2 آسمانچ پادشاہی چھِ تس پادشاہس ہش یمؠ پنِنس نیچوِس خاندر کُور.
3 تہِ پننؠٟ نوکر سُوزِن زِ تِم اَنن سالرن ناد دِتھ، مگر تنو مُوننہ یُون. 4 پتہ سوزی تیمؠ بیہِ نوکر یہ ونِتھ،زِ وچھؠُو، مے چھے نعمت تیار کرمژٔ میٲنؠ داند تہٟ صحت مند ہکھر ٲے ذبح کرنہٟ تہٟ سوری کؠنہہ چُھ تیار، یُیو سالَس. 5 مگر تمو کورنہٟ امؠوک کاہنہہ پرواے تہٟ دراے پننِہ پننِہ کامِہ کاہنہ گو پنِنس کھہس منز، کاہنہ گو پنِنس کاروبارس.
6 تہٟ باقیو رٹیٟ تمسند نوکر تہٟ کرکھ بے عزت تہٟ مارِکھ.
7 پادشاہس کھوت زبردست شرارت تہٟ پنُن فوج سُوزتھ مارن تِم قاتل تہ تُہند شہر ژھنُن زالتِھ. 8 پتہ وُن تیمؠٟ پنین نوکرن زِ خاندرچ نعمت تہِ چھے تیار مگر یمن ناد آیٔو سوزنہٟ تِم آسنہٟ اتھ لایٔق.
9 ونؠٟ گژھؠو سڑکہِ پیٹھ ییتیا تُوہہ سمکھنو تم انیوکھ سالس.
10 تہٟ تِم نوکر گے سڑکہِ پیٹھ ؠِم تہِ تِمن سمکھے اصل یا خراب سٲریِ انِکھ کرٟکھ جمع تہٟ خاندرچ محفل آیہ مہمانو ساتی بھرِت 11 تہٟ ییلہ پادشاہ آۆ اندر مہمان وُچھنہِ تہٟ تیمؠ وُچھ تَتہِ اکھ نفر یمس نہٟ خاندر پلوٟ ٲسؠ لاگتھہِ.
12 تیمؠ وُن تمِس"یارا" ژہ کتھٟ کنؠ آکھ یُور خاندر پلولاگنہ ورٲے. مگر تیمس گیہِ ژھُوپہ. 13 اتھ پیٹھ وُن پادشاہن نوکرن زِ یہ ژھینۆن نرِ زنگہٟ گنڈِتھ نیبر انہِ گٹِس منز.تَتہِ آسہ ودُن تہٟ دندہ ٹکُن.
14 تکیازِ سالر چھِ واریاہ مگر عزتٟ وٲلؠ چھِ کموُؠٟ. 15 تیمہ وزِ کور فریسیو گژِتھ مشورہ زِ سُہ کِتھ پاٹھؠ فھساوُن.
16 اتیٟ سوزُی تمو پنینیٟ شاگرد ہیرودیسس ساتؠٟ تمس نِش تہٟ تمو وُن ہے وُستاد اسہ چھے پے زِ ژہ چُھکھ پزٟی زیُور تہٟ پزرہس ساتؠٟ چُھکھ خدایہ سنزِ وتہِ ہنز تعلیم دوان تہٟ کانسہِ سنُد پرواے چُھکھنہ کران تکیازِ ژہ چُھکھنہ کانسہِ نفرٟہ سنُد طرفدار.
17 ادہٟاَسہ وَنتہٟ، چون خیال کیا چُھ؟قیصرس چھا زکوٰة دِنیٟ جایز کنِہ نہٟ. 18 عيسىٰ ہن وُن تِہُند شرارت وُچھتھ ہیُو ریاکارو مے کیازِ چھُو آزماوان؟
19 تلسا مے ہاؠو زکوٰتُک پونسہ تمو اَنؠ اکھ دینار تمِس نِش. 20 تمؠ وُن تمن"یہ شکل تہٟ ناۆ کوہُند چُھ.
21 تِمُو ونُس "قیصر سنُد"اَتؠٟ وُننکھ یہ قیصر سنُد چُھ تہِ دیُو قیصرس یہ خدایہ سنُد چُھ تہِ دیُو خدایس.
