¹ Aba shakiwa, Kahaa tukwesi ezi nsepiso , Tulichenese kwesi zonhsee zitusirafazaa munibili yetu no mimyuzya yetu. tu halibike hakushaka oku chena kwa Nyambe ² Mutu tendere e chibaka! Katwa mi tendi obubii kumuntu no muntu. kwaazya ozyo twa kubazi kapa ozyo twa hindi kokuhomenena. ³ Kali kumi nyansa aha ndi amba ezii . kakauli ndaambi kare yee mwina mwi mezyoo yetu, kwetu tu fwire hantu honke . ⁴ Ndi kwesi e nsepo nene hawa kwenu , Hape ndili kuumusa kenu. Ndi zywire okuli keta . Ndizywire e mboterwa mi mwi seheko. ⁵ Aha tu kezye kwa Masedonia , Emivili yetu yaazya okushwenete. Kono, nitwa shandiswa mwinjira zonshe ke mifilifili mukati na hanje ne ntiya mukati . ⁶ Kono Nyambe , ozyo ya ambaa naba bashaka okuboolela murushara, naa tushenga shenga kokuhura kwa Tite. ⁷ Kali nkokuhura kwakwe bulyo ye Nyambe natu shengashenga. no kulishuwa o bubbi , no kutongauka hawa kwangu. Mi ninda boterwa hawa. ⁸ Naha kuteye e ñoro lyangu nilya mishuwisa okukubaza, kandi shuwi obubi. ⁹ Kono nindalishuwa obubbi ahaa ndibona yee e ñoro lyangu nilya reta yee mulishuwe obubbi , mi kaili nako nini bulyo . Hanu ndaazya oku voterwa kebaka lyokuta ye kamulishuwire obubbi, kono o bubbi bwenu bwa mi reti kwi mpuluso. ni mwalishuwa o bubbi bwa Nyambe , cware kali ni mwa sinyeherwa kebaka lyetu. ¹⁰ Kakuli okuswaba kwa nyambe kureta e mpuluso oko kureta e mpuluso no kusa lishuwa obu bbi . ama swabii e fasi, cware e reta okufwa. ¹¹ Mubone okuwongoza ezi nshee zazwi kwenu. Mbunene mu ku gora mwenu okusunda ye mwaazya okufosete. Mbunene nji kabwina mukufosa kwenu, e ntiyaa nokushakaa , no ku kwatisa kwenu , mi nokushaka kwenu yee mubone e nkaturo kuteye itendwa muzintu zonshee ezi nimwa lisunda yee mwaazya okufosete mweyi ntaba . ¹² Naha ninda miñolera kali ninda ñora kebaka lya mafosisa , kapa kozyo na shandira okufosa , cware obulotu bwenu buzyibahare kwenu mumenso a Nyambe. ¹³ Kaho nkezi mpaha tujingizwa. Kokukambikira kuku hara kwetu mwi mboterwa, nitwa boterwa hawa kebaka lye ntabo ya Tite kakuli o muzya wakwe niwa chinchwa kenu mwenshe. ¹⁴ Kakuli kandi lituntu kwakwe kebaka lyenu, kali kandiswaba . Kono zonshe ezi ninda amba kwenu nza hawa, o kulitunta kwetu ka Tite nikwava kwa hawa. ¹⁵ Elato lyakwe kwenu njinene asi nahana oku luka kwenu mwenshe, buti nimwa mutambura ke ntiya nokututuma . ¹⁶ Nindaboterwa kakuli ndina e nsepo kwenu.