¹ Pawulo, m'postolo wa Jezu Kristu mwa cido ca Mulungu, na m'bale Timotiyo, ² kwa wa kucena na wabale wakulungama mwa Kristu, kuti wali mwa kloso. Nyaca na ntendere ngazikhale kwa imwe za kwa Mulungu babawathu. ³ Tikutenda kwa Mulungu na baba wa Mbuya wathu Jezu Kristu, ndici kunamatirani kwenda na kwenda; ⁴ Ndipo tidabva kulonga thangwera kutenda kwanu mwa Kristu Jezu, na lufoi lanu munalo kwa wentse wakucena; ⁵ thangwera ku kulupirira kuti kuda koiya parayimwe ku dzawulu. Kalikale mudabva kukhulupirira koku na thangwera mafala ya cadidi ya vangeri, ⁶ kuti ladi fika kwa imwe, ninga mu dziko lelentse; ndipo wanadza ita bzvibereko wacikula ninga mwa imwe, kubuda pa ntsiku yanumudabva ndipo mudadziwa kudeka kwa Mulungu kwa cadidi. ⁷ Muda fun'dza vangeri na Epafras, m'bale wathu nyakuti thandiza, ule kuti ndiwakulungama nyaku sen'zera Kristu mwa kuda kwanu. ⁸ Iyembo adalonga ludo lanu mu m'zimu. ⁹ Ndipo, kubuda pa nthawe yathu tidabva, tiribe kuima kukunamatirani, tici kumbira kuti mukhale na kudzala na n'dzeru za cido cawo, mwa n'dzeru na kudziwa mu m'zimu; ¹⁰ kuti mukhale wakulungama kwa Mbuye, kumupfan'tsiza pa bzventse, mucikhala na bzvibereko mumabasa yentse yabwino, mucikula mwa kudziwa Mulungu; ¹¹ Mucilimbisiwa na ntsimba zentse, malingana na mpfambvu zace na mbiri, kuti mukhale wakucingirira na kupirira na kukomedya, ¹² mucimba tenda baba ule kuti adati pfun'dzisa kukhala cipande n'thaka ya kucena muumambo mwa ciedza. ¹³ Iye aticosa mwa kundiwa na urima, ndipio adatibweresa mu umambo wa mwana wace wakudiwa, ¹⁴ mwa ule kuti tina kufuthumuliwa: Kulekereredya kwa bzvitazo. ¹⁵ Iye ndi cilatizo ca Mulungu wakusaiya kuwoneka, mwana wakuyamba, omwe ndi mkulu kuposa bzva tsikiwa bzventse, ¹⁶ nakuti mwa iye bzvida tsikiwa bzvinthu bzventse bzva kudzaulu na bzva pantsi, ngakhale azimambo ayai wakulu wa mpfanbvu ayai watsogoleri; bzventse bzvinthu bzvidatsikiwa naiye ndipo pala iye. ¹⁷ Iye akhalipo pakhasati atsikiwa bzventse bzvinthu ibzvi, ndipo kwa iye bzventse bzvinthu bzvimbakhala. ¹⁸ Ndipo iye ndi m'solo wa wa thupi la gereja; iye ndi nyakuyamba na mwana yekha pa wanyakufa, kuti pa bzventse akhale mkulu wakuposa. ¹⁹ Nakuti bzvidam'komera Mulungu kuti umulungu wace watunthu ukhale mwa iye; ²⁰ ndipo kudzera mwa Kristu, bzvinthu bzventse bzviyanjane na Mulungu, bzvingale bzvomwe bzviri pantsi napo bzvomwe bzviri kudzulu, acibweresa ntendere kudzera mwa gazi lace lidayerera pamtanda. ²¹ Imwepo ndipo kale mukhali kutali na Mulungu, ndipo mukukumbuka kwanu mukhali wanyamadulanthaka thangwera bzvakucita bzvanu bzvakuipa. ²² Tsapano akuyanjanisani kudzera kuthupi la Kristu mwa njira ya inpfa, kuti mukawonekere pa tsogolo pace wakucena, wakusaiya thangwe ndipo wakusaiya kupasiwa mulandu uli-wentse, ²³ Pokha pokha mukhapitiriza kukhala dzololo mucikhulupiriro, muci leka kutaiya cidikiro ca mafala yabwino, yanu mudabva ndipo yadapalidziwa kuna bzvakulengedwa bzventse bzva pantsi pano, ndipo inePaulo ndida sanduka ntena ya mafala yabwinoyo. ²⁴ Tsapanolino ndiku komedya mwa kuboneresiwa kwangu na imwe, ndipo ndikumaliza pa nyamayangu kusalila kwa kuboneresiwa kwa Kristu, mwa dzambuko mwa thupilace, kuti ndi gereja. ²⁵ Mwa gerejayo ndidasanduka nthena malingana na basa, lagu Mulungu adandipasa lakukupalidzirani mwa thunthu mafala yabwino ya Mulungu. ²⁶ Mafalayo ndi cintsisi cire cikhali cakubisika nthawe ikulu na m'mibadwe, manji tsapano cawonesedya kwa wakucena wace. ²⁷ Mulungu akhada kudziwisa wakucenawo udali wa mbiri ya cintsisi coci kwa wale ndi wajuda lini, Cintsisi coci ndi cakuti Kristu ali kuna imwe akupaseni cidikiro ca mbiri yace. ²⁸ Ife timbamu palidza, ticiwacenjeza ndipo ticipfundzisa m'bodzi na m'bodzi mu udziwi wentse, kuti atiperekere munthu wentse adakwana kwa Kristu. ²⁹ Napop ine ndiri kulimbikira na kumenya nkhondo malingana na pfambvu zace, zire kuti ziri kuphata basa kuna ine.