2 .بلکہ توہِہ آسِیو پے زِ اَسِہ تُل گوڈٕہ فِلپایہ منز دُکھ تہٕ بیہ بے عزت گژھنہٕ کؠنؠٕ سپٔز اسِہ خداؠس منز یہ دلیری حاصل زِ خدایہ سنٔز خوشخبری واتنأۆ توہِہ نِش سؠٹھا زُو ژِٹتھ._ 3 .تکیازِ سأنؠٕ نصیحت نہٕ چھے گُمراہی ساتیٕ نہٕ ناپاکِی ساتی نہٕ دھونکہٕ ساتیٕ._
4 .بلکہ یتھ کنؠٕ خداؠن اَسِہ مقبول کرِتھ خوشخبری حوالہٕ کرٔ تِتھے کنؠٕ چِھ أسؠٕ بیان کران خداؠس خوش کرنہٕ باپتھ نَہ کِہ انسانن.تکیازِ خدا چُھ سانؠن دلن آزماوان._ 5 .تکیازِ توہِہ چھے پے زِ سأنِس کلامس منز نہ چھے زانہ خوشامدِی لبنہٕ آمٕژ نَہ چھ لالچِہ ہُند پردٕہ بنُؠومُت،تَتھ چُھ خدا گواہ!_
6 .تہٕ نَہ چِھ أسؠٕ انسانن نِش عِزّت ؠژھان نَہ توہِہ نِش نہ باقِؠن نِش اگر زن مسیح سنٕدٕؠ رسول آسنکِہ وجہ ساتی ہؠکو توہِہ پؠٹھ بار ترأیِتھ._ 7 .بلکہ اَسیٕ رودٕی توہہِ درمیان تِتھ کنؠٕ نرمی سان ؠِتھ کنؠٕ مُوج چھے پننؠن شُرؠن رَچھان._
8 .تہٕ تِتھے پأٹھؠٕ چِھ أسؠٕ تُہندٕؠ واریاہ احسان مند أسِتھ نَہ فقط خدایہِ سنٔز خوشخبری توہِہ دِنَس رأضِی بلکہ چِھ أسؠٕ توہِہ پنُن زُودِنس تہِ راضی.امِہ موجوب زِ توہیٕ چُھو اَسِہ ٹاٹھؠٕ._
9 .تکیازِ ہے بایُو!توہِہ آسِؠو سانیٕ محنت تہٕ مشقت یاد.زِ توہِہ پؠٹھ بار تراونہٕ ورأۓ کرٔ اَسِہ رات دوہ محنت مزوریٕ کرِتھ توہِہ خدایہ سنٔزِ خوشخبری ہنٔز مُنادِی._ 10 .گواہ چُھو توہی تہِ تہٕ خدا تہِ،زِ توہِہ ساتیٕ ؠمُو ایمان چُھ اونمُت کِتھٕ کنؠ آۓ أسؠٕ پاکیزگی،راست بازی تہٕ بے عیبی سان توہِہ ساتیٕ پؠش._
11 .چنانچہ توہِہ چُھو زانان،زِ ؠتھ پاٹھؠٕ مُوٗل چُھ پننؠن شرؠن نصیحت کران،تسلی دِوان،سمجھاوان تِتھے پاٹھؠٕ رُودٕی أسیٕ تِہ توہِہ پرؠتھ اکِس نصیحت کران،تہٕ دلاسہٕ دوان تہٕ سمجھاوان._
12 .یُوتھ زن تُہند طور طریقہ خدایس لأیق آسِہ یُوس توہِہ پننِہ پادشأہی تہٕ جلالس منز ناد دوان چُھو._ 13 .امہٕ خاطرہٕ چھ أسؠٕ تِہ تھؠکنہٕ ورأۓ خدایہ سُند شکر کران.زِ ییلِہ خدایہ سُند پؠغام سانِہ ذریعہ توہِہ نِش ووُت،تہٕ توہِہ کورو نہٕ سُہ انسانن ہُند کلام سمجھتھ قبول بلکہ کورُو حقیقتًا خدایہ سُند کلام زأنِتھ قبول تہٕ سُہ توہِہ اؠمانہٕ والؠن منز اثر تِہ کران._ 14 .امِہ موکھہٕ زِ.ہے بایُو!توہی بنیُو خدایہ سنٔزن تمن کلیسیاہن ہندٕی پأٹھؠٕ ؠمہٕ یہودیایہ منز مسیح عيسىٰ ہس منز چھے.تکیازِ توہی تِہ تلیُو تمٕے تکلیف ؠِم تِمو یہودؠو نِش تلؠٕ._
15 .ؠمو خداوند تِہ مُور تِہ أسؠٕ تِہ کٔڑِکھ اِیزاہ دِی دِی.تِم چھنہٕ خداؠس پسند تہٕ سارنۓ لوکن چِھ مُخألِف._
16 .تہٕ تِم چِھ اَسِہ غأر قومن تہندِ نجاتہٕ باپتھ کلامہٕ بوزناونس منع کران.یوتھ زن تِہندِ گنہچٕ تریکرٔ ہمؠشہ برِتھ رُوزِ،مگر تمن پؠٹھ آو آخرتُک غضٕب._ 17 .ہے بایُو ییلِہ أسؠٕ کؠنہ کالہٕ باپتھ توہِہ نِش ظاہرِی جُدا گے نَہ کِہ دلہٕ ساتؠٕ.تہٕ اَسِہ کرٔ سؠٹھا تماہ سان بیِہ تِہ زیادہٕ کوشِش تُہنزٕ شکل وُچھنس._
18 .امِہ باپتھ یوژھ اَسِہ خاص کرِتھ مےٕ پولُسن اکِہ لٹہِ نہٕ کؠنہ بلکہ دویِہ لٹِہ توہِہ نِش ؠُون مگر شؠطانن رُوکأؠٔ أسیٕ._
19 .خبر سانِہ اُمِید تہٕ خوشی تہٕ تھیکنُک تاج کیا چُھ؟کیا سُہ أسِؠونا توہی سأنِس خداوندس برونہ کنِہ تمسنٕدِ ؠِنکِہ وقتہٕ._
20 .سون جلال تہٕ خوشی أسِو تُہِیؠ._