¹ Cware mbuti shake tute? Haha tuzwire havuso muvubbi kutiye chishemo chivonahare kovungi? ² Kakuwoli kuva vulyaho. Eswe nitwa fwira kutenda vubbi, mbuti tuwora kuhara mwacho? ³ Kana kamuzyi eswe twenshe nitwa koroveza kwa Jesu Kiresite nitwa korovezwa mu rufu rwakwe? ⁴ Aha kwina vulyaho nitwa zikiwa neye koku korovezwa mu rufu. Ezi niza tendahara vulyena Kiresite navuswa kuvafu ke kanya ya Nyambe, okutiye neswe natu yende muvuya bovuharo. ⁵ Mi shina aha nitwa shangana neye muku swana kokufwa kwakwe, natura shangana hatu honke muku vuka kwakwe. ⁶ Tuzyi ye , o mukuru wetu na kokoterwa neye o kutiye o muvili we cibbi nau yayiwe. Ezi niza tendahara ye twashavi mubwika ku cibbi. ⁷ Ozyu naafwa natewa ye achenete havuso we cibbi. ⁸ Mi aha twafwi ne Kiresite tu zumina ye natura kezya kuhara neye. ⁹ Akuli tuzyi Kiresite aha navuswa kuvafu, kame kali nafwe; o rufu lyaazya manta kwakwe. ¹⁰ Kokuya korufu nafwira ezibbi, nafwa lyonke kufwira bonshe. Kavulyaho, o vuharo a ahara, ahalira Nyambe. ¹¹ Kenjira yiyo, muzyive ye nenwe nimwa fwira kuzi zibbi, kono koku hara kwa Nyambe kwa Jesu Kiresite. ¹² Mi kavulyaho mwasha zuminini ezibbi oku vusa mumi vili yenu okutiye mwasha teezi ku ntakazo. ¹³ Mwashahi eccibi ezi rama zenu, kute chizoke ezi berekiso zo vibbi, kono mushune kwa Nyambe nemu vikitwe ku vafu, mi muhe Nyambe ezirama zenu kute zizoke ezi verekiso zoku ruka. ¹⁴ Mwasha zuminini echibbi oku mivusa. Akuli mwina mwinshi yo murawo, kono mwinshi ye chishemo. ¹⁵ Chinji cware? Tutende ezibbi kakuli twaazya mwinshi yo murawo, kono mwinshi ye chishemo? Naku reke kuva vulyaho. ¹⁶ Nga muzyi ye mushili vika a vakana vo muntu, muli vakana vo muntu ozyo mushuwa? Muwora kuva o mukana we cibbi, echo citwara kukufwa, kapa mukana kukushuwa , kutwara kuku ruka. ¹⁷ Tuli tumere kwa Nyambe! kamuli bakana ve cibbi hena kare, kono hanu mwa zumini ko mozyo, ke ntuto yo vurumeli ezyo niwa hewa. ¹⁸ Mi aha nimwa rukururwa ku cibbi, nimwa tendwa a vakana voku ruka. ¹⁹ Ndi amba shina muntu kevaka lyoku fokora kwe nyama. Shina aha nimwaha ezirama zo muvili wenu okuva bakana kukusha chena, munjira ifwana, muhe ezirama ze mivili yenu kuku chena okutiye nemu hazwa. ²⁰ Aha kamuli bakana ve cibbi, kamu rukuruhite kuku ruka. ²¹ Mweyina nako, nziyango munji ezo kamukwesi ezo zimi swavisa hanu? Akuli ama maninikizo azo ndufu. ²² Mi cware aha shemu rukuruhite ku zibbi mi nimwa zoka a bakana va Nyambe, mukwesi eziyango zoku cheneswa. Mi ama maninikizo mbuharo kavumani. ²³ Akuli o mupuzo we cibbi ndufu, kono echihewa cha Nyambe mbuharo kavumani kwa Jesu Kiresite o Nfumu wetu.