¹ Shetutatika kuli tumbaeta kame? Katu shaki a mañoro akezya kwenu kapa azwa kwenu o vupaki mbwe mbantu vamwinya, nali? ² Enwe muvene ndinwe mañoro etu ovupaki, añoretwe mumyiozyo, azyivitwe noku valiwa ku vantu vonshe. ³ Musunda ye muli ñoro lizwa kwa Kiresite, ndiswe nitwa huza.Kali nilya ñoliwa ke inke kono ko Ruho rwa Nyambe ozyo ahara. Kali kaliñoretwe ha matapa kapa hamavuwe, kono ha matapa emyozyo ya vantu. ⁴ Inu nje nsempo tukwesi ka Kiresite havuso bwa Nyambe. ⁵ Kwaazya echo tukwesi tuvene cotuwora kulitemba kaco. Kono, ensepo yetu izwa kwa Nyambe. ⁶ Ndi Nyambe natutenda ye tuve aveka ve vushere ovuya. Ovunu kali vushere bwe ñoro kono o Ruho. Kakuli eñoro liyaya kono o Ruho ruha o vuharo. ⁷ Cware o mutendo ureta o rufu - owu kawu ñoretwa ha mavwe - niwa kezya ke ntuvo enene kuta ye bana va Isiraere kali kava wora kutonda kumensho a Mushe nenja. Nikwava vulyaho kevaka lya ntuva ye cifateho cakwe, entuvo eyo kaimana. ⁸ Mbuti shaka nakuve ku ntuvo yo mutendo wo muzya? ⁹ Ati kuta o mutendo o kunyansa ka ukwesi entuvo, mbuti shake ive entuvo yo mutendo o kuruka! ¹⁰ Ka hawa, ezo niza tendiwa entuvo nako imwinya siza azya entuvo hanu kevaka lya entuvo itantilire. ¹¹ Cware heva ezo zazya kukalilire kazikwesi entuvo, nji ntuvo ilikana kwi shaka neive kwezo zikalilire! ¹² Kakuli tukwesi ensepo yo vulyaho, tugorete hawa. ¹³ Katufwani mbwe ndi Mushe, ozyo ka vwikitwe a kawuvo ku mensho kuta vana va Isiraere kali ka vawora ku mutonda nenja kuma maninientuvo eyo kaimana. ¹⁴ Kono engazyaro zavo kazi kukutire. Kuhura neshunu hanu, vashi bara zo vushere bwentanzi, a kawuvo kafwana kashikere. Kakashini kutavuliwa, kawoara kuzwa ka Kiresite vulyo. ¹⁵ Kono nanga ndishunu, monshe omo valira za Mushe a kawuvo ka vwika emyiozyo yavo. ¹⁶ Kono o muntu ashi zokera ku Nfumu, a kawuvo ka zwisiwa. ¹⁷ Cware o Nfumu ndi Muzya. Ahakukere o Muzya we Nfumu, nkoina entukuruho. ¹⁸ Hanu twenshe, ne zifateho zaazya kuvwikitwe tuvona entuvo yo Nfumu. Tukwesi tuzoka muntuvo ifwana mu mazyimo entuvo imwinya ku imwinya, vulyena kwina kwa Nfumu, eye o Muzya.