22 تِم گے یہ بُوزِتھ حٲران، تہِ سُہ ترٲوِتھ دراے. 23 تمےٟ دُہ آے تِم صدوقی تِمس نِش ؠِم قیامتکؠٟ مُنکرِ چھ تہٟ کوُرہس یہ سوال.زِ.
24 ہے وستاد، موسىٰہن اُوس ونمت زِ اگر کانہہ لاولد مرِ،تہٟ تمسُند بوُی کریٟ تس باؠی کاکنِہ ساتیٟ خاندر یوتھ پنِنس باؠی سنٔدِ خاطرٟہ اولاد پادٟہ کرِ. 25 ادہٟ ٲسؠ ٲسؠٟ سَتھ باؠی بارنؠٟ، خاندر کرِتھ موُد گوڈنیوک، تہٟ تمِس اُوسنہٟ کانہہ اولادؠٟ امہ موجُوب ترٲون پنِن زنان پنِنس باؠی سنٔدِ خاطرہ.
26 یتھے کنؠ کوُر دویم تہِ تریم تہِ ستمِس تام.
27 سارنؠٟ پتہ مُویہ سُو زنؠٟ تہِ.
28 ونؠ کہنز زنانہ بنہِ یمو ستو منزہٟ قیامژ دُوہ؟ تکیازِ ساروؠٟ اُوس تمِس ساتؠ خاندر کورُمت. 29 عيسىٰ ہن وُن تِمن درجواب، توہی چُھو گمراہ. امہ موجوب زِ نہٟ چُھو کلامِ مقدس زانان نہ خدایہ سنزٟ قُدرت.
30 تکیازِ قیامژ منز آسنہٟ خاندر واندر کؠہنہ. بلکہ آسن لوکھ آسمانکین فرشتن ہندؠٟ پاٹھؠٟ. 31 کیا توہہ پُورونا تہِ؟ یہ خداین اُوسو تُوہہ موردہٟ زندٟہ وتھنس مطلق ونُمت.
32 بُو چُھس ابراہیم سنُد خدا،تہٟ اسحاق سنُد خدا، تہٟ یعقوب سنُد خدا؟ سُہ چُھنہ مُوردن ہند خدا کؠنہہ بلکہ چُھ زندن ہُند.
33 لُوکھ گے تمسنزٔ تعلیم بُوزِتھ حٲران. 34 ییلہٟ فریسیو بُوز زِ تمسندٟہ ساتھؠ گیہِ صدوقین ہنز بولتؠ بند، تہٟ تِم گے جمع.
35 تہٟ تمو منز پروژھ اکؠٟ شرعی عالمن تس آزماونہٟ مُوکھہٟ.
36 ہے وستاد، توراتس منز کُس حُکم چُھ بُوڈ؟. 37 تمؠٟ وُن تمن. خداوند پنِنس خدایس ساتیٟ پننہِ سارے دلہٟ، تہٟ پننہِ سارے زُو وٟہ تہٟ پننہِ سارے عقلہ ساتیٟ محبت تھاوُن.
38 یُوہے چُھ بُوڈ تہٟ گوڈنیوک حُکم. 39 تہٟ دوؠم چھ یہ زِ پنِنس ہمسایس ساتؠٟ تھاوُن پانس برابر محبت.
40 یمنؠ دُون حکمن پیٹچ چُھ تمام توراتک تہ نبین ہندین صحیفن ہنُد دارومدار. 41 ییلہ فریسیی جمع سپٔد تہٟ عيسىٰ ہن پُروژھ یہِ تمن.
42 توہی کیا چُھؠو مسیحس مطلق سمجھان؟ سُہ کُہند فرزند چُھ. تمو وُنس "داۆد سُند". 43 تیمؠ وُن تِمن، ادہٟ داۆد کتھہ پاٹھؠٟ چُھ تس روحکہ ہدایژ ساتؠ خداوند ونان.
44 خداوندن وُن میٲنِس خداوندس، مے دچھنؠٟ کینؠ بیہہ یوتام نہٟ بِو چانؠٟ دشمن چانین کھورن تل انکھ. 45 ادٟہ ییلہ داۆد تس خداوند چُھ ونان تہٟ سُہ کتھہ کنؠ بنیو تمسُند فرزند؟
46 کانسہِہ ہیوکنہٟ تمِس جوابس منز اکھ حرف تہِ ونتھ تہٟ نہ کور تَتہ پیٹھ کانسہِ بؠہِ تمس سوال کرُنک جُرٲت.