2 تہٟ اکھ بوڈ ہجوم آۆتس پتہٟ پتہٟ تہٟ کرِن تَتہِ ٹھیک. 3 تہٟ فریسی آے تمس آزماونہِ تس نِش تہٟ وننِہ لگِس کیا پرتھ کنُہ وجہ کینؠ چھا پننیٟ زنانہِ موکلاونؠٟ جٲیٔز.
4 تؠمؠ ونکھ درجواب، کیا تُوہہ چھونا پُورمت زِ یمؠ تِم بناؠی، تیمؠ وُن گوڈے تِم زنیٟ تہٟ مرد بنٲیتھ زِ. 5 امہٟ سنٔدِ باپت تروہٟ مرد مالِس تہٟ ماجہ الگ تہٟ روُز پننہِ زنانہِ ساتیٟ تہٟ تِم دونوے آسن اکھ جِسم؟
6 ونؠ چھنہٟ تِم زٔہ کؠنہ بلکہ چھِ اکھ جِسم.امہِ موجُوب یمس خدا جُوڑِ تمس کرنہٟ انسان جدا. 7 تمِو وُن تَس تیلہِ کیازِ دیُوت موسىٰہن حکم زِ طلاق نامہٟ دِتھ گژِھ ینیٟ تراونہٟ.
8 تؠمؠ وُن تِمس زِ موسىٰہن دیُوت تسہندِ سخت دلیِ ہندِ وجہ کینؠ توہہ پننہِ زنانہٟ تراوُنک اجازت مگر گوڈہٟ پیٹھ اُوسنہ یتھ کنؠٟ.
9 تہٟ بو چُھسو توہہ ونان زِ یُوس اکھاہ پننہِ زنانہ حرامکاریِ ورٲے بیہ کونہِ وجہ کینؠٟ ترایہ تہٟ کرِ دوؠم خاندر سُہ چُھ زِنا کران تہٟ یُوس اکھاہ ترایہ مژِہ زنہِ ساتؠ خاندر کرِ سُہ تہِ چُھ زنا کران. 10 شاگردو وُن تس اگر مرد سنُد یُوتھ حال چُھ زنانہِ ساتؠٟ تیلہ چُھنہ خاندریٟ کرُن جان.
11 تؠمؠ وُن تمن زِ ساری ہیکن نہٟ یہ کتھ مانِتھ مگر تمے ؠمن یہ قدرت دنہٟ آیہ.
12 تکیازِ کینہ لانژھ چھ تِتھ ؠِم ماجہ ہنذِ یٔڈ منزی چھ یتھ زؠوان.تہٟ کؠنہہ لانژھ چھ تِتھ ؠِم لوکوہٟ بناؠی لانژھ.تہِ کؠنہہ لانژھ چھ تِتھ ؠِمو آسمانچہ پادشاہی خاطرٟہ پٲنیٟ پانس لانژھ بنُوۆ یوس مانِتھ ہیکہ سُہ مانِن. 13 تمہ ساتہٟ اَنؠٟ لوکو شُرؠٟ تس نِش تاکہ سُہ تھایہ تمن پیٹھ اتھہ تہٟ کریکھ دُعا مگر شاگردو کور تِمن اعتراض.
14 مگر عيسىٰ ہن وُن تمن شُرین دِؠو مے نِش ینہٟ ؠمن مہ کرؠو منع،تکیازِہ آسمٲنچ پادشاہی چھے یتھنی ہنز.
15 تہِ تمن پیٹھ اتھہ تھایتھ دراۆ سُہ تَتِہ. 16 تہِ وچُھؠو، اکھ شخص آۆ تمس نِش تہٟ ونُنس، بُو کوسہٟ نیکؠ کرہٟ، یُوتھ زن ابدی زندگی حاصل کٟرہ.
17 تیمؠ وُننس، ژۂ کیازِ چُھکھ مے نیکؠ ہند وجہ پرژھان؟ نیک چُھ اکوی ونی اگر ژہ زندگی منز داخل سپدن چُھکھ یژھان تیلہ کرہ حکمن پیٹھ عمل. 18 تؠمؠ وُن کمن حکُمن پیٹھ؟ عيسىٰ ہن وُنس یہ زِ قتل مس کر، زنا مہ کر، ژوُر مہ کر.اپُز گواہی مَہ دِہ.
19 پنِنس مالِس تہِ ماجہ کر عزت، تہ منِنس ہمسایس ساتؠٟ ورتاۆ پانَس ہیُو لول. 20 تؠمؠ جوانن وُن تَس مے ؠمن سارنی پیٹھ عمل کرٔمژ ونی کیا کمی چھے مے منز؟
21 عيسىٰ ہن وُن تس، اگرژہ کامل بنُن چھکھ یژھان تہٟ گژھ پنُن مال و اسباب کٔن تہٟ دِ غریبن. ژے میلؠ آسمانس پیٹھ خزانہ، پتہِ یہ مے پتہ پتہ.
22 مگر سُہ جوان گو یہ کتھ بُوزِتھ دلملول تہٟ دراۆ تکیازِ سُہ اُوس واریاہ دولت مند. 23 عيسىٰ ہن وُن پنین شاگردن بُو چُھسو توہہ ونان زِ دولتمند سنُد چُھ مشکل آسمانچہ پادشاہی منز داخل سپُدن.
24 بُو چُھسو توہہ ونان زِ اُونٹہ سنُد سژٔنہِ پہِہ کینؠ نیُرن چُھ سہل امہٟ کھوتہٟ زِ دولتمند گژِھ خدایہ سنزِ پادشاہی منز داخل. 25 شاگرد یہ بوزتھ واریاہ حٲران تہٟ وننہِ لگؠ" تیلہ کُس ہیکہ نجات لبتھ.
26 عيسىٰ ہن وُن تمن کُن نظرا کرتھ.یہ زن ہیکنہ انسانہ سندِ ساتؠٟ سپدتھ مگر خدایہ سندِ ساتؠٟ ہیکہ پرتھ کؠنہہ سپدتھ.
27 اتھ پیٹھ وُن پطرسن درجواب تس. وُچھ حض اسؠٟ دراے سُوری کؠنہہ ترٲوِتھ ژے پَتھ.ادٕہ اسہِ کیا میلہ؟ 28 عيسىٰ ہن وُن تمس بُو چھسے ژے پُوز ونان زِ ییلہ ابنِ آدم نیِس تخلیقس منز پننِس جلالکِس تختس پیٹھ بہیہِ تہ توہی تہٟ ؠم مے پتہ دراے کرن بہن تختن پیٹھ بِہتھ اسریلکین بہن قبلین ہند انصاف. 29 بیہ یمؠ تہِ کانسہ میانہ باپت گھرٟہ.باؠی، بینہ،مول،موج، کُھل تہٟ کھاہ ترٲوؠٟ تمِس میلہ ہتھ گنہ بیہ آسہِ ابدی زندگی ہُند وٲرث.
30 مگر واریاہ ؠم بُرونٹھ آسن گژھن یٹھ تہِ ؠِم پتھ آسن گژھن بُرونٹھ.