana tute sona pansi pa basungilili. ²⁶ Mwebonsi mwe bana ba chala pakwendela mu lubilo mwa Yesu kilisitu. ²⁷ Pakuti mwebanji mwa umwe mukoziwa mwa kilisitu. mwivwikite mwebene nu kilisitu. ²⁸ Po lelo patalipo imphambano pa bayuda naba herena, pakasi pa muzya nu musatuke, pakasi pa mwanalume nu mwanakazi, pakuti mwebonsi muli weka mwa kilisitu. ²⁹ Nanthi mwebanthu ba kilisitu, mweba luko lwa Abulahamu, sona mubaghile pakupokela imphyana, yo uchala akalayizya.