2 تؠمؠ اُون پانس نِش اکھ بچہ ناد دِتھ تہٟ کورن تمن منز باگ استادہٟ.
3 تہٟ وننکھ بُو چھُسو توہہ پُوز ونان زِ اگر نہِ تُوہی تُوبہٕ کرؠو تہٟ شُرین ہندی پاٹھؠٟ بنیو نہٟ تہٟ آسمانچہ پادشاہی منز سپدیونہ داخل. 4 ادہٟ یُوس اکھاہ پانؠ پانس ؠمن شُرین ہندیٟ پاٹھؠٟ لوکٹ بنایہ، سُوی آسہِ آسمانچہ پادشاہی منز بُوڈ.
5 تہِ یُوس اکھاہ یِتھِس شُرِس میانِ ناوہ قبول چُھے کران، سُہ چھ مے قبول کران.
6 مگر یُوس اکھاہ ؠمو لوکٹیو منزٟہ ؠمن مے پیٹھ ایمان چُھ کانسہ گُناہ کرنایہ، تمسندٟہ خاطرٟہ چُھ بہتر یہِ زِ بڑٔ گرٹہٟ کنؠٟ ییہ تمِس نٲلؠ ژھننٕہ تہٟ سُہ ییہِ سرینس سمندرس منز فاٹناونہ. 7 ٹھوکرن ہندِ وجہ ساتؠٟ دنیاہس افُسوس تکیازِ ٹھوکرن ہنُد سپدن چُھ ضروری، مگر تمس نفرس پیٹھ افُسوس ؠمہ سند وجہ ساتیٟ ٹھوکرہ لگہِ.
8 ادۂ اگر چُون اتھہ یا کھور ژے زکھ واتناؠؠٟ سُو ژھُنُن ژٹتِھ تہٟ دِن دٲرتھ ٹنڑہٟ یا لونگؠٟ روزُن چھؠ زندگی منز بہتر امہ نِش زِ زٟہ اتھہ یا زٟہ کھور آستھ یِکھ ہمیشہ خاطرہ جہنمس ژھننہٟ. 9 تہٟ اگر چانؠٟ ٲچھؠ ژے گناہ کرنایؠؠ سُو ژھنن کڈِتھ تہٟ دِن دٲرِتھ، کُون روُزتھؠ چھؠ جان زندگی منز روزن امہِ نِشہ زِ زٔہ ٲچھ ٲسِتھ یِکھ جہنمَس تراونٕہ. 10 خبردار! ؠمو لوکٹؠو منزہٟ ینہٟ کانہہ حقیر زٲنِون، تکیازِ بُو چُھسو توہہ ونان،زِ آسمانس پیٹھ چھ یہندٕؠ فرشتہ میانِس آسمانؠ بَبس پرؠتھ وِزِ بُتھ وُچھان.
11 تکیازِ اِبن آدم چُھ رٲوٕ متین ژھانڑنِہ تٕہ نجات دِنِہ آمُت. 12 تُوہی کیا چُھؠو سمجھان؟اگر کٲنسِہ نفرَس ہتھ تیر آسہ تہٟ تمو منزہٟ راوہِ اَکھ! تہِ سُو تراینا نمنمتھ اتؠِ تہٟ گوڈہٟ گژِھ پہاڈو کنؠٟ تمس رٲومتِس ژھانڈنہِ.
13 تہِ اگر یہ سپُد زِ سُہ لبِہ تمِس. تہ بُوچُھسو توہہ پُوز ونان، زِ سُہ کرِ تمو نمنمتو کھوتہٟ ؠِم نہٟ روٲمتؠ ٲسؠ امِس تیرہ سنز زیادہ خوشی.
14 یتھے کنؠ چُھنہ تُہند آسمانی بب یہ یژھان زِ ؠمو لوکٹؠو منزہ گژِھ اکھ تہِ ہلاک. 15 اگر چون بُوؠی گناہ کرِ تہٟ گژھ الگ کُن سمجھاون سُہ کتھِ باتھ ساتؠ،تہٟ اگر تؠمؠ چُون بُوز تیلہ زیُونتھن ژے پنُن بُوے.
16 ونؠ اگر نہ بوزُن، تیلہ نِکھ اکہ؛ زٟہ نفر پانس ساتؠٟ تہٟ گژھ یُوتھ زن پرہتھ کتھ دوُن ترین گواہن ہنذِ زبٲنؠ ساتؠ ثابت سَپدِ. 17 و اگر تؠمؠ تہندِس بُوزنس تہِ انکار کور، تیلہ وَن کلیسیاء تہٟ اگر کلیسیاء ہنُد تہِ بُوزن نہ کؠنہہ تیلہ زانُن ژہ بے ایمان بالس تہٟ گزُر رٹن وٲلِس برابر. 18 بُو چُھسو توہہ پوز ونان زِ یہ کینژھا توہی زمینہِ پیٹھ گنڈؠو تہِ ییہِ آسمانس پیٹھ گنڈنہِ،تہِ یہ کینژھا توہی زمینہِ پیٹھ کھو لیُو تہِ کُھلِ آسمانس پیٹھ.
19 بتہِ چُھسو توہہ ونان زِ اگر توہہ منزہ زۂ شخص زمینہِ پیٹھ یژھَن کُنہِ کتھِ باپت اتفاق کرُن تہٟ میانِس آسمانی ببہِ سندِ طرفہِ سپدِ تہِ تہندِ خاطرٕہ.
20 تکیازِ یتہِ زٔہ یا ترے میانہٟ ناوہ جمع سپدن تَتہِ چُھس بو تمن منز حاضر. 21 تمہِ ساتہٟ وُن پطرسن تمس نِش یتھ.ہے خداوند! اگر مؠون بُوے کانہہ گناہ روُزِ کران تہٟ بُو کژِ لٹہ کر تِمس معاف؟ کیا ستھِ لٹہِ تام؟
22 عيسىٰ ہن وُن تمِس بُو چھینہ ونان یہ ژے زِ ستہِ لٹہِ، بلکہ ستہِ فرِہ ستَتھِ لٹہِ تام. 23 آسمانی پادشاہی چھے تمِس پادشاہ سندؠ پاٹھؠ ؠمؠ پنُن نوکرن حساب ہیُون یُوژھ.
24 تہٟ ییلہ حساب ہؠون ہؠوتُن، تہٟ اکھ قرض دار آۆ ٲمِس بُرونہہ کُن، یمِس ٲمسنٔد دہ ساس چاندِ ہنذِ روپہہ قرض آسہٟ.
25 مگر ٲمِس نِش اُوس نہٟ نکھہٟ والنہٟ باپت کہین تہِ.لہذا سیُوت مالکن حکم زِ یہِ تہٟ ٲمسنذ زنانہ تہٟ شُرٕؠ بیہ ٲمِس چُھ سُوری گژھ یُون کننہ تہٟ قرض گژِھ یُون وصول کرنہٟ. 26 ادہہ نوکرن کوُر ٲمس نمتِھ سجدہ. آقا مے دِہ مُہلت بُو کرہ چون سُوری قرض ادا.
27 تمِس مالِکس آۆ امِس نوکرس پیٹھ عار تہٟ ترووُن یلہٟ بیہ کورُنس سُوریٟ قرض معاف. 28 ییلہِ سُہ نوکر نیبر دراۆ تہٟ باقی نوکرو منزہٟ سُمکھ تِمس اکھاہ یُوس ٲمِس ہَتھ دینار داران اُوس. ٲمؠٟ رُوٹ سُہ تہٟ چُیورنس ہوُٹ تہٟ وننس یہِ مُیون چھؠ تہِ کر ادا.
29 مگر ٲمؠ نوکرن کور ٲمِس نمِتھ زارپار تہٟ ونُنس مے دِ مُہلت بُو کرے ژے ادا. 30 مگر ٲمؠ مونُس نہٟ بلکہ گو تہٟ کرنون قٲد خانس منز بند دوُپنس یوتام نہٟ قرض نکھہ والکھ توتام روُز قٲدس منز.
31 ادہ باقی نوکر گے سیٹھا غمگین یہِ حال وُچھتھ تِم آے تہٟ وُنکھ مالکِس تہِ سُوری یہ سپِدمت اُوس. 32 اَتھ پیٹھ اُننو سُہ مالِکن پانس نِش ناد دِتھ تہٟ ونُنس ہیو رزیل نوکرا! مے ہا کوری ژے سُوری قرض معاف ٲمہ موجوب زِ ژے کورُتھ مے زارپار.
33 کیا ژے پیٹھ اُوس نا لازِم زِ یتھ کنؠ مے ژے پیٹھ رحم کور تِتھے پاٹھؠ کرہکھ ژۂ امِس نوکرس پیٹھ تہِ رحم؟ 34 تٕہ امؠ مٲلِکَن کُوٚر سُہ ناراض گژِھتھ جلادَن حوالٕہ،زِ یوتام نہٟ سوری قرض ادا کرکھ روُز قٲد توتام.
35 میون آسمانی بب تہِ کرِ تُوہہ ساتی یتھے پاٹھؠٟ اگر نہٟ توہہ منز تہِ ہرکانہہ پنِنس بٲیس دلہ ساتؠٟ معاف کرِ.