¹ Vanche, mukuteke a vashemi venu ko Nfumu, kakuli chechintu cina nenja. ² "Kuteke vesho niva nyoko" ( kakuli nje ntaero ya pili ina e nsepiso), ³ "o kutiye ive nenja kwako mi no hare e nako ende hanshi." ⁴ Veshwetu, mwasha vengisi a vanenu. Kono, muva kulise ke mirawo ne ntaero zo Nfumu. ⁵ Bakana, mukuteke a vantu va miyendesa kekute lyo kwinshi mi namu tutuma, koku sepahara kwe myozyo yenu. Muve ne kute kwavo vulyena muwora kutendera kwa Kiresite. ⁶ Muve nokuli kuteka kali mbita ava kuru nava mibwene, o kutiye muva votise. Kono, muli kuteke vulyena muli vakana va Kiresite, ozyo atenda ezo ashaka Nyambe ko mozyo wakwe. ⁷ Mutende ke myzyo yenu, shina mutendera Nfumu kali a vantu, ⁸ kakuli tuzyi ye zonshe ezi tendantu ezo atenda o muntu yenke, nara tambura o mupuzo ku Nfumu, nanga mukana kapa a rukuruhite. ⁹ Vayendesi, mutende nenja a vakana venu mwinjira yonke. Mwasha vapihili. Muzyi ye ozyo vayendesi ni venu vonshe akere mwiwuru, kwaazya oku keturura kwakwe. ¹⁰ Koku maninikiza, mugore ku Nfumu mi ke ngamu zakwe kazimani. ¹¹ Muzwete e zizyavalo za Nyambe, ukutiye namuwore oku zyimana ku mirero e mibbi ya diavurusi. ¹² Kakuli a maziyaziya etu kali ngaku rwisa enyama na maroha, kono nava vusa, ne mivuso, ne manta akansikwe, na masore vo ruho rubbi mu zivaka zoku hwiru. ¹³ Kavulyaho muzyavare za nyambe za Nyambe, mi shinga mutenda zonshe, muzyimane koku gora. ¹⁴ Muzyimane namu gorete, namuli shumine o munsunga we niti mwi nyonga zenu, mi namu zyavere hazi zuva oku ruka. ¹⁵ Mi nama tende enu naa sualitwa okuli vakanya kuzwira hezywi lya Nyambe lya mpore. ¹⁶ Monshe vulyo kukalire ohinde enteve ye ntumero, keyo owora oku zimisa wonshe masho o muliro wo muntu mubbi. ¹⁷ Mi ne husi yoku hazwa no mukware wo Ruho, elyo ezywi lya Nyambe. ¹⁸ Ke ntapero yonshe and noku kumbira, rapere nako yonshe ko Ruho. Kaa ma maninikizo, mutonde nako yonshe kokusha siyira hakati aho muha e ntapero kuvantu vonshe va Nyambe. ¹⁹ Mi mundi rapere neme, o kutiye eñusa lihewa kwangu nandi shini ku arura a kanwa kangu. Mu rapere o kutiye ndi zyivahaze nandi gorete e niti izikitwa yezywi lya Nyambe. ²⁰ Kezywi lya Nyambe ndili mutumiwa ozyo avikitwa mwi ncheini, o kutiye nandi ambe nandi gorete, omo ndi votere kuamba. ²¹ Tychicus, mwanchungu mi o mukana a sepahara kwa Nyambe, nara mi sumwina zonshe, o kutiye namuzyive omo ndihalira. ²² Ninda mutumina kezizi vulyo, o kutiye namuzyive omo tukalire, mi no kutiye na jingize e myozo yenu. ²³ E mpore yive kwenu vakwangu, ne rato ke ntumero lizwa kwa Nyambe Shwetu no Nfumu Jesu Kiresite. ²⁴ Echishemo chive kwavo vonshe vashaka o Nfumu Jesu Kiresite ke rato lyaazya vubbi.