2 .تکیازِ توہی چُھو زانان زِ اسِہ کیا کیا حکم واتنوُو توہِہ خداوندِ عيسىٰ سنٕدِ طرفہٕ._ 3 .چنانچہ خدایہ سنٔز مرضی چِھے یِہ زِ توہیٕ بنؠو پاک.یعنی حرامکاری نِشہٕ روزیو بچِتھ._
4 .تہٕ پرؠتھ اکھ زانِہ توہِہ منزٕہ پاکیزگی تہٕ عزّتہٕ سان پنُن ظرف حاصل کرُن._
5 .نَہ کِہ بُرٕہ خواہشِہ ہنٔدِ جوشہٕ ساتؠٕ تمو قومو ہندٕی پاٹھؠٕ ؠِم خداؠس زانان چِھنہٕ._
6 .تہٕ کانہ شخص مَہ کٔرِن پننِس بایٔس ساتؠٕ اَتھ کامِہ منز زیادتیِ تہٕ دغا بأزِی تکیازِ خداچُھ ؠمن سارنیٔ کامؠن ہُند بدلہٕ ہؠنہٕ ووُل،چنانچہ اسِہ اوس گوڈٕہ تِہ توہِہ باند باند کرِتھ وُنمُت._ 7 .اوٕہ موکھہٕ زِ خداؠن چِھنہٕ أسؠٕ ناپأکیِ خاطرٕہ بلکہ چُھن پاکیزگی خاطرٕہ ناد دیوتمُت._
8 .ادٕہ یوس نہٕ مانِہ سُہ چُھنہٕ انسانس کؠنہ بلکہ چُھنہٕ خداؠس مانان ؠمیٕ زن توہِہ پنُن پاک رُوح دیوتمُت چُھو._ 9 .مگر بأؠٔ بندِ تِہ ہنٔدِ محبتکہٕ ذریعہ چُھنہٕ انسانس کؠنہ بلکہ چُھنہٕ توہِہ کؠنہ لؠکھُنُک حاجت تکیازِ توہِہ چُھو پانِہ وأنیٕ محبت کرنُک عِلم خداؠس نِش حأصل کورمُت._
10 .تہٕ توہی چُھو تمام مَکِدُونیاہکؠن تمام بایٔن ساتؠٕ یُوتھیٕ ہُؠو کران.مگر ہے بایُو!أسؠٕ چُھو توہِہ نصیحت کران زِ ترقِی روزؠو کران._
11 .تہٕ ؠتھٕ کنؠٕ اَسِہ توہِہ حکم دِیتُو ژھوپہ کرِتھ رُوزن تہٕ پنُن کاروبار کرُن تہٕ پننؠو اتھو ساتی محنت کرنچٕ ہمت کرؠو._
12 .یوتھ زن باقی لوکن ساتؠٕ سنجیدگی سان برتاۆ کرؠو تہٕ کونِہ چیزکؠٕ مُحتاج مَہ أسِیُو._ 13 .ہے بایُو!أسیٕ چِھنہٕ ؠژھان زِ ؠِم شونگمتؠٕ چِھ تمن مطلق روزؠو تُوہی ناوأقف تاکہ باقین ہندٕی پاٹھؠٕ ؠِم اُمید چھ غم مَہ کرؠو._
14 .تکیازِ ییلِہ اَسِہ یقین چُھ زِ عيسىٰ مُود تہٕ زندٕہ ووُتھ تہٕ تِتھے پأٹھؠٕ اَنِہ خدا تِمن تِہ ؠِم شونگمتؠٕ چِھ عيسىٰ سنٕدِ وسیلہٕ تس ساتؠٕ._
15 .چنانچہ أسؠٕ چِھ خداوندٕہ سنٕدِ کلامہٕ مطابق ونان زِ أسی ؠِم زندٕہ چِھ تہٕ خداوند سنٕدِس ؠِنس تام رُوزو باقِی تہٕ شونگمتؠن نِشہٕ گژھو نہٕ ہرگز برونہ._ 16 .تکیازِ خداوند وَسِہ آسمانہٕ زورٕ شورٕہ تہٕ خاص فرشتہٕ سنٔزِ آوازِ تہٕ خدایہ سنٕدِس بِگلِس ساتیٕ.تہٕ گوڈٕہ وَتھن تِم زندٕہ ؠِم مسیحس منز مومتی آسن._
17 .پتہٕ ؠمو أسی ؠِم باقی زندٕہ آسَو تس ساتیٕ اُبرس پؠٹھ کھالنہٕ تاکہ ہواہس منز کرَو خداوند سُند اِستقبال تہٕ تِتھےٕ پاٹھؠٕ روزَو ہمؠشہ خداوندس ساتؠٕ._
18 .ادٕہ،توہی روزؠو ؠمو کتھو ساتؠٕ اکِس بؠکِس تسلی دِوان._