2 زِ مُصیبتچِہ بجِہ آزماؠِٔشہ منز کرٔن تِہنز خوشی تہٕ سخت غریبی کرٔن تہنز سخاوت حدٕہ کھوتہٕ زیادٕہ._ 3 تہٕ بُو چُھس گواہی دوان زِ تمو دیوت حثیتہٕ موافِق بلکہ طاقتہ کھوتہٕ تہِ زیادہٕ پننِہ خوشی ساتؠٕ._
4 تہٕ امِہ خأراتہٕ بیِہ مقدسن ہنٔز خدمتکِہ شراکتکِہ ذریعہ کورُکھ اسِہ بڑٕہ مِنتہٕ سان درخواست._
5 تہٕ سانِہ امیدکہِ موافقےٕ دیوتکھنہٕ بلکہ کورُکھ پنُن پان گوڈٕہ خداوندس تہٕ پتہٕ خدایہ سنٔزِ مرضی ساتی اَسِہ حوالہٕ._ 6 امہ باپتھ کرٔ اَسِہ طیطُسس نصیحت زِ ؠتھٕ کنؠ تؠمؠٕ گوڈٕہ شروع اُوس کورمُت تِتھےٕ کنؠٕ کرِ سُہ تُوہِہ منز یہ خأراتٕچ کأم پورٕہ تِہ._
7 ادٕہ یتھٕ پاٹھؠٕ تُوہی پرؠتھ کتھِ منز ایمان تہٕ کلام تہٕ علم تہٕ پورہٕ جوش تہٕ تَتھ محبتس منز یُوس اَسِہ ساتؠٕ تھاوان چھو،چِھؠو تھزر لبان،تِتھے پاٹھؠٕ لبیُو یَتھ خأراتچہِ کامِہ منز تِہ تھزَر._ 8 بوُ چُھسنہٕ توہِہ بطورِ حکم ونان بلکہ امِہ موجوب زِ.بُو آزماوٕہ بِییَن ہنٔدِ سخاوتہ ساتؠٕ تُہندِ محبتک پزَر._
9 تکیازِ توہی آسؠو سأنِس خداوندِ عيسٰى مسیح سنٔدٕؠ فضل زانان زِ سُہ اگر زن دولتمند اوس مگر تُہندِ باپتھ بنیو غریب تاکہ توہی بنیو تمسنٔزِ غریبی ہندِ وجہ ساتؠٕ دولتمند._ 10 تہٕ بُو چُھسو اتھ معاملس منز توہہ مشورٕہ دوان تکیازِ یہ چُھ تُہندِ خاطرٕہ فایٔدہ مند امہٕ موجوب زِ توہی ٲسؠو نہٕ پتمِس وریَس نہ صرف اتھ کامہ منز بلکہ أمکِس ارادس منز تِہ اوّل._
11 ادٕہ ونیٕ کرؠو یہ کأم پورٕہ تِہ ؠتھ پاٹھؠٕ توہی ارادہ کرنس منز مستعد آسؠُو تِتھےٕ پاٹھی کرؠو حثیتہٕ موافقہٕ پورٕہ تِہ._
12 تکیازِ اگر نیت آسِہ تہٕ خأرات سپدِ تؠمکِہ موافقٕہ مقبول یہِ انسانس نِش چُھ.نَہ تؠمہِ موافِقٕ یہِ نہٕ تس نِش چُھ._ 13 یہ نہٕ کؠنہ زِ بیکِؠن واتِہ آرام تہٕ توہِہ سپدؠو مکلیف._
14 بلکہ برابری ہندِ طورٕہ سپدِ ونکؠس تُہندِ دولتہٕ ساتؠٕ تِہنز کمی پورٕہ.یوتھ زن تہندِ دولتہٕ ساتؠٕ تِہ تہُنز کمی پورٕہ تہٕ ؠتھٕ پاٹھؠٕ سپدِ برابری._
15 چنانچہ کلامس منز چُھ لؠکھتھ زِ ؠمی زیادہ جمع کورمُت اُوس تس ہور بونہٕ زیادہ کؠنہ.تہٕ ؠمیٕ کمؤی جمع اُوس کورمُت تس چُھو نؠونہٕ کم کؠنہ._ 16 خدایہ سُند شکر چُھ یُس تُہندِ باپتھ طیطُس سنٔدِس دلس منز تِژھؠٔ پادٕہ چُھ کران._
17 تکیازِ تؠمٕؠ مأنؠٕ سأنؠٕ نصیحت بلکہ بڑٕہ جوشہٕ سان سُپد پننِہ خوشی ساتؠٕ توہِہ کن روانہ._ 18 تہٕ اَسِہ تس ساتؠٕ تمسُند بُوۓ ؠمسنٕدٕی تعریف خوشخبری ہندِ سببہٕ تمام کلیسیاہن منز سپدان._
19 صرف یُوت نہٕ بلکہ سپُد سُہ کلیسیاہن ہندِ طرفہٕ امِہ خأراتچِہ کامِہ باپتھ سون ہمسفر.تہٕ أسیٕ چھ یہ خدمت امہ موجوب کران زِ خداوند سُند جلال تہٕ سُون شوق سپدِ ظاہر._ 20 تہٕ أسیٕ چھ بَچِتھ روزان زِ ؠمِہ بڑِ خأراتہٕ مطلق اسیٕ خدمت چھ کرن اتھ مطلق گژھنہٕ اَسِہ پؠٹھ کانہ الزام دؠون._
21 تکیازِ أسؠ یِتھؠن چیزن ہُند تدبیر کران ؠِم نَہ صرف خداؠس نزدیک بہتر آسن بلکہ انسانن نزدؠک تِہ._ 22 تہٕ اسِہ چُھ سوزمُت تِمن ساتؠٕ پنُن سُہ بُوۓ یُوس اَسِہ واریاہن کتھن منز باربار آز مأیِتھ پُر جُوش لوبمُت چُھ.مگر تس چُھ ؠوہِہ پؠٹھ واریاہ بھروسہٕ توۓ چُھ وَنیٕ سُہ زیادہ پُر جُوش._
23 اگر کانہ صِطُسَس مطلق پرژِھ تہٕ سُہ چُھ میون شریک تہٕ تہندِ باپتھ مؠون ؠم خدمت.اگر سانؠن بایٔن مطلق پرژھنہٕ ییہِ تہٕ سُہ کلیسیاہن ہُند قأصِد تہٕ مسیح سُند جلال._
24 ادٕہ پنُن محبت تہٕ سون سُہ فخر یُوس توہِہ پؠٹھ چُھ کرؠو کلیسیاہن رُوبُرو تِمن پؠٹھ ثأبِت._