2 تکیازِ مےٕ چھ تُہند شوق یے.امِہ وجہ چُھس بو مکدونیہ کین لوکن مرونہ کنہِ تہند فخر کران زِ اخیالکؠٕ لوکھ چھ پتمِہ ورؠیہِ پؠٹھٕ تیار تہٕ تُہندٕؠ جوش چُھ اکثر لوکن وُتُس دیوتمُت._ 3 مگر مےٕ سوزٕؠ باۓ امِہ موکھٕ زِ یُوس فخر أسیٕ اَتھ مطلق توہِہ پؠٹھ کران چِھ سو گژھنہٕ بے اصل روزُن بلکہ روزیو توہیٕ میانِہ وننہٕ مُوافِق تیار._
4 یُوتھنہٕ یِہ سپدِ زِ اگر مکِرُو نؠہکؠٕ لوکھ مےٕ ساتؠٕ آۓ تہٕ توہِہ وچھنُو نہٕ تیار تہٕ أسؠٕ چِھنہٕ یہ ونان زِ تُوہی سپدؠو تؠمِہ بھروسکِہ سببہٕ شرمندٕہ._
5 امِہ موجوب زُون مےٕ بایَن یہ درخواست کرُن ضروری زِ تِم واتن گوڈٕہ توہِہ نِش تہٕ نفیس کھؠن تھاون گوڈے تیار،تاکِہ سُہ روزِ بخشش ہنٔدٕؠ پاٹھؠٕ تیار نَہ کہ زبردستی طورٕہ پأٹھؠٕ._ 6 مگر یہ کتھ چھے زِ یُوس کم چُھ ووان سُہ چُھ کم لونان تہٕ یُوس واریاہ چُھ ووان سُہ چُھ واریاہ لونان._
7 .ؠتھٕ کنؠٕ پرؠتھ اکؠٕ مننِس دِلس منز ارادٕہ آسِہ کورمت تمےٕ حسابہ دِؠِین،نَہ دُریغ کرِتھ نَہ لاچأرِی ساتؠٕ تکیازِ خداؠس سُہ ٹوٹھ یُوس خوشی سان دؠوان چُھ._ 8 تہٕ خدا ہؠکہ پرؠتھ قسمک فضل توہِہ پؠٹھ کثرت سان کرِتھ.یوتھ زن توہِہ ہمؠشہ پرؠتھ چیز زیادٕہ زیادٕہ میلِہ تہٕ توہِہ نِش روزِ پرؠتھ نیک کامِہ باپتھ واریاہ کؠنہ موجود._
9 تکیازِ کلام چُھ ونان.تؠمؠٕ چُھو کروو،تؠمؠ دیُوت مسکینن.تؠمسنٔز راست بأزِؠ ہمیشہ تام قایٔم._ 10 ادٕہ یُوس وون وألِس خاطرٕہ بیُول تہٕ کھؠنہٕ خاطرٕہ ژوٗٹ اکِس بیکس واتناوان چُھ سوۓ واتنایِہ چانِہ باپتھ تِہ تہٕ تَتھؠٕ کرِ برکت تہٕ چانِہ راست بأزِی ہُند پَھل ہُرٕہ رایِہ._
11 تہٕ توہی کرؠو پرؠتھ چیز کِہ ہُرِرٕہ ساتؠٕ پرؠتھ طرؠقٕچ سخاوت.یوسہٕ سانِہ وسیلہ ساتؠٕ خدایہ سنٔز شکر گزارِی ہُند ذریعہ آسِہ._ 12 تکیازِ یہ خدمت انجام دِنہٕ ساتؠٕ سپدِؠنہٕ صرف مُقدِسن ہنٔز ضرورت پورہ بلکہ واریاہن لوکن ہنٔدِ طرفہٕ خدایہ سنٔز شکر گزاری._
13 امِہ موجوب زِ یوسہٕ نیت امِہ خدمتہِ ساتؠٕ ثأبت سپٔز تؠمہِ وجہٕ کؠنؠٕ چھ تِم خدایہ سنٔز ثنا خأنِؠ کران زِ توہی چُھو مسیح سنٔزِ خوشخبری ہُند اقرار کرِتھ اتھ پؠٹھ تابعداری سان عمل کران.تہٕ یہندِ تہٕ تمام لوکن ہنٔدِس مدَد کرنس منز چھ سخاوت کران._
14 تہٕ تِم چِھ تُہندِ باپتھ دعا کران بیِہ چِھ تُہندٕؠ مُشتاق امِہ موجوب زِ توہِہ پؠٹھ چُھ خدایہ سُند بوڈ فضل._
15 شکر أسِن خدایہ سُند تؠمسنٔزِ تؠمہِ ناقابلِ بخششِہ خاطرٕہ._