2 .امِہ موکھہٕ زِ توہی چُھو پانہٕ زانان زِ خداوند چُھ تِتھ کنؠٕ یِنہٕ ووُل ؠتھٕ کنؠٕ رُوتلِہ ژُوٗر چُھ ؠوان._
3 .ؠمِہ ساتہٕ لوکھ ونان آسن زِ سلامتی تہٕ اَمن چُھ.تؠمِہ ساتہٕ ییِہ تمن پؠٹھ تِتھٕ پأٹھؠٕ ہَلاکت ؠتھٕ پأٹھؠٕ گوبہِ کھُور زنِہ دَگ چھے آسان تہٕ تِم بَچن نہٕ ہرگِز._ 4 .مگر توہی ہے بایُو!آسِیُو نہِ انِہ گٹہِ منز زِ سُہ دوہ پییِہ ژُوٗرٕہ سٕندٕؠ پاٹھؠ توہِہ پؠٹھ._
5 .تکیازِ توہی چُھو سأرِی نورکؠٕ فرزند تہٕ دوہکؠٕ اولاد،آسؠٕ نَہ چھ رأژ ہندٕؠ تہٕ نہٕ انِہ گٹِہ ہندٕی._
6 .ادٕہ توہی مَہ روزؠو باقؠن ہندٕی پاٹھؠٕ شُونگِتھ بلکہ روزؠو ہُوشیار تہٕ خبردار._
7 .تکیازِ یِم شُونگان چِھ،رُوتلےٕ چِھ شُونگان تہٕ یِم چِیتھ چِھ آسان،رُوتلےٕ چِھ چِھؠتھ آسان._ 8 .مگر أسیٕ ؠِم دوہکؠٕ چِھ،اَسؠٕ رُوزَو ایمانُک تہٕ محبتُک بَکتَر لأگِتھ تہٕ نجاتچِہ امیدِ ہنٔز ٹُوپیٕ دِتھ ہُوشیار._
9 .تکیازِ خداؠن چِھنہٕ أسیٕ غضبہٕ خاطرٕہ بلکہ چِھن امِہ موکھہٕ مُقرَر کرمتیٕ زِ أسؠٕ کرَو پننِس خداوندِ عيسىٰ مسیح سنٕدِ وسیلہٕ نجات حأصِل._
10 .سُو مُود امِہ موجوب سانِہ خاطرہٕ زِ أسؠٕ چاہۓ ہوشیار آسَو یا شونگِتھ آسَو،سأرِی رُوزَو رلِتھ تس ساتؠٕ زندٕہ._
11 .اتِی دِؠُو اکِس بؠکِس تسلّی تہِ اکِس بؠکِی سنٔزِہ ترقی ہُند بأعِث بنُؠو،چنانچِہ توہی چُھو ؠتھ کنؠِ کران تِہ._ 12 .تہٕ ہے بایُو!أسیٕ چُھو توہِہ درخواست کران.زِ توہیٕ مأنؠوکھ تِم یِم توہِہ منز محنت چِھ کران تہٕ خداوندس منز تُہندٕؠ زِ ٹھؠٕ چِھ تہٕ توہِہ چُھو نصیحت کران._
13 .تہٕ تِہنزِ کامِہ ہندِ وجہ کؠنؠٕ کرؠو تِمن محبتہٕ سان بڑٕہ عزّت.پانہٕ وأنؠٕ مِلژار._
14 .بیِہ ہے بایُو!أسؠٕ چُھو توہِہ نصیحت کران زِ بے قاعِدٕہ پاٹھؠٕ پکن والؠٕ سمجھایٔووُکھ،کم ہمتن دِیُو دِلاسہٕ،کمزورن کرؠو مدَد،سارنؠٔ ساتؠٕ ؠُیو نرمی سان پیش._ 15 .خبردار ؠنہٕ کانہ کانسِہ ساتیٕ بدِی بدلہٕ بدِی کرِ.بلکہ روزیُو پرؠتھ ساتہٕ نیک کرنس پتہٕ.پانہ وأنؠٕ تِہ تہٕ سارنۓ ساتیٕ تہِ._
16 .پرؠتھ ساتہٕ روزِیُو خوش._
17 .لگاتار کریو دُعا._
18 .پرؠتھ کتھِہ منز کرؠو شکر گزأرِی تکیازِ مسیح عيسىٰ منز چھے توہِہ مطلق خدایہ سنٔز یہے مرضی._ 19 .رُوہ مہٕ کرِٔووُن ژِھؠتہٕ._
20 .نبوتن ہنٔز حقارت مَہ کرؠو._
21 .سارے کتھہٕ آزماؠُو،یوسہٕ اصل آسِہ تَتھ کریُو تَھف._
22 .بچتھ روزؠو پرؠتھ رنگہٕ بدی نِشہٕ._ 23 .خدا یُوس اطمینانُک ناگ چُھ،کرؠُو توہِہ پانے بلکُل پاک.تہٕ تُہند روح تہٕ زُو تہٕ بدن روزِ خداوند سنٕدِس ؠِنَس تام پورٕہ پورٕہ محفوظ تہٕ بے عیب._
24 .توہِہ ناد دِنہٕ وُول چُھ پزٕی زیُور،سُہ کرِ یُوتھیٕ ہؠُو._ 25 .ہے بایُو!سانِہ موکھہٕ کرؠو دُعا._
26 .پاک مونیُو ساتیٕ کرؠو سارنؠٔ بایَن سلام._
27 .بُو چُھسو توہِہ خداوند سُند قسم دِوان.زِ یِہ خط گژِھ ؠُون تمام باین بُوزناونہٕ._
28 .سأنِس خداوندِ عيسىٰ مسیح سُند فضل روزِن توہِہ پؠٹھ سپدان._