3 .تہٕ پننِس خداتہٕ ببہٕ سنٔزِ حضوری چِھ تہُندِ ایمانٕچ کأم تہٕ محبتچٕ محنت تہٕ تؠمِہ اُمِیز ہُند صبر یاد کران یوس سأنِس خداوند عيسىٰ مسیح سنٕدِ وجہ ساتیٕ چُھ._ 4 .تہٕ ہےٕ بایُو!خدایہ سنٕدؠو ٹاٹھیو و اَسِہ چھے پے زِ توہیٕ چُھو ژارنہٕ آمتؠٕ._
5 .امِہ موجوب زِ سأنؠٕ خوشخبری واتنہٕ توہِہ نِش فقط لفظی طورہٕ بلکہ قدرتہٕ تہ رُوح القُدسہٕ تہٕ پورہٕ یقینٕ سان تہِ.چنانچہ توہِہ چھے پے زِ اَسؠٕ کتھِہٕ کنؠٕ چِھ تہندِ باپتھ توہِہ ساتیٕ رَلِتھ._ 6 .تہٕ کلامہٕ بڑٕہ مصیبتس منز روح القدسہٕ سنٔزِ خوشی سأتؠ قبول کرِتھ بنیو توہی سأنِس خداوند سنٕدٕؠ پأٹھؠٕ._
7 .یوتام زن توہیٕ نمونہٕ بنؠُو مِکدُونیاکؠن تہٕ اخیاکین تمام اؠماندارن ہندِ باپتھ._ 8 .تکیازِ تُنہدِ ساتؠٕ پھہلؠنہٕ خداوند سنٕدِ کلامٕچ شہرت فقط مؠکدونیایِہ تہٕ اخیاہس منز بلکہ تہند اؠمان یُوس خداؠس پؠٹھ چُھ پرؠتھ جایِہ مشہور گومُت.زِ سانِہ وننچٕ چھؠنہٕ کانہ ضرورت._
9 .امِہ موجوب زِ تِم چِھ پانہٕ سأنؠٕ ذِکر کران زِ سُون توہِہ نِش یُون کؠوتھ روٗد تہٕ توہی سپدؠُو بُتونِشہٕ واپس پِھؠرتھ خدایس کن مُخاطِب تاکہ زندٕہ تہٕ حقیقی خدایہ سنٔز کرؠو بندگی._
10 .تہٕ آسمانہٕ پؠٹھٕ روزیو تہندِس فرزند سنٕدِس ؠنکِس انتظارس منز.یُوس تؠمؠٕ موردو منزٕہ زِندٕہ کور یعنی عيسىٰ مسیح سنٕدِس،یُوس اَسِہ یِنہِ والِہ غضبہٕ نِشہٕ بچایِہ._