2 تیمؠ وُن درجواب تمن، زِ شامس چُھو تُوہی ونان، دُورٟی روُزِہ تکیازِ آسمان چُھ وُزل. 3 تہٟ صبحس چُھو تُوہی ونان یہِ زِ از کڑیس واۆ طوفان تکیازِ آسمان چُھ وُزل تہٟ بؠہ چھیس وُنل سِش. تُوہی چھیو آسمانی صورتن منز تمیز کرُن زانان مگر زمینچن علامتن منز چھونہٟ ہیکان تمیز کرِتھ.
4 ؠمہِ زمانکؠٟ بَد تہٟ زِناکار لوکھ چھِ ِنشان منگان.مگر یونآہ سندِ نشانہٟ ورٲے یینہ تِمن بیہ کانہہ نِشان دِنہ، تہِ سُہ دراۆ تِم ترٲوِتھ. 5 تہٟ شاگردن آسہٟ اپُور ترنہ وزِ ژوچہ ساتؠٟ نِنہٟ مشتھیٟ گمژٟہ.
6 عيسىٰ ہن وُن تِمن خبردار فریسین تہِ صدوقین ہنذِ خمیِر نِش روُز زؠو ہوشیار.
7 تِم لگؠ پانس ساتؠٟ ونِنہ زِ اَسہِ ٲننہٟ ژوٹیٟ.
8 عيسىٰ ہن وُن یہِ معلوم کرِتھ "ہیو کم اعتقادو توہی کیازِ چُھو پانہٟ وانؠٟ بحث کران زِ اَسہِ نِش چھینہ ژُوٹؠٟ. 9 کیا ونیوک تام ترووُنا تُوہیہ فکرِہ تہٟ تِمن پانژن ساسن نفرن ہنزٟہ پانژھ ژوچہ چھُیونا توہیہ یادی؟بیہ نہٟ یہِ زِ کاژا ٹوکرِہ تُجیو.
10 بیہ نہٟ تِمن ژورن ساسن نفرن ہنزٟہ سَتھ ژوچہ؟ بیہ نہٟ یہِ زِ کژٔ ٹوکرِہ تُجیو. 11 کیا وجہ چُھ توہی چُھیو نہٟ یہ سمجھان زِ مے ونونہٟ توہہ ژوچین مطلق زِ توہی رُوزؠو فریسین تہٟ صدوقین ہنذِ نِش ہوشیار.
12 یلہِ نہ تمن سمجھؠٟ آۆو زِ تیمؠ وننہ ژوچین ہنز خمیرِ نِش کؠنہ بلکہ اُوسن ونمت فریسین تہٟ صدوقین ہنز تعلیم نِش روزُن ہُوشیار. 13 یلہ عيسىٰ وُوت قیصریہ فِلپی سندس علاقس منز. تہٟ تؠمؠ پُروژھ پنین شاگردن یہ زِ لوکھ کیا چھ ابنِ آدمس ونان؟
14 تمو ونُس، کؠہنہ چھِ ونان یُوحنا بپتسمہ وُول،کؠہنہ ایِلیاہ تہِ کؠہنہ یرمیاہ یا نبیو منزہ کانژھا.
15 تؠمؠ وُن تمن "مگر توہی کیا چُھو ونان؟
16 شمعون پطرسن وُن درجواب، ژہ چُھکھ زندٟہ خدایہ سُند نیچُو مسیح. 17 عيسىٰ ہن وُن درجواب ثمِس مُبارک چھک ژہ شمعون بر یوناہ،تکیازِ یہ کتھ کرٔنہٟ جسمن تہ خونن بلکہ کرٔیہ میانؠ ببن یُس آسمانس پیٹھ چھُ ژے پیٹھ ظاہر.
18 تہٟ بُوتہ چُھسے ژے ونان.زِ ژہ چُھکھ پطرس،تہٟ بُو بناوہ اتھ کنہِ پیٹھ پنین کلیسیاء.تہٟ عالمہ ارواحکؠ دروازہ سپدن نہ اَتھ پیٹھ غالب کؠنہہ. 19 بُو دمے ژے آسمانچہ پادشاہی ہنزہ کُنز تہٟ یہ کینژھا ژہ زمینہ پیٹھ گنڈکھ تہِ ییہِ آسمانس پیٹھ گنڈنہ تہٟ یہِ کینژھا ژہ زمینہ پیٹھ کھولکھ تہِ ییہِ کُھولنہ آسمانس پیٹھ.
20 تمہِ ساتہٟ دیوت تؠمؠ شاگردن حُکم زِ کانسے ونزیونہٟ بُو چُھس مسیح. 21 تیمہ وقتہٟ پیٹھٟ لوگ عيسىٰ پنین شاگردن پیٹھ ظاہر کرنہِ زِ دُہ گژِھ ضرور یروشلم تہٟ بزرگن تہٟ زیٹھؠ کاہنن تہٟ عالمن ہندِ ساتؠ تُلہ دُکھ تہٟ ییہِ قتل کرنہٟ ترؠمہِ دُوہ وتھِ زندٟہ.
22 اتھ پیٹھ نیو سُہ پطرسن الگ کُن تہٟ لوگس اعتراض کرنہ،ہے خداوند، خدابُوزن یہِ مہ سپدِن ہر گز تہِ ژے پیٹھ.
23 تؠمؠ وُن ہوکن فیرتھ پطرسس" ہؠو شیطانا، مے نِش گژھ دوُر، ژہ ہا چُھکھ میانہ باپت ٹُھور، تکیازِ ژہ چھکُنہ خدایہ سنذن کتھن ہُنذ بلکہ چُھکھ انسان سنزن کتھن ہُنذ خیال تھاوان. 24 تؠمہ ساتہٟ وُن عيسىٰ ہن پنین شاگردن، اگر کاہنہ یژِھ مے پتہ یُون سُہ مژاین پنُن پان، پننؠ صِلیب تُلِن تہِ یین مے پتہٟ پتہٟ.
25 تکیازِ یُوس پنُن زُو بچاوُن یژِھ سُہ راوٟ راوٟ تَتھ تہٟ یُوس اکھاہ میانہٟ خاطرٟہ پنُن زُو راوٟ راوٟ سُہ لبہ تَتھ.
26 اگر انسان سورُی دنیا حاصل کرِ تہٟ پنِنس زُوس واتِیس نقصان تہٟ تمِس کیا فایٕدہ چُھ. 27 تکیازِ اِبن آدم ییہِ پننس ببہ سندِس جلالس منز پننین فرشتن ساتؠٟ تمہ ساتہ دیِہ سُہ پرتھ کانسِہ تہنذن کامین مطابق بدلہٟ.
28 بُو چُھسو توہی پوز ونان ؠم یتین اِستادہٟ چِھ ؠمن منز چِھ کؠنہ تِتھ زِ ؠوتام نہٟ ابنِ آدمس تمسنذ پادشاہی منز یوان وُچھن، توتان مَرن نہ تِم ہر گزِ تہِ.