¹ Kavulyaho tuvotere kushuwisisa kwezo nitwa shuwa, okutiye natu reke ku hunguruka kuzwa mwazo. ² Ati eñusa elyo nilya ambiwa ka mañiroi nali tewa li sepahara, mi noku chora murawo nokusha shuwa kuwana entifo, ³ cware mbuti tuwora kusheya ati katu chilili zoku hazwa? Oku kuhazwa nikwa ambiwa kuka tanzi ndu Nfumu mi avo niva shuwa navo vokezya ku vumbiliza. ⁴ Mwina nako ifwana Nyambe na amba kezi supo, zikomona, mi nezingi zikomona, mi koku bbataura entuho zo Ruho ru Chenete komo ashakira. ⁵ Kali mañiroyi nia tenda Nyambe ye efasi likezye, elyo tuamba. ⁶ Kono zyumwi kumunya ndeye na toroka, koku amba, ''Ndini mukwame, ozyo muzyi nenja? Kapa o mwana wo muntu, ozyo mutokomera? ⁷ Nimwa tenda o muntu kuva hanshi ku mañiroyi; nimwa muvika mushukwe wwe tuvo noku kutekiwa. ⁸ Nimwa vika ezintu zonshe kunshi ya matende akwe. Mi kwakwe Nyambe navika ezintu zonshe. Kali nareka ezintu okutiye zashavi mu manta akwe. Kono hanu twaazya kubwene ezintu zonshe zina kwakwe. ⁹ Kono tubwene ozyo navikwa enako enini kunshi ya mañiroyi, Jesu, kevaka lyoku shandiswa nokufwa, navikwa mushukwe we kanya noku kutekiwa, okutiye ke chishemo cha Nyambe nayerekere a bantu vonshe o rufu. ¹⁰ Kakuli kaku botere kwa Nyambe, kakuli ezintu zonshe ndeye niza tenderwa mi ndeye nazi tenda, oku reta a vaana bangi kwi tuvo. Kaku votere okutenda ozyo na tatika o mutendo kuu maninikiza okutiye nava hazwe mwishando lyakwe. ¹¹ Kakuli vonshe va chenesa navo cheneswa vazwa kuntu konke. Kafwi enshoni kuva kuwa ye mbanchu wakwe. ¹² Nara amba, ''ye nandira amba ezina lyako ku banchu vangu, nandira kutemba mukati ka vantu va shangene.'' ¹³ Mi aku amba hape ye, ''Nandira musepa.'' Mi hape akutaye, ''Muvone, eme zyunu na vaana avo nandiha Nyambe.'' ¹⁴ Cware vulyena a vaana vahinda echi bbamu kwi nyama na maroha, mi neye na bbatawura zizo ezintu munjira ifwana, okutiye ko rufu rwakwe a manise ozyo akwesi omuvuso o rufu, eye diyavurusi. ¹⁵ Eyi niyava vulyaho okutiye a vantu va rukuruhe navo vonshe vahara mwintiya yo rufu mwinako yonshe yo bukana. ¹⁶ Nza hawa kali mañiroyi natusa, kono mbantu vazwa kwa Abrahama. ¹⁷ Kaku votere kwakwe ye ave shina mbanchu bakwe mwinjira zonshe, okutiye o muprista o munene ave ne chishemo noku sepahara mwi zintu zonshe za Nyambe, nokutenda e severezo yoku lifa ezibbi za bantu. ¹⁸ Kakuli Jesu yemwini na shanda mi na yerekwa, mi awora kutusa avo vakwesi bayerekwa.