2 تُوہی گژھیو پانس بُرونہہ کنیؠ یُوس گام چُھو، تور واتِتھی وُچھؠو توہی اکھ کھرِنؠؠ گنڈِتھ بیہ تس کھَر بچہٟ تِم انِووُکھ کھو لِتھ مے نِش.
3 اگر توہہ کانہہ ونیو کؠنہہ تہٟ ونزؠوک خداوندس چھے یمن ہنز ضرورت، تہٟ سُہ سُوزِ جلدی یِمن واپَس. 4 یہ سپُد امہِ موجوب زِ یہِ نبی سندِ دریعہ وننہ اُوس آمت تہِ سپدِ پورہٟ.
5 صیُون سنزِ کورِ ونیو زِ، وُچھ چون پادشاہ چُھ ژے نِش یوان سُہ چُھ حلیم تہٟ کھَرس پیٹھ چُھ سوار، بلکہ کھرنِہ بچس پیٹھ. 6 اتیٟ گے شاگرد تہٟ کوُرکھ تیِ یہ تمن عيسىٰ ہن حکم اُوس دیوتُمت.
7 کھرنیٟ تہٟ کھرنہِ بچہ انوکھ تہٟ تراوہس پننؠ پلو پیٹھ تہِ سُو گو تس پیٹھ سوار.
8 تہِ ہجومہ منز وتھراؠی اکثر لوکو پننؠ پلو وتہ منز،باقیو وتھراہہ کُلین ہنزہ لنجہِ ژٹتھ وتہِ پیٹھ. 9 تہٟ ہجوم اوُس تمِس بُرونہہ بُرونہہ تہٟ پکان تہٟ پتہٟ پتہٟ تہٟ اوُس یوان. تہٟ نعرہ دی دی ٲسؠ ونان،ابن داۆد "ہوشعانا" مُبارک چُھ تس یُوس خداوند سٕندِس ناوَس پؠٹھ چُھ یِوان.عالم بالاہس پیٹھ"ہوشعانا".
10 تہِ ییلہ سُہ یرشلمس منز داخٟل سپُد تہٟ سارسی شہرس منز سپُد ہنگامہٟ ، تہِ لوکھ لگؠ وننہٟ "یہ کُس چُھ"
11 ہجومکؠو لکو وُن"یہ چُھ گلیلِ ہندِ ناصرتک نبی عيسىٰ. 12 تہٟ عيسىٰ سپُد خدایہ سنزِ ہیکلِ منز داخل تہٟ کڈنی ساریِ تَتہِ ؠم ہیکل منز ٲسؠ کاروبارۆٟ کران.تہ صرافن ہندٟی تختہ تہٟ کوتر فروشن ہنزہ چوکہِ فِرن دُبہ.
13 تہٟ تمن ونُن لیکتھ چُھ زِ مُؠون گھرٟہ آسہِ دُعاءِخیُرک گھرٟہ مگر توہہ چِھوُوُن یہ ڈاکووَن ہند اڈہ بناوان.
14 تہٟ ٲنؠ تہِ لنگؠٟ آے ہیکلِ منز تمِس نِش تہِ تمؠ کریٟ تم ٹھیک. 15 مگر ییلہِ زیٹھؠ کاہنو تہٟ فقؠِہو تمہِ عجیب کامہِ وچھ ؠمہ تمؠٟ کرِ بیہ وُچھکھ شُری ہیکل منز ابنِ داۆد ہوشعنا نعرٕہ دِوان تہٟ ناراض سپِدتھ لگِس وننہِ.
16 ژہ چھکھہٟ بوزان ؠِم کیا چھِ ونان؟ عيسىٰ ہن وُن درجواب_آ_ کیا توہہ چھِؠونا زانہہ پورُمت شُرین تہٟ دوُدہ شُرین ہنز زؠِو چھے ژے تیار کرٔمژ تاکہ تِم کرن چٲنیٟ حمدو ثٲنیٟ.
17 تہٟ سُہ گو تم ترٲوتھ شہرہ نیبر بیتِ عنیاہ ہس منز تہٟ راتس روُد تَتھؠٟ. 18 ییلہ صحبٲؠی سُہ واپس شہر اُوس گژھان تمِس لجی بُوچِھہ .
19 تہِ وتہِ اندس وچھن اَکھ اِنجیر کُل تہِ گو تَتھ نِش.تہِ پنہِ ورٲے وچُھن نہ تَتھ کہین پیٹھ تہ ونُنس ژے مٔہ وسٔنے زانہہ تہٟ پؠوہٟ تہٟ انجیر کُل ہُوکھ امے وِزِ. 20 شاگردو کور یہ وچھتھ تعجب تہٟ ونکھ یہ انجیر کُل کیازِ ہوکھ یکدم.
21 عيسىٰ ہن وُن درجواب تمن بُو چھِسو توہہ پُوز ونان زِ اگر ایمان تھایُو تہ شک کریُونہ. توہی کرؠو نہ صرف یوتی یہ انجیر کُلس ساتی سپِد بلکہ اگر ہُوت پہاڈس تہِ ونُیو وَتھ تہٟ سمندرس منز گژھ تہ تیِ سپُد.
22 بیہِ یہ کینژھا دُعاہس منز ایمان ساتی منگؠو تہِ سُوری میلؠو تُوہہ. 23 ییلہٟ سُہ ہیکل منز یتھ تعلیم اوُس دِوان. تہِ زیٹھؠ کاہنو تہِ قومکؠو بُزرگو وُن تس نِش یتھ. ژہ کیمہِ اختیارٟہ چُھکھ ؠمہ کامہِ کران، تہٟ یہِ اختیار کؠمؠٟ چھؠ ژے دیوتُمت؟
24 عيسىٰ ہن وُن درجواب تمن "بُو تہِ پرژھو توہہ اکھ کتھ"اگر سُومے ونیو تہِ بُوتہِ ونو توہہ.زِ ؠمہ کامہ کیمہ اختیار چُھس بُو کران. 25 یوحنا سنُد بپتسمہٟ کتہِ پیٹھ اوُس ؟ آسمانکہ طرفہ اُوسا کِنہ انسان سندِ طرفہ. تِم لگؠ پانہ وانی وننہٟ اگر اسؠ ونو آسمانکہ طرفہ تہِ یہ ونہ اَسہ، تیلہ کیازِ کوُرونہٟ تُوہہ تس پیٹھ یقین.
26 وٟہ اگر انسان سندِ طرفہ تہٟ ٲسؠ تؠمؠ ٲسؠ عوامس کھوژان تکیازِ ساری ٲسؠ یُوحناہس نبی مانان.
27 اتیٟ وُن تمو عيسىٰ ہس درجواب، "اَسہِ چھؠنہٟ پتہٟ"تؠمؠ تہِ وُن تِمن بُوتہِ وَنونہِ تُوہہ کؠنہہ زِ بُو کؠمہِ اختیار چُھس ؠمہ کامہِ کران. 28 توہی کیازِ چُھو سمجھان؟ اَکِس نفرس ٲسؠ زٔہ نیچی. تؠمؠ وُن گوڈ نِکس نِش گژتھ گوبُریا گژھ از کر باغس منز کٲم.
29 تؠمؠ ونُس درجواب،بُوگژھنہٟ، مگر پتٕہ پَشتوۄُن تٕہ گُو.
30 پتہ گو بیکس نِش تہٟ ونُنس یتھے پاٹھؠ.تیمؠ ونُس درجواب. اَدسا جناب مگر گو نٔہ کؠنہہ. 31 ؠمو دوؠو منزہٟ کؠمؠ کٔر پنِنس مالؠؠ سنز مرضی پورُہ؟تمو وُن گُوڈنکؠٟ.عيسىٰ ہن وُن تمن،بُو چھِسو توہہ پُوز ونان زِ گزر رٹن وٲلؠ تہ گانہِ گژھن توہہ بُرونہہ خدایہ سنذِ پادشاہی منز داخل.
32 تکیازِہ یُوحنا آۆ نیکؠ ہنز وَتھ ہاونہِ توہہ نِش تہٟ توہہ کورُونہ تس پیٹھ یقین مگر گزر رٹن والؠُو تہٟ گانؠو کورتس پیٹھ یقین ،تہٟ یہ وچھتھ پھچتووُو تیِنہٟ تُوہہِ.زِ تس پیٹھ کرِؠو یقین. 33 بیاکھ مِثال بوزؠو، اکھ اُوس گھرک مالِک یمؠ دچھہ باغ لُوگ تہِ ژُورو طرفو کھولنس دیوار بیہِ کھونُن اَتھ منز حوض بیہ بنُون بُرج تہٟ باغوانن ٹھیکس پیٹھ دِتھ گو بیس مُلکس.
34 ییلہ مؠوٟہ کال وۆت نزدیک تہٟ تمؠٟ سُوزیٟ پنِن نوکر باغبانن نِش پننؠٟ مؠوٟہ نِنہ. 35 تہٟ باغبانو رٹی تمسندٟؠ نوکر اکِس لویُوکھ، بیاکھ مُورکھ تہٟ بیاکھ کورکھ سنگسار.
36 پتہ سوزؠ تیمؠٟ بیہ نوکر ؠم گوڈنکؠو کھوتہٟ واریاہ ٲسؠ تہ تمو کور یمن ساتیٟ تہِ سُوؠٟ سلوک.
37 آخرکار سوز تیمٟؠ پنن نیچو یہ زانِتھ زِ تِم کرن میانِس نیچؠؠ سُند لحاظ. 38 ییلہ باغبانو سُہ وُچھ تہ پانہٟ وانؠٟ وُنکھ یہ چُھ وارث در.ولؠو یہ کرون قتل تہٟ ٲمسندٟس میراثس پیٹھ کرو قبضہ.
39 تہٟ کوڈکھ باغہ منز نیبر تہٟ مورُکھ. 40 پتہِ ییلہ باغُک مالک ییہِ تہٟ تمن باغبانن ساتھؠ کُس سلوک کرِسُہ؟
41 تمو وُن تمِس تمن بدکارن کرِ سُہ بے دردی سان ہلاک.تہٟ بدلایہ باغبانن ؠم وقتس پیٹھ تمس مؠوہ دِن. 42 عيسىٰ ہن وُن تمن،کیا توہہ چُھونہ کلامِ مُقدَسس منز زانہہ پورمُت زِ یُوسہٟ کنؠ دسلو دارتھ ژھنیٟ سُوؠیٔ سپزٔ کُونہٟ کنؠ،یہ سپُد خداوند سندٟ طرفہٟ تہٟ سانین نظرن منز چُھ عجیب؟ 43 توہہہ چھؠسو بو ونان زِ خدایہ سنز پادشاہی یؠہِ توہہ نِش نِنہ تہ تَتھ قومس ییہ دِنہ یوُس تمؠوک مؠوہٟ وَپدایہ.
44 تہ یوس تَتھ کنہ پیٹھ پییہِ تہٟ ٹکرٟہ ٹکرٟہ گژھنس مگر یس پیٹھ پییہِ تس کرِ سُوت. 45 یہ ییلہ زیٹھؠ کاہنو تہ فقیہو تمسنذٟہ مثالہٟ بُوزہ تہٟ سمُجھکھ زِ یہ چُھ سانِس حقس منز ونان.
46 تہٟ تم ٲسؠ تس رٹنچہ کوششہِ منز مگر لوکن ٲسؠ کھوژان تکیازِ تم ٲسؠ تس نبی مانان.