¹ Kare kare ko Nyambe ka ambanga kuvantu vetu kenjira ya maporofita kungi kungi mi mwinjira zingi. ² Kono mumazyuva anu na ambi neswe enjira ya Mwane, ozyo navika ye ndeye ajovora zintu zonshe. Kakwe efasi nalivumba Nyambe. ³ Ndeye a munika mutuvo ya Nyambe, oku hitilira ezintu zakwe. Ndeye akwesi zonshe zintu hatuhonke ka manta ezywi lyakwe. Aho shamana ku chenesa ezibbi, nakara ku malyo o Nfumu wakwe. ⁴ Nakezya kuva munene kuhita mangiroyi kakuli ezina elyo najobora lihita lyabo. ⁵ Ndini ku mangiroyi ozyo natewa kwa Nyambe ye, ''Ndiwe Mwanangu mukwame, shunu ndavi Eshenu''? kapa ndini ku mangiroyi ozyo natewa kwa Nyambe, ''Mbondi me Eshi wakwe, mi eye mbwave Mwanangu mukwame''? ⁶ Kono hape, shinga shareta Nyambe a vaana vevere mwifasi, ataye, ''Wonshe mangiroyi va Nyambe bamu rapere.'' ⁷ Ku mañoroi ataye,'' Ndeye atendera e miuzya ya mañoroi, na bakana bakwe a malimi o muliro.'' ⁸ Kono ku mwane ataye, ''Ha chipura chako cho nfumu, Nyambe, akere ko kutwara oko. Nora atura kokuya ko murawo wo muvuso wako. ⁹ Niwa shaka o vurotu mi o zimbite okushava no murawo. Kavulyaho Nyambe, Nyambe wako, naku vika a mafuta oku voterwa kuhita a vayenzo.'' ¹⁰ ''Kuma tatikizo, Nfumu, niwa zyara enchanda chefasi. Ewiru nilya tendiwa ku maanja ako. ¹¹ Navara fwa, kono ewe nora zwira havuso. Navara kurumpara shina nchi zyabaro. ¹² Nora va zimburusa mbwe nji wachi, mi navara zoka shina nchizyabaro. Kono mulifwana, mi myaka yako kaimani.'' ¹³ Ndini ku mañiroyi ozyo natewa kwa Nyambe mwi nako yonshe, ''Kare ku malyo angu mbita aho nanditende vaku zimbite a malyatilo s mstende ako''? ¹⁴ Haha kali wonshe mañiroyi awo oruho atenda mutendo, mi ngawo atumiwa ye vavarere avo nava jovore okuhazwa?