¹ Okuzebeza hantu honke neye , tumi kumbira okuteye musa wani echishemo cha Nyambe amahara. ² Kakuli atayee , mwi nako eyii iswanera nindami tokomera , mimwi zyuba lye mpuluso ninda mi tusa . mutonde hanu, hanu nji nako e ndotu. Tonde, hanu nji zyuba lyo kuhazwa . ³ Katu viki ezi kanga habuso bo muntu no muntu, kakuli katushaki ye o musebezi wetu u shwahuliwa. ⁴ Kono , tulitumerera tubeni ke misebezi yetu yonshee, okutiyee tuli beka ba ba Nyambe . ⁵ Tuli be kana mu ku li hambiliza , Ne seheko , nama ziyaziya , no bukukutu, ⁶ Kudamiwa kubikiwa mwi ntolongo , maziyaziya , bukababu bwe misebezi, mukusha rara ama siku, mwi njara, muku nchena , mukunziba , mukuliketa , mwi mboterwa , mu ruho lu chena , mwi lato lya chahaa . ⁷ tuli bakana ba kwe mwi zwii lye niti , mu gora kwa Nyambe . tukwesi e ntebe yo ku chena kwi yanja lya maryo ni rya mamwensi. ⁸ Tusebeza muku hanjikiwa no ku suswa, mukushandiswa no kutembwa. Tu nyanswaa ye twina akayama mi netu amba eniti. ⁹ Tusebeze mbwee tuzyibahere nitwaazya okuzyibahere. tusebeza mbwe shetu fwaa kono mubone tusihara. Tusebeza mbwee tu herwa e nkoto ke misebezi yetu kono katu nyaswa mani kwi fuu. tusebeza ne nshoni , kono tu shupura ke mboterwa . ¹⁰ Tusebeza netuli be kana , kono tu tenda bamwi ni ba fuma. Tusebeza nitwaazya mbwee twaazya chimwi kono netu kwesi zintu zonshee. ¹¹ Twaambi e niti yonshee kwenu, Enwe mubena korinte, mi e myezyo yetu i arukite. ¹² Mwaazya okukaniswa kwetu, kono mukaniswa mu myezyo yenu. ¹³ Hanu nkulichinca - Ndiaamba mani mbwee ku ba nchye - muliarure hawa. ¹⁴ Mushaa shuminwa naba kaba zumini. Kakuli obubbi no burotu bwaazya echii konda ? ¹⁵ Mbushere nji bukwesi mbina mumuni na kansikwe ? nkuzuminzana nji kwina mwa Keresite no bbubi ? Zinji ba kwesi aba kaba zumini naba ba zumina ? Nku zuminzana nji kwina mwi tempele ya Nyambe nezi Mperemensi ? ¹⁶ Kakuli ndiswe e tempere ya Nyambe ozyo ahara , Sina Nyambe ahaa naa mba : Ndira hara naboo no kuyendaura mukati kaboo . Ndibe Nyambe wabo aboo babe vantu bangu.'' ¹⁷ Kavulyaho, ''Muzwe mukati kavo, mubbatuke kwavo,'' mbovulyaho ataa Onfumu. ''Muusha kwati echintu chaazya kuchenete, mbondi mitambure. ¹⁸ Mbondive Shwenu, enwe mbomuve vaanangu ava ninzazana na vakazana, '' mbovulyaho ataa o Nfumu amana